بہت دن میں ملی ہو یہ بتاؤ حال کیسا ہے

 زعفرانی کلام

بہت دن میں ملی ہو یہ بتاؤ حال کیسا ہے

تمہاری زندگی کے ساتھ اب جنجال کتنے ہیں

تمہاری سیٹنگ کی پائیداری کتنی قائم ہے

تمہارے دوسرے شوہر کے سر میں بال کتنے ہیں

تمہاری کوئی فرمائش کبھی رد تو نہیں کرتا

وہ ہفتے میں تمہیں سنیما کے کتنے شو دکھاتا ہے

جناب دم کی عجب نفسیات ہوتی ہے

 زعفرانی کلام

دُم

جناب دُم کی عجب نفسیات ہوتی ہے

کہ اس کی جنبش ادنیٰ میں بات ہوتی ہے

وفا کے جذبے کا اظہار دُم ہلانا ہے

جو دُم کھڑی ہے وہ نفرت کا تازیانہ ہے

جو لمبی دُم ہے وہ عالی صفات ہوتی ہے

جو مختصر ہے بڑی واہیات ہوتی ہے

کیا جوانی میں کھیل کھیلے ہیں

 زعفرانی کلام

کیا جوانی میں کھیل کھیلے ہیں

اب بڑھاتے میں ہم اکیلے ہیں

محفل گل رخاں میں رہتے تھے

ہم بھی کیسے جہاں میں رہتے تھے

ہائے کیسا بدل گیا منظر

آئینہ تھوکتا ہے اب منہ پر

جب محبت حال پر اپنے کرم فرما گئی

 کثرت اولاد (زعفرانی کلام)

جب محبت حال پر اپنے کرم فرما گئی

عاشقی قیدِ شریعت میں جب اپنی آ گئی

کثرت اولاد کے جلوے ستم ڈھانے لگے

ہم میاں بیوی قریب آنے سے کترانے لگے

اس قدر بچے بڑھے رومانس چوپٹ ہو گیا

اس طرف کمرہ، ادھر دالان چوپٹ ہو گیا