غضب ہے ادا چشم جادو اثر میں

غضب ہے ادا چشم جادو اثر میں

کہ دل پس گیا بس نظر ہی نظر میں

شب وعدہ ساتھ ان کو لائیں گے گھر میں

ہم آنکھیں بجھاتے ہوئے رہ گزر میں

مریں بھی تو جا کر اسی سر زمیں پر

ملیں خاک میں تو اسی رہ گزر میں

کسی سے دل لگانا ہم تو سودا اس کو کہتے ہیں

کسی سے دل لگانا ہم تو سودا اس کو کہتے ہیں

مرض بیٹھے بٹھائے مول لینا اس کو کہتے ہیں

غم فرقت ہے کھانے کو شب غم ہے تڑپنے کو

ملا ہے ہم کو وہ جینا کہ مرنا اس کو کہتے ہیں

بہت مغرور ہیں سرو و صنوبر قد موزوں پر

دکھائیں گے کسی قامت کو زیبا اس کو کہتے ہیں

قیامت میں تکلف ہو تکلف بھی قیامت کا

قیامت میں تکلف ہو، تکلف بھی قیامت کا 

اگر ہم بھی ملا دیں اپنا کچھ ہنگامۂ فرقت کا

آ جاؤ، پھرتے چلتے کبھی غم کدہ میں تم

آنکھوں سے ہم بھی دیکھ لیں آنا بہار کا

غیروں سے آپ پوچھیں اپنی ادا کی شوخی

دیوانہ بن رہا ہوں میں تو ادا ادا کا

اس طرح گردن پہ خنجر کو لگاتے جائیے

اس طرح گردن پہ خنجر کو لگاتے جائیے 

خوں سے آلودہ نہ ہو دامن بچاتے جائیے 

حسن زیبا لاکھ نظروں سے بچاتے جائیے 

اور کھُلتا جائے گا، جتنا چھپاتے جائیے 

بات اچھی آپ نے سیکھی ہے خوش ہو گا رقیب 

وعدے کرتے جائیے، سوگند کھاتے جائیے 

غضب ہے ادا چشم جادو اثر میں

غضب ہے ادا چشمِ جادو اثر میں 

کہ دل پس گیا بس نظر ہی نظر میں 

شب وعدہ ساتھ ان کو لائیں گے گھر میں 

ہم آنکھیں بجھاتے ہوئے رہگزر میں 

مریں بھی تو جا کر اسی سرزمیں پر 

ملیں خاک میں تو اسی رہگزر میں 

آج کیوں نالہ مرا آتش فشاں ہوتا نہیں

آج کیوں نالہ مِرا آتش فشاں ہوتا نہیں

شکوہ سنج دوست فریاد زباں ہوتا نہیں 

نامہ بر سے مدعا شاید بیاں ہوتا نہیں 

جو جوابِ یار مجھ تک ارمغاں ہوتا نہیں

کیا ہوا نامہرباں ہے، مہرباں ہو جائے گا 

مجھ کو بے مہری کا اس پر بدگماں ہوتا نہیں 

خطا کی اے دل ناداں خطا کی

خطا کی اے دلِ ناداں خطا کی 

تمنا کی تو کس نا آشنا کی ؟

خدا کی شان یہ قسمت حنا کی 

بنی مشاطہ اس کے دست و پا کی

بتا کر شوخیاں اس کو ادا کی 

ڈبوئی ہم نے قسمت مُدعا کی 

خوب نکلے جستجوئے یار میں

خوب نکلے جستجوئے یار میں

خار دامن میں ہے دامن خار میں

کیا کریں گے جا کے ہم گلزار میں

دل لگا ہے اپنا کوئی یار میں

کیا دھرا ہے نرگسِ بیمار میں

مستیاں ہیں اور چشمِ یار میں

بے بلائے مرے مہمان چلے آتے ہیں

بے بلائے مِرے مہمان چلے آتے ہیں

مجھ پہ کرتے ہوئے احسان چلے آتے ہیں

وہ کیے بال پریشان چلے آتے ہیں

اور کھوتے مِرے اوسان چلے آتے ہیں

جانشیں قیس کے ہم ہوتے ہیں، سودا دیکھو

اپنے گہر کو کیے ویران چلے آتے ہیں

آرزو وصل کی اس دن دل مضطر نکلے

آرزو وصل کی اوس دن دلِ مضطر نکلے

سینۂ یار سے گر کینۂ کافر نکلے

ہم ازل سے برا لے کے مقدر نکلے

ہات دولت پہ جہاں ڈالا ہے پتھر نکلے

بوند یہی حوض میں باقی رہے کہنا کم ظرف

ہم اگر تشنۂ صہبا سوئے کوثر نکلے

وہ تو آتے نہیں اے دل تجھے ظن کس کا ہے

وہ تو آتے نہیں اے دل تجھے ظن کس کا ہے

بے سبب شوقِ ہم آغوشئ تن کس کا ہے

یاد کس کی ہے تجھے، کون یہاں آتا ہے

نغمۂ شوق فزا مرغِ چمن کس کا ہے

ایک دو دن کا تماشا ہے گلستانِ جہاں

کون رہتا ہے یہاں اور وطن کس کا ہے