گلاب کی رت سے جا کے پوچھو تھے پر مرے پاس تتلیوں کے

 گُلاب کی رُت سے جا کے پُوچھو تھے پر مِرے پاس تِتلیوں کے

مگر وہ چشمِ زدن کہ توبہ پہاڑ ٹُوٹے تھے بدلیوں کے

وہ سارا الزام سر پہ لے کر خُود اپنی قاتل ٹھہر چکی تھی

ہزار ڈھونڈو مِری قبا پر، نشاں مِلیں گے نہ اُنگلیوں کے

قُصور کس کا تھا کون جانے، نہ ہم ہی سمجھے، نہ تم پہ ظاہر

کسی طلب کا وجود ہیں ہم، شگاف کہتے ہیں پسلیوں کے

آ اے خیال پھر مری آنکھوں کو خواب دے

 آ اے خیال پھر مِری آنکھوں کو خواب دے

جس پر سکوں نثار ہو، وہ اضطراب دے

میں تجھ کو کچھ نہ کہہ کے پشیمان تو نہیں

صُورت نہ پڑھ سکے جو اسے کیا کتاب دے

خاموشیوں کی تہہ میں سمندر ہے موجزن

اللہ! وسعتوں کو مِری کچھ حجاب دے

چپکے چپکے تنہائی میں کس کے لیے اب روتی ہوں

 چپکے چپکے تنہائی میں کس کے لیے اب روتی ہوں

گِیلی مٹی کے دامن میں فصل گُلوں کی بوتی ہوں

کیسا دھڑکا دل کو لگا ہے، اب کیا ہونے والا ہے

مٹی کے خالی دِیپک میں بُجھتی ہوئی ایک جَوتی ہے

کب سے بُھول چکی ہوں خُود کو،اب تو مِرا یہ عالم ہے

جب وہ جگائے اُٹھ جاتی ہوں، جب وہ چاہے سوتی ہوں

وہ ابر رحمت وہ ماہ کامل ازل سے وہ نور ہیں سحر کا

 عارفانہ کلام حمد نعت منقبت

وہ ابرِ رحمت وہ ماہِ کامل ازل سے وہ نُور ہیں سحر کا

محبتوں کے عظیم پیکر، وہی اُجالا ہیں اپنے گھر کا

امین ایسا، حبیب ایسا، ہُوا جو مہماں خُدا کے گھر کا

خُدا نے خُود اپنی رحمتوں کو لباس پہنا دیا بشر کا

ہماری منزل، ہمارا رہبر، ہماری کشتی، ہمارا ساحل

وہی مسافت، وہی مسافر، وہ حرفِ آخر ہے اس سفر کا

میں نے سب چہروں کو دیکھا سب پر تیرا نام لکھا ہے

  عارفانہ کلام حمد نعت منقبت

میں نے سب چہروں کو دیکھا سب پر تیرا نام لکھا ہے

تُو نے لاکھ چُھپایا خُود کو، پھر بھی تجھ کو دیکھ لیا ہے

تُو ہی تو اس رنگ برنگی پیاری دُنیا کا ہے خالق

لاکھ سمندر لکھ نہ سکیں گے وصف تِرے، تُو اتنا بڑا ہے

مالک بھی اس دل کا تُو ہے، تُو ہی ہے اس دل کا مکیں

تنہائی کے صحراؤں میں جب دیکھو تُو ساتھ کھڑا ہے

ٹوٹ گئے اشکوں کے موتی اب یہ دامن خالی ہے

 ٹوٹ گئے اشکوں کے موتی اب یہ دامن خالی ہے

کھو گئیں قدریں انسانوں کی اور پیراہن خالی ہے

ہاتھ میں کوئی ہاتھ نہیں ہے، راہ میں کوئی ساتھ نہیں

تنہائی کی برکھا برسی، وصل کا آنگن خالی ہے

کس موسم کی بات کروں میں، کس رُت کو شاداب کہوں

ہر موسم کا وعدہ جھوٹا، شام سہاگن خالی ہے