زیر زمیں کھلے کہ تہِ آسماں کھلے

 زیرِ زمیں کھلے کہ تہِ آسماں کھلے

میرے خدا کہیں تو مری داستاں کھلے

کھلتا نہیں ہے بیٹھے بٹھائے کوئی یہاں

ہم نے زمین اوڑھ لی تب آسماں کھلے

مدت ہوئی ہے دونوں کو بچھڑے ہوئے مگر

اب تک نہ ہم یہاں نہ وہ اب تک وہاں کھلے

زندگی اور طرح اب تو گزاری جائے

زندگی اور طرح اب تو گزاری جائے

عشق کی جیت کے بازی کوئی ہاری جائے

آج پھر ہے لب و رخسار پہ گل رنگ بہار

آئیے! آپ کی تصویر اتاری جائے

اب کوئی اس سے تعلق، نہ مراسم، نہ قرار

اب اگر جان یہ جاتی ہے ہماری جائے

درد بے حد سا کوئی ڈھنگ کا آزار تو ہو

درد بے حد سا کوئی ڈھنگ کا آزار تو ہو

زیست کرنے کے لیے سر پہ اک پندار تو ہو

تجھ پہ بھی شہر کے کھل جائیں گے اسرار و رموز

تُو بھی میری طرح رسوا سرِ بازار تو ہو

ہم نہیں کوچۂ جاناں میں کوئی سہل پسند

راہ لینے کے لیے سامنے کوئی دیوار تو ہو

دیکھتے ہیں جو اگر ہم وہ سنانے لگ جائیں

دیکھتے ہیں جو اگر ہم وہ سنانے لگ جائیں

اچھے اچھوں کے میاں ہوش ٹھکانے لگ جائیں

کتنے خوش فہم ہیں کچھ لوگ تِری محفل میں

ہو اجازت تو ہم آئینہ دکھانے لگ جائیں

ایک ہی پَل میں کبھی عمر گزر جاتی ہے

اور کسی پَل کو بِتانے میں زمانے لگ جائیں

لیے پھرتے ہیں دل میں غم کسی کا

لیے پھرتے ہیں دل میں غم کسی کا

عجب سا رنگ ہے اب زندگی کا

یہ کن حیرانیوں میں گھِر گیا ہوں میں

ہر اک چہرے پہ ہے چہرہ کسی کا

تعلق کو نہ اتنا آزماؤ

بھرم اب کھل نہ جائے دوستی کا

تہمتیں اٹھا لیں کیا ہم شکست کھا لیں کیا

تہمتیں اٹھا لیں کیا 

ہم شکست کھا لیں کیا 

مان لیں زمانے کی

اور سر جھکا لیں کیا 

کھاۓ ہیں بہت دھوکے

پھر فریب کھا لیں کیا 

کسی گلی کسی کوچے میں گھر دیئے جائیں

کسی گلی کسی کوچے میں گھر دیئے جائیں
وگرنہ شہر بدر لوگ کر دیئے جائیں
امیرِ شہر کی سنتے ہیں اب یہ خواہش ہے
ہمارے پاؤں ہمیں باندھ کر دیئے جائیں
قدم قدم پہ کھڑی ہو رہی ہوں دیواریں
تو گام گام پہ لازم ہے سر دیئے جائیں

ہم دلگرفتہ ایک زمانے سے تو رہے

ہم دل گرفتہ ایک زمانے سے تو رہے
یہ بات ہر کسی کو بتانے سے تو رہے
بدلے نہ ہوں گے آپ، یہ ہم کیسے مان لیں
آخر جنابِ من بھی زمانے سے تو رہے
اب تم بھی ناصحوں کی طرح بولنے لگے
اب ہم تمہاری بات میں آنے سے تو رہے

ملا اگر نہ کوئی ڈھنگ کا بہانا تو

ملا اگر نہ کوئی ڈھنگ کا بہانہ تو
تمہیں بھی پڑ گیا وعدہ نبھانا تو
تمہیں گماں ہے کہ زخموں کو وقت بھر دے گا
مگر جو ختم ہوا یوں نہ یہ فسانہ تو
جو راز دل میں چھپائے ہوئے ہو مدت سے
خدا نہ کردہ، کبھی پڑ گیا بتانا تو

کسی کے ساتھ سفر میں نہ اپنے گھر میں ہیں

کسی کے ساتھ سفر میں نہ اپنے گھر میں ہیں
ہم آج آپ کے اخبار کی خبر میں ہیں
نہ اہتمامِ وفا، نہ سرفروشئ عشق
یہ کس قماش کے سودے ہمارے سر میں ہیں
یہ زندگی سے کہو، تلخ گفتگو نہ کرے
ہم اب بھی ان کی محبت بھری نظر میں ہیں

سایہ کہیں کسی کو میسر نہیں ہے کیا

سایہ کہیں کسی کو میسر نہیں ہے کیا
سر پر جو آسمان تھا، سر پر نہیں ہے کیا
اک دوسرے سے اپنا پتا پوچھتے ہیں لوگ
اب کوئی اپنے آپ کے اندر نہیں ہے کیا
ہم زندگی تِرے لیے جان سے گزر گئے
اب بھی تِرا حساب برابر نہیں ہے کیا

لوگ تو شام ڈھلے لوٹ کے گھر جاتے ہیں

لوگ تو شام ڈھلے لوٹ کے گھر جاتے ہیں
راستے اپنے، خدا جانے کدھر جاتے ہیں
ہم کہاں جائیں لیے وحشتِ جاں کا آزار
تند دریا تو سمندر میں اتر جاتے ہیں
اب بھلا پوچھیں تو کیا پوچھیں کسی سے تعبیر
خواب تو صبح سے پہلے ہی بکھر جا تے ہیں