سوئے ہوئے جھنجھوڑ کے ہم لوگ سو گئے

 سوئے ہوئے جھنجھوڑ کے ہم لوگ سو گئے

لوگوں کے خواب توڑ کے ہم لوگ سو گئے

ہم کو گماں تھا جاگ کے روئیں گے رات بھر

تیری گلی کو چھوڑ کے ہم لوگ سو گئے

یخ بستہ رات اور یہ غربت کی اوڑھنی

اپنا بدن سکوڑ کے ہم لوگ سو گئے

زندگی لمس کی حدت سے جڑی ہے نہیں تو

 زندگی لمس کی حدت سے جڑی ہے؟ نہیں تو

کیا گھڑی ہاتھ لگانے سے رکی ہے، نہیں تو

میرے ٹکڑوں کو گِنو، گِن کے سمیٹو، دیکھو

میں مکمل ہوں، کہیں مجھ میں کمی ہے، نہیں تو

ہم پرندے ہیں وراثت کی حفاظت کے امیں

ورنہ شاخوں میں کوئی شاخ ہری ہے، نہیں تو

موت آندھی ہے مگر ان کو صبا لگتی ہے

 موت آندھی ہے مگر ان کو صبا لگتی ہے

زندگی دشت کے ماروں کو سزا لگتی ہے

دھیرے دھیرے جو سسکتا ہے دیا کمرے میں

یہ یقیناً کہیں شعلے کو ہوا لگتی ہے

چند سکوں کے عوض لوگ دعا دیتے ہیں

کیا یوں خیرات کے بدلے میں دعا لگتی ہے 

یعنی وہ میں تھا جسے مجھ سے پریشانی تھی

 یعنی وہ میں تھا جسے مجھ سے پریشانی تھی

ورنہ، اس دشت میں ہر گام تو ویرانی تھی

خواب کے خوف سے پلکوں کو جھپکتا ہی رہا

ورنہ، کل رات مجھے نیند تو آ جانی تھی

یہ تو لوگوں کو دکھانے کے لیے مان لیا

ورنہ میں نے تِری ہر بات کہاں مانی تھی

جھیل کی انگڑائیوں میں چل پڑا

 جھیل کی انگڑائیوں میں چل پڑا

چاند چھُپ کر بادلوں میں چل پڑا

کس مسیحا نے کلائی تھام لی

خون میری سب رگوں میں چل پڑا

بیٹھے بیٹھے سوچ کر میں آپ کو

ٹُوٹی پھُوٹی کشتیوں میں چل پڑا

تو سمجھتا ہے محبت سے گزر جائے گا

تُو سمجھتا ہے محبت سے گزر جائے گا 

تُو جو نکلے گا کناروں سے تو مر جائے گا

یہ ضروری تو نہیں ہجر کے لمحات گنوں

"وقت کا کیا ہے، گزرتا ہے، گزر جائے گا"

یہ تِرے بس کا نہیں روگ، میاں چھوڑ اسے

تُو بدن چاٹ کے الفت سے مُکر جائے گا

اک در پہ سر جھکا لیا راہیں بدل گئیں

اک در پہ سر جھکا لیا، راہیں بدل گئیں

جتنی بلائیں سر پہ تھیں ساری ہی ٹل گئیں

اک ہاتھ ہم نے چوم کے آنکھوں پہ کیا رکھا 

موسم کی ساری شدتیں نرمی میں ڈھل گئیں 

شک کی لگی جو آگ تو اٹھنے لگا دھواں 

سب رسیاں یقین کی لمحوں میں جل گئیں 

یہ کیا کہ تیرے ہوتے بھی کوئی اداس ہو

یہ کیا کہ تیرے ہوتے بھی کوئی اداس ہو 

جیسے کوئی رعایتی نمبر سے پاس ہو 

یہ کیا کہ حرف حرف سے ٹپکے ہوس کی رال 

یہ کیا کہ شعر شعر میں جسموں کی باس ہو 

یہ کیا کہ عشق ہو تو پھر اس میں نہ ہو مٹھاس 

پھل ہو تو پھر ضروری ہے اس میں مٹھاس ہو 

بنجر زمیں کے واسطے آنسو سنبھال کر

بنجر زمیں کے واسطے آنسو سنبھال کر

میں لے چلا ہوں آگ سے دریا نکال کر

علم و ہنر کے واسطے پُرکھوں کے پاس بیٹھ

اک بات پوچھ، بات پہ ڈھیروں سوال کر

روکیں اگر یہ راستہ، سینے سے کھینچ لے

اتنا نہیں ہے وقت کے سانسیں بحال کر

گھپ اندھیرا تھا جا بجا مجھ میں

گھپ اندھیرا تھا جا بجا مجھ میں

رات رہتی تھی باخدا مجھ میں

میں تو سر کو جھکائے بیٹھا تھا

عشق نے سر اٹھا لیا مجھ میں

غم یہاں سے نکل نہیں پایا

چار جانب تھا حاشیہ مجھ میں

یک بہ یک جھوم اٹھا نفس کو غارت کر کے

یک بہ یک جھوم اٹھا نفس کو غارت کر کے

ایک درویش تِرے ہاتھ پہ بیعت کر کے

میں تِرا نام بھی لیتا نہیں آسانی میں

کیا نکلتا کسی مشکل سے تلاوت کر کے

دل نہ ہو، در پہ لگائی ہوئی گھنٹی ہو میاں

بھاگ جاتے ہیں سبھی لوگ شرارت کر کے