دریائے دینِ حق کی روانی حسین ہے

 عارفانہ کلام حمد نعت منقبت سلام

دریائے دینِ حق کی روانی حسینؑ ہے

پیاسی ہے نہرِ علقمہ پانی حسینؑ ہے

جس پر کسی زوال کا سایہ نہ پڑ سکا

اسلام تیری نور فشانی حسینؑ ہے

مردہ دلوں کو چاہیے دنیا کی آب و تاب

زندہ دلوں کی درد کہانی حسینؑ ہے

اک عریضہ ہے دل مشتاق میں رکھا ہوا

 اک عریضہ ہے دل مشتاق میں رکھا ہوا

آفتاب عشق ہے آفاق میں رکھا ہوا

زندگی کا ذائقہ مجھ کو تواتر سے ملا

زہر میں رکھا ہوا تریاق میں رکھا ہوا

نفرتوں کے سب نوشتے اس نے ازبر کر لیے

ہے محبت کا صحیفہ طاق میں رکھا ہوا

سانس چلتی رہتی ہے زندگی نہیں ہوتی

 سانس چلتی رہتی ہے زندگی نہیں ہوتی

بے بسی کے لمحوں میں شاعری نہیں ہوتی

عشق بات کرتا ہے دل طواف کرتا ہے

ارد گرد پھرنے سے عاشقی نہیں ہوتی

زندگی کے صحرا میں ایک چاند کافی ہے

قمقموں کی کثرت سے روشنی نہیں ہوتی

اک عریضہ ہے دل مشتاق میں رکھا ہوا

 اک عریضہ ہے دل مشتاق میں رکھا ہوا

آفتابِ عشق ہے آفاق میں رکھا ہوا

زندگی کا ذائقہ مجھ کو تواتر سے ملا

زہر میں رکھا ہوا تریاق میں رکھا ہوا

نفرتوں کے سب نوشتے اس نے ازبر کر لیے

ہے محبت کا صحیفہ طاق میں رکھا ہوا

آسمانوں سے آئے ہوئے نور تھے رشک مہتاب تھے

 آسمانوں سے آئے ہوئے نور تھے رشکِ مہتاب تھے

وہ تو باغِ وفا کے عجب پھول تھے خوشبوئے خواب تھے

میں نے دیکھا سنا، حسن کا واقعہ، جب پڑھا تو کہا

وہ کتابِ محبت کی آیات تھے، عشق کا باب تھے

ان درختوں کے پیچھے کہیں میں بھی تھا، اک شگوفہ کھِلا

کچھ پرندے شناسا طبیعت کے تھے جو کہ نایاب تھے

شان زہرا کا قصیدہ سورۂ کوثر ہوا

 سلام بر سیدہ فاطمہ زہرا

شانِ زہرا کا قصیدہ سورۂ کوثر ہوا

دشمنِ شاہِ دو عالؐم حشر تک ابتر ہوا

ارضِ خاکی پر فضیلت لامکاں کے گھر کی ہے

عرشِ نوری پر نمایاں فاطمؑہ کا گھر ہوا

رنگ سُرخ و سبز دونوں ایک ہیں مثلِ حنا

رزم میں شبیرؑ جیسے بزم میں شبرؑ ہوا

زمین زادوں کے لب پر جلے فغاں کے چراغ

زمین زادوں کے لب پر جلے فغاں کے چراغ

تو ہم نے ٹوٹتے دیکھے ہیں آسماں کے چراغ

ہمیں تو عشقِ مسلسل نے روشنی بخشی

عبث دکھاتے ہو ہم کو یہاں وہاں کے چراغ

حکایتوں کی روایت کے پاسباں ہم ہیں

ہماری فکر میں روشن ہیں رفتگاں کے چراغ

بے سبب یوں تو سر شام نکل آتے ہیں

بے سبب یوں تو سرِ شام نکل آتے ہیں

ہم بلائیں تو انہیں کام نکل آتے ہیں

ایک مجنوں ہی نہیں دشت میں تنہا رویا

رونے والوں میں کئی نام نکل آتے ہیں

ملتے رہتے ہیں ہمیں زیست میں لوگ ایسے بھی

خاص ہوتے ہیں, مگر خام نکل آتے ہیں

کنج تنہائی میں یہ دن بھی گزارے سارے

کنج تنہائی میں یہ دن بھی گزارے سارے

دل کے تارے کے سوا دور ہیں تارے سارے

ہم اسی راہ پہ چلتے ہوئے پہنچے ہیں یہاں

جس میں ہر دور کے ملتے ہیں اشارے سارے

پانچ دریاؤں کی لہروں پہ رواں رہتے ہیں

ہیں جو سر سبز خیالات ہمارے سارے

ملنے سے گھبرائے لیکن خبر ہماری پل پل تھی

ملنے سے گھبرائے لیکن، خبر ہماری پل پل تھی

میں تو ادھورا منظر تھا اور اس کی یاد مکمل تھی

اس نے دل کے رستے میں بھی فکر کے پھول اگاۓ ہیں

خوش بو چاروں اور گئی،۔۔ تو محفل محفل ہلچل تھی

وقتِ رخصت دونوں چپ تھے، چپ کی چیخیں دور گئیں

اس کی آنکھیں بارش تھیں اور میری نظر بھی جل تھل تھی

سچ کو جھوٹ بنا جاتا ہے بعض اوقات

سچ کو جھوٹ بنا جاتا ہے بعض اوقات
بندہ ٹھوکر کھا جاتا ہے بعض اوقات
گھر کی چھت پر رم جھم بارش، جلتی دھوپ
یہ موسم بھی آ جاتا ہے بعض اوقات
اچھی قسمت، اچھا موسم، اچھے لوگ
پھر بھی دل گھبرا جاتا ہے بعض اوقات