مجھے بہشت سے مطلب نہ خلد سے ہے غرض

 عارفانہ کلام حمد نعت منقبت

مجھے بہشت سے مطلب نہ خلد سے ہے غرض

مِرا جگر تو مدینے کے ہجر میں ہے فگار

کہاں کا باغ، کہاں کا چمن، کہاں کی سیر

مِری نظر میں تو ہر دم مدینہ کی ہے بہار

وہاں کے خار ہیں حوروں کی گردنوں کے ہار

ہیں آٹھوں باغوں میں فردوس کے وہیں کی بَہار

مدینے کی عجب روشن زمیں ہے

 عارفانہ کلام حمد نعت منقبت

مدینے کی عجب روشن زمیں ہے

رسولؐ اللہ کا جلوہ یہیں ہے

قیامت کا ہمیں کھٹکا نہیں ہے

رسولؐ اپنا شفیع المذنبیں ہے

رسولؐ اللہ کی صورت پہ قرباں

یہی نقشہ تو نقشِ اولیں ہے

قد موزون حضرت میں ہے جلوہ کس قیامت کا

 عارفانہ کلام حمد نعت منقبت

قدِ موزونِ حضرت میں ہے جلوہ کس قیامت کا

فرشتوں کو یہاں دعویٰ نہیں ہے استقامت کا

ہوا ہے شور عالم میں بپا کس کی ملاحت کا

کہ قصہ بے نمک ہے یوسفِ مصری کی صورت کا

تڑپ جاتا ہے دل پہلو میں یاد آتا ہے جب روضہ

مدینے کی جدائی سامنا ہے مجھ کو آفت کا

صبا مجھ کو لا دے غبارِ مدینہ

 عارفانہ کلام حمد نعت منقبت

دل میں ہے کہ مر کر بھی نہ نکلیں گے وہاں سے

اب کے ہمیں تقدیر جو دکھلائے مدینہ

سودا ہو جو سر میں تو مدینے کے سفر کا

ہو عشق تو عشقِ شہِ والائے مدینہ

کعبے کے لیے اور جگہ لاؤں کہاں سے

اس دل میں تو بستی ہے تمنائے مدینہ

وقف در محبوب ہوئی اپنی جبیں آج

 عارفانہ کلام حمد نعت منقبت

وقفِ درِ محبوبﷺ ہوئی اپنی جبیں آج

ہمسر نہیں میرا کوئی بالائے زمیں آج

لکھنی ہے مجھے منقبتِ سرورِ دیں آج

ہے عرشِ معلیٰ مِرے شعروں کی زمیں آج

کس کے گلِ عارض کی صفت نظم ہوئی ہے

پھولوں سے بسی ہے مرے شعروں کی زمیں آج

مصحف ناطق رخ پر نور ہے اس ماہ کا

 عارفانہ کلام حمد نعت منقبت

مصحفِ ناطق رُخِ پُر نُور ہے اس ماہ کا

ابروئے سلطانِ دیں طغرا ہے بسم اللہ کا

روضۂ اقدس ہے مرجع ہر گدا و شاہ کا

ہے وسیلہ نامِ حضرت سارے خلق اللہ کا

جب جھکی گردن نظر وہ قبۂ سبز آ گیا

قلب میرا بن گیا گنبد تِری درگاہ کا

آؤ اے جنتیو گنبد خضریٰ دیکھو

 عارفانہ کلام حمد نعت منقبت

آؤ اے جنتیو! گنبدِ خضریٰ دیکھو

قبلۂ عرش ہے یہ قصرِ معلیٰ ٰدیکھو

آؤ اے خضرؑ! مدینے کا تماشہ دیکھو

سبز پردوں کا مِری آنکھوں سے جلوہ دیکھو

دیکھو وہ سامنے میزاب کے ہے گنبدِ سبز

اہلِ کعبہ! ادھر آؤ مِرا کعبہ دیکھو

چراغ دین و دنیا ہے محمد

عارفانہ کلام حمد نعت منقبت

 چراغِ دین و دنیا ہے محمدﷺ

فروغِ عرشِ اعلیٰ ہے محمدﷺ

میں ہوں وہ قطرۂ بے مثل و نایاب

کہ جس قطرے کا دریا ہے محمدﷺ

نہ مثل اس کا، نہ اس کا کوئی مانند

خدا ہے ایک، یکتا ہے محمدﷺ

ہم تری راہ میں مٹ جائیں گے سوچا ہے یہی

 ہم تری راہ میں مٹ جائیں گے سوچا ہے یہی

درد مندانِ محبت کا طریقا ہے یہی

آپ ہوں پیش نظر روح جو تن سے نکلے

اے مِری جان مِری آنکھوں کی تمنا ہے یہی

ہو گیا عام محبت کا میری افسانہ

اب تو جس بزم میں جا بیٹھے چرچا ہے یہی