بس ہم نے ساتھ تِرا ہر دُعا میں مانگا ہے
کہ اپنی جاں سے زیادہ تُجھی کو چاہا ہے
زمانے بھر کے بہت لوگ تم نے دیکھے ہیں
ہمارے جیسا کہیں کوئی تم نے دیکھا ہے
اندھیری رات کے اے چاند تُو بتا مجھ کو
مِری طرح وہ کبھی تیرے ساتھ جاگا ہے
ہر ایک درد رہا ہو گیا مِرے دل سے
کہ میں نے جب بھی تِرا ہنستا چہرہ دیکھا ہے
تمہارے آگے ستارے نظارے کچھ بھی نہیں
تمہارے آگے ہر اک رنگ پھیکا پھیکا ہے
نور این ساحر
No comments:
Post a Comment