ہر مرغ چمن نغمہ سرا سبحان اللہ سبحان اللہ

 عارفانہ کلام حمد نعت منقبت

ہر مرغِ چمن نغمہ سرا سبحان اللہ سبحان اللہ 

تسبیحِ خُدائے ہر دو سرا سبحان اللہ سبحان اللہ 

ہے نقش و نگار ہر دو سرا سبحان اللہ سبحان اللہ 

عنوان کتابِ ارض و سما، سبحان اللہ سبحان اللہ 

کون اس کو بھلا پہچان سکے کون اس کی حقیقت جان سکے 

میں ادا کروں تعریف خدا، سبحان اللہ سبحان اللہ 

عالم میں ہر اک اس کا شیدا نظر آتا ہے

 عارفانہ کلام حمد نعت منقبت

عالم میں ہر اک اس کا شیدا نظر آتا ہے 

اس طُور کا ہر ذرّہ موسیٰ نظر آتا ہے 

بندہ کی معیّت میں مولا نظر آتا ہے 

قطرے کی حقیقت میں دریا نظر آتا ہے 

دریا کے تجسّس میں پیاسا ہی نہیں حیراں 

دریا بھی تو پیاسے کا شیدا نظر آتا ہے 

کس چیز کی کمی ہے مولیٰ تری گلی میں

 عارفانہ کلام حمد نعت منقبت

کس چیز کی کمی ہے مولیٰ تِری گلی میں 

دُنیا تِری گلی میں عقبیٰ تری گلی میں 

جام سفال اس کا تاجِ شہنشاہی ہو 

آ جائے جو بھکاری داتا تری گلی میں 

دیوانگی پے میری ہنستے ہیں عقل والے 

تیری گلی کا رستہ پُوچھا تری گلی میں 

اس چمن میں سدا بہار نہیں

اس چمن میں سدا بہار نہیں 

رنگ دُنیا کا اعتبار نہیں 

بُلبلے کو سکون ہو کیوں کر 

خُود سمندر کو جب قرار نہیں 

ہاں کا بھی کوئی وقت آئے گا 

کب تک آخر یہ بار بار نہیں 

اک برق تجلی نے میری تعمیر کے ٹکڑے کر ڈالے

اک برقِ تجلّی نے میری تعمیر کے ٹُکڑے کر ڈالے 

تدبیر کے ٹکڑے کر ڈالے، تقدیر کے ٹکڑے کر ڈالے 

پایا نہ تھا جب تک اس بُت کو میں اپنی پرستش کرتا تھا 

ہاتھ آ گئی جب اصلی صُورت، تصویر کے ٹکڑے کر ڈالے 

بُھولا ہُوا جب تک تھا چُپ تھا، جب آ گئی اس کو یادِ وطن 

اک چشمِ زدن میں قیدی نے زنجیر کے ٹکڑے کر ڈالے