نازاں ہے جس پہ حسن وہ حسن رسول ہے

 عارفانہ کلام حمد نعت مقبت

نازاں ہے جس پہ حُسن، وہ حُسنِ رسولؐ ہے 

یہ کہکشاں تو آپؐ کے قدموں کی دُھول ہے 

اے رہروانِ شوق یہاں سر کے بل چلو 

طیبہ کے راستے کا تو کانٹا بھی پھول ہے 

ہر اک قدم میں اس پہ ضروری ہے احتیاط 

عشقِ بُتاں نہیں ہے یہ عشقِ رسولﷺ ہے 

اس ملک پہ اللہ کا کرم ہو کے رہے گا

دعائیہ کلام

اس ملک پہ اللہ کا کرم ہو کے رہے گا

یہ دَیر کسی روز حرم ہو کے رہے گا

پہرے تو بٹھا دو گے مگر میرے قلم سے

اسلام کا پیغام رقم ہو کے رہے گا

زندانیو! گھبراؤ نہ اِس جور و جفا سے

سر جبر کا اکڑا ہوا خم ہو کے رہے گا

دہر جز جلوۂ یکتائی معشوق نہیں

 عارفانہ کلام حمد نعت منقبت

منقبت مولا علیؑ

دہر جُز جلوۂ یکتائی معشوق نہیں

ہم کہاں ہوتے اگر حسن نہ ہوتا خود بیں

بے دلی ہائے تماشا کہ نہ عبرت ہے نہ ذوق

بے کسی ہائے تمنا کہ نہ دنیا ہے نہ دیں

ہرزہ ہے نغمۂ زیر و بمِ ہستی و عدم

لغو ہے آئینۂ فرقِ جنون و تمکیں

خورشید رسالت کی شعاؤں کا اثر ہے

عارفانہ کلام حمد نعت منقبت

 خورشید رسالت کی شعاؤں کا اثر ہے

احرام کی مانند مِرا دامنِ تر ہے

نظارۂ فردوس کی یا رب نہیں فرصت

اس وقت مدینے کی فضا پیشِ نظر ہے

اس شہر کے ذرے ہیں مہ و مہر سے بڑھ کر

جس شہر میں اللہ کے محبوبﷺ کا گھر ہے

مکڑی کے جالوں میں کب سے قید ہیں روشندان مرے

 مکڑی کے جالوں میں کب سے قید ہیں روشندان مِرے

ہائے کیا سوچیں گے گھر کو دیکھ کے کل مہمان مرے

اب کے برس تو دل کی زمیں پر آگ فلک سے برسی ہے

فکر کی گندم کے دانوں سے خالی ہیں کھلیان مرے

میری زباں پر مصلحتوں کے پہرے ہیں تو پھر کیا ہے

حق کے علمبردار ہیں اب بھی مزدور و دہقان مرے

ہم دل کی تباہی کا یہ ساماں نہ کریں گے

 ہم دل کی تباہی کا یہ ساماں نہ کریں گے

اس گھر میں کسی اور کو مہماں نہ کریں گے

گھبرا کے کبھی چاک گریباں نہ کریں گے

بدنام تجھے فصلِ بہاراں نہ کریں گے

مشعل کو چراغِ تہِ داماں نہ کریں گے

جو داغ ہیں سینے میں وہ پنہاں نہ کریں گے

تیری زلفیں ترے رخسار ترے لب میرے

 تیری زلفیں، تِرے رخسار، ترے لب میرے

جتنے پہلو ہیں تِرے حسن کے وہ سب میرے

اس سے اب ترکِ محبت کا گِلہ کیا معنی؟

مجھ کو تسلیم کہ اطوار تھے بے ڈھب میرے

پھر وہی چاند سرِ شہر چڑھے تو اے کاش

اس سے روشن ہوں در و بام بس اک شب میرے

تم سے انداز شکایت جدا رکھا ہے

 تم سے اندازِ شکایت جدا رکھا ہے

ہم نے انصاف قیامت پہ اٹھا رکھا ہے

لاکھ طوفان آئے بگولے ناچے

تیری یاد کا دیا پھر بھی جلا رکھا ہے

یہ بھرا شہر ہے میرے لیے صحرا کی طرح

اب تیرے بعد تیرے شہر میں کیا رکھا ہے

خدا نصیب کرے جس کو صحبتیں میری

 خدا نصیب کرے جس کو صحبتیں میری 

نہ بھول پائے کبھی وہ حکایتیں میری 

کہاں گئے مِری مصروف ساعتوں کے رفیق 

صدائیں دیتی ہیں اب ان کو فرصتیں میری 

تمام شہر گریزاں ہے آج کل جیسے 

کسی کے نام نہ لگ جائیں تہمتیں میری 

راز دنیا پر کھلا ہے یہ ترے قتل کے بعد

 تیرے قتل کے بعد

راز دنیا پر کھلا ہے یہ تِرے قتل کے بعد

لوگ مر کے بھی رہا کرتے ہیں زندہ کیسے

کون کتنا ہے تِرے قتل کی سازش میں شریک

اک نہ اک روز نقاب اٹھے گا ہر چہرے سے

شہر تو محوِ مناجات و دعا تھا، پوچھو

حاکمِ شہر نے وہ رات گزاری تھی کیسے؟

محبوب کی محفل کو محبوب سجاتے ہیں

عارفانہ کلام حمد نعت منقبت سلام مرثیہ

محبوب کی محفل کو محبوب سجاتے ہیں

آتے ہیں وہی جن کو سرکار بلاتے ہیں

وہ لوگ خدا شاہد قسمت کے سکندر ہیں

جو سرور عالم کا میلاد مناتے ہیں

جن کا بھری دنیا میں کوئی بھی نہیں والی

اس کو بھی میرے آقا سینے سے لگاتے ہیں

میرے لیے ہر گلشن رنگیں سے بھلی ہے

عارفانہ کلام حمد نعت منقبت سلام

 میرے لیے ہر گلشنِ رنگیں سے بھلی ہے

کانٹے کی وہ اک نوک جو طیبہ میں پلی ہے

جو انؐ کی گلی ہے وہی دراصل ہے جنت

دراصل جو جنت ہے وہی ان کی گلی ہے

اے صل علیٰ صاحبِ معراج کی سیرت

جو بات ہے قرآن کے سانچے میں ڈھلی ہے

دل و دماغ میں مہر و وفا کے افسانے

عارفانہ کلام حمد نعت منقبت سلام مرثیہ

دل و دماغ میں مہر و وفا کے افسانے

تصورات میں روشن فضائے بدر و حُنین

خوشا یہ اوجِ مقدر، زہے یہ عز و شرف

مِری زباں پہ جاری ہے آج ذکرِ حسینؑ

نہ فکر سود و زیاں کی، نہ ذکرِ تیغ و تبر

حسین، راہِ خدا میں تِری یہ بے تابی

اس نے ہر مشق ستم ہم پہ روا رکھی ہے

اس نے ہر مشقِ ستم ہم پہ روا رکھی ہے

ہم نے آواز بھی سینے میں دبا رکھی ہے

قتل گاہوں میں لہو اپنا نچھاور کر کے

شمعِ انصاف کی لو ہم نے بڑھا رکھی ہے

کہیں بکھری ہیں کتابیں، کہیں میلے کپڑے

گھر کی حالت ہی عجب ہم نے بنا رکھی ہے

بے سبب آج آنکھ پر نم ہے

بے سبب آج آنکھ پُر نم ہے 

جانے کس بات کا مجھے غم ہے 

پھر کوئی اہتمامِ ماتم ہے 

میرے سینے میں درد کم کم ہے

یہ تعلق ہی مجھ کو کیا کم ہے

آپ کے آستاں پہ سر خم ہے

خیال ترک الفت ہم نشینو آ ہی جاتا ہے

خیالِ ترکِ الفت ہم نشینو آ ہی جاتا ہے

وفورِ یاس ہو تو آدمی گھبرا ہی جاتا ہے

ہمیشہ سطحِ دریا ایک حالت پر نہیں رہتی

سفینہ تنگ موجوں سے کبھی ٹکرا ہی جاتا ہے

تباہی کی گھڑی شاید زمانے پر نہیں آئی

ابھی اپنے کیے پر آدمی شرما ہی جاتا ہے

ملا برہمن نہ تھے دیر و حرم نہ تھے

مُلا برہمن نہ تھے، دیر و حرم نہ تھے

اے دل کب انکی راہ میں یہ پیچ و خم نہ تھے

شاید انہیں کبھی نہ کبھی یاد آ سکے

ان سے تعلقات ہمارے بھی کم نہ تھے

الزام کس لیے تجھے اے چشمِ دوست دیں

شایانِ التفات ہی در اصل ہم نہ تھے

گرتے ہوئے جب میں نے ترا نام لیا ہے

گِرتے ہوئے جب میں نے تِرا نام لیا ہے
منزل نے وہیں بڑھ کے مجھے تھام لیا ہے
مے خوار تو ہے محتسبِ شہر زیادہ
رِندوں نے یونہی مفت میں الزام لیا ہے
وہ مِل نہ سکے، یاد تو ہے ان کی سلامت
اس یاد سے بھی ہم نے بہت کام لیا ہے

جب زیست کے مشکل لمحوں میں اپنے بھی کنارا کرتے ہیں

جب زیست کے مشکل لمحوں میں اپنے بھی کنارا کرتے ہیں
اس وقت بھی ہم اے اہلِ جہاں! ہنس ہنس کے گزرا کرتے ہیں
صیاد نے تیرے اسیروں کو آخر یہ کہہ کر چھوڑ دیا
یہ لوگ قفس میں رہ کر بھی گلشن کا نظارا کرتے ہیں
جذبات میں آ کر مرنا تو مشکل سی کوئی مشکل ہی نہیں
اے جانِ جہاں! ہم تیرے لیے جینا بھی گوارا کرتے ہیں

چند لمحوں کے لیے ایک ملاقات رہی

چند لمحوں کے لیے ایک ملاقات رہی
پھر نہ وہ تُو نہ وہ میں اور نہ وہ رات رہی
کرۂ ارض نے دیکھا ہی نہیں وہ خورشید
جس کی گردش میں شب و روز مِری ذات رہی
اب ہر شخص اجالوں میں کھڑا ہے عریاں
کون سی شکل پسِ پردۂ ظلمات رہی