دل کس کی چشم مست کا سرشار ہو گیا

دل کس کی چشمِ مست کا سرشار ہو گیا

کس کی نظر لگی، جو یہ بیمار ہو گیا

کچھ ہے خبر تجھے بھی کہ اٹھ اٹھ کے رات کو

عاشق تِری گلی میں کئی بار ہو گیا

بیٹھا تھا خضر آ کے مِرے پاس ایک دم

گھبرا کے اپنی زیست سے بیزار ہو گیا

اپنے تئیں تو ہر گھڑی غم ہے الم ہے داغ ہے

اپنے تئیں تو ہر گھڑی غم ہے الم ہے داغ ہے

یاد کرے ہمیں کبھی، کب یہ تجھے دماغ ہے

جی کی خوشی نہیں گر و سبزہ و گل کے ہاتھ کچھ

دل ہو شگفتہ جس جگہ، وہ ہی چمن، ہے باغ ہے

کس کی یہ چشمِ مست نے بزم کو یوں چھکا دیا

مثلِ حباب سرنگوں شرم سے ہرا باغ ہے

کبھی خوش بھی کیا ہے دل کسی رند شرابی کا

کبھی خوش بھی کیا ہے دل! کسی رندِ شرابی کا

بھِڑا دے منہ سے منہ ساقی ہمارا اور گلابی کا

چھپے ہرگز نہ مثلِ بُو، وہ پردوں کے چھپاۓ سے

مزہ پڑتا ہے جس گل پیرہن کو بے حجابی کا

شرار و برق کی سی بھی نہیں یہاں فرصتِ ہستی

فلک نے ہم کو سونپا کام جو کچھ تھا شتابی کا

دل کس کی چشم مست کا سرشار ہو گیا

 دل کِس کی چشمِ مست کا سرشار ہو گیا

کِس کی نظر لگی، جو یہ بیمار ہو گیا 

کچھ ہے خبر تجھے بھی، کہ اُٹھ اُٹھ کے رات کو 

عاشق تِری گلی میں کئی بار ہو گیا

بیٹھا تھا خضر آ کے مِرے پاس ایک دم 

گھبرا کے اپنی زیست سے بیزار ہو گیا 

ہے غلط گر گمان میں کچھ ہے

ہے غلط، گر گمان میں کچھ ہے

تجھ سوا بھی جہان میں کچھ ہے

دل بھی تیرے ہی ڈھنگ سیکھا ہے

آن میں کچھ ہے، آن میں کچھ ہے

بے خبر تیغِ یار! کہتے ہیں 

باقی اس نیم جان میں کچھ ہے

تجھ ہی کو جو یاں جلوہ فرما نہ دیکھا

تجھ ہی کو جو یاں جلوہ فرما نہ دیکھا

برابر ہے دنیا کو دیکھا نہ دیکھا

مِرا غنچۂ دل ہے وہ دل گرفتہ

کہ جس کو کسو نے کبھو وا نہ دیکھا

یگانہ ہے تُو آہ بے گانگی میں

کوئی دوسرا اور ایسا نہ دیکھا

عشق ہر چند مری جان سدا کھاتا ہے

عشق ہر چند مِری جان سدا کھاتا ہے
پر یہ لذت تو وہ ہے جی ہی جسے پاتا ہے
آہ کب تک میں بکوں تیری بلا سنتی ہے
باتیں لوگوں کی جو کچھ دل مجھے سنواتا ہے
ہم نشیں پوچھ نہ اس شوخ کی خوبی مجھ سے
کیا کہوں تجھ سے غرض جی کو مِرے بھاتا ہے

ہم نے کس رات نالہ سر نہ کیا

ہم نے کس رات نالہ سر نہ کیا
پر اسے آہ کچھ اثر نہ کیا
سب کے ہاں تم ہوئے کرم فرما
اس طرف کو کبھو گزر نہ کیا
کیوں بھویں تانتے ہو بندہ نواز
سینہ کس وقت میں سپر نہ کیا

جگ میں آ کر ادھر ادھر دیکھا

جگ میں آ کر اِدھر اُدھر دیکھا
تُو ہی آیا نظر، جدھر دیکھا
جان سے ہو گئے بدن خالی
جس طرف تُو نے آنکھ بھر دیکھا
نالہ، فریاد، آہ اور زاری
آپ سے ہو سکا سو کر دیکھا

انداز وہ ہی سمجھے مرے دل کی آہ کا

انداز وہ ہی سمجھے مِرے دل کی آہ کا
زخمی جو کوئی ہوا ہو کسی کی نگاہ کا
زاہد کو ہم نے دیکھ لیا جوں نگیں بہ عکس
روشن ہوا ہے نام تو اس رُو سیاہ کا
ہر چند فسق میں تو ہزاروں ہیں لذتیں
لیکن عجب مزہ ہے فقط جی کی چاہ کا

اپنا تو نہیں یار میں کچھ یار ہوں تیرا

اپنا تو نہیں یار میں کچھ، یار ہوں تیرا

تُو جس کی طرف ہووے، طرفدار ہوں تیرا

کُڑھنے پہ مِرے، جی نہ کُڑھا، تیری بلا سے

اپنا تو نہیں غم مجھے، غم خوار ہوں تیرا

تُو چاہے نہ چاہے، مجھے کچھ کام نہیں ہے

آزاد ہوں اس سے بھی، گرفتار ہوں تیرا

ہم تجھ سے کس ہوس کی فلک جستجو کریں

ہم تجھ سے کس ہوس کی فلک جستجو کریں

دل ہی نہیں رہا ہے، جو کچھ آرزو کریں

مٹ جائیں ایک آن میں کثرت نمایاں

ہم آئینہ کے سامنے جب آ کے ہُو کریں

تر دامنی پہ شیخ! ہماری نہ جائیو

دامن نچوڑ دیں تو فرشتے وضو کریں

آرام سے کبھو بھی نہ یک بار سو گئے

آرام سے کبھو بھی نہ یکبار سو گئے 

ایسے ہمارے طالعِ بیدار سو گئے

خوابِ عدم سے چونکے تھے ہم تیرے واسطے 

آخر کو جاگ جاگ کے ناچار سو گئے

اٹھتی نہیں ہے خانۂ زنجیر سے صدا 

دیکھو تو، کیا سبھی یہ گرفتار سو گئے   

تہمت چند اپنے ذمے دھر چلے

تہمتِ چند اپنے ذمے دھر چلے

جس ليے آئے تھے سو ہم کر چلے

زندگی ہے يا کوئی طوفاں ہے 

ہم تو اس جينے کے ہاتھوں مر چلے

کيا ہميں کام ان گلوں سے اے صبا

ايک دم آئے اِدھر، اُودھر چلے

ہستی ہے جب تک ہم ہیں اسی اضطراب میں

ہستی ہے جب تک ہم ہیں اسی اضطراب میں

 جوں موج آ پھنسے ہیں عجب پیچ و تاب میں

 نے خانۂ خدا ہے نہ ہے یہ بتوں کا گھر

 رہتا ہے کون اس دلِ خانہ خراب میں

 آئینۂ عدم ہی میں ہستی ہے جلوہ گر

 ہے موج زن تمام یہ دریا سراب میں

قتل عاشق کسی معشوق سے کچھ دور نہ تھا​

قتلِ عاشق کسی معشوق سے کچھ دور نہ تھا​

پر تِرے عہد سے آگے تو یہ دستور نہ تھا​

باوجود یہ کہ پر و بال نہ تھے آدمؑ کے​

وہاں پہنچا کہ فرشتے کا بھی مقدور نہ تھا​

رات مجلس میں تِرے حسن کے شعلے کے حضور​

شمع کے منہ پہ جو دیکھا تو کہیں نور نہ تھا​

مدرسہ یا دیر تھا یا کعبہ یا بت خانہ تھا

مدرسہ، یا دَیر تھا، یا کعبہ، یا بُت خانہ تھا

ہم سبھی مہماں تھے یاں، اِک تُو ہی صاحبِ خانہ تھا 

وائے نادانی، کہ وقتِ مرگ یہ ثابت ہوا

خواب تھا جو کچھ کہ دیکھا، جو سُنا افسانہ تھا

حیف! کہتے ہیں ہُوا گُلزار، تاراجِ خزاں

آشنا اپنا بھی واں اِک سبزۂ بے گانہ تھا 

روندے ہے نقش پا کی طرح خلق ياں مجھے

روندے ہے نقش پا کی طرح خلق ياں مجھے

اے عُمر رفتہ چھوڑ گئی تُو کہاں مجھے

اے گُل تُو رخت باندھ، اُٹھاؤں ميں آشياں

گُل چيں تُجھے نہ ديکھ سکے باغباں مجھے

رہتی ہے کوئی بن کيے ميرے تئيں تمام

جُوں شمع چھوڑنے کی نہيں يہ زباں مجھے