ندی کے دلفریب بہاؤ میں آ گئے

 ندی کے دل فریب بہاؤ میں آ گئے

ہم سادہ لوگ تھے، تِرے داؤ میں آ گئے

دو چار دن کا ہجر گزارا ہے میں نے بھی

دو چار دن بھی ذہنی تناؤ میں آ گئے

وہ چاہتے نہیں تھے پرندوں کو بھیجنا

آندھی چلی تو پیڑ دباؤ میں آ گئے

موسم وصل کے امکان میں رکھے ہوئے ہیں

 موسم وصل کے امکان میں رکھے ہوئے ہیں

کچھ حسیں لوگ مرے دھیان میں رکھے ہوئے ہیں

کون کیا سوچتا ، کیا کرتا ہے کیسے جانیں؟

کچھ الگ سلسلے انسان میں رکھے ہوئے ہیں

صوفی جس مستی میں تُو ناچتا، اتراتا ہے

رقص یہ سب مرے وجدان میں رکھے ہوئے ہیں

ہنسنے سے ہوا ہے نہ یہ رونے سے ہوا ہے

ہنسنے سے ہوا ہے نہ یہ رونے سے ہوا ہے
دل اتنا حزیں عشق میں کھونے سے ہوا ہے
ممکن ہے کہ پورا ہو یہ دو چار برس میں
نقصان جو دنیا کا 'کرونے' سے ہوا ہے
بکھرے ہیں مِرے بال مِری شیو بڑھی ہے
یہ حال مسلسل مِرے سونے سے ہوا ہے

طلسم خواب میں خوف بلا سے کچھ نہیں ہو گا

طلسم خواب میں خوفِ بلا سے کچھ نہیں ہو گا
سزا سے اور فقط میری سزا سے کچھ نہیں ہو گا
تم اپنے گھر کے دروازے ہمیشہ بند ہی رکھنا
ہوا جیسی بھی ہو پیارے ہوا سے کچھ نہیں ہو گا
کوئی بھی بات ہو کیسی بھی ہو وہ کچھ نہیں ہوتی
ہمارے شہر میں اونچی صدا سے کچھ نہیں ہو گا

فصیل جاں میں دریچہ لگانے والا ہوں

فصیلِ جاں میں دریچہ لگانے والا ہوں

میں تجھ سے اور تعلق بڑھانے والا ہوں

تِرے لیے مجھے لاہور سے محبت ہے

یہ بات سارے جہاں کو بتانے والا ہوں

سہیلیوں میں سنائے گی تُو غزل میری

گٹار پر میں جسے گنگنانے والا ہوں

یہ جو چڑیوں نے بہت شور مچایا ہوا ہے

یہ جو چڑیوں نے بہت شور مچایا ہوا ہے

ایسا لگتا ہے کہ ملنے کوئی آیا ہوا ہے

میرے گھر میں تِری آوازیں ہیں پھیلی مِری جاں

یہاں میلہ تِری یادوں نے لگایا ہوا ہے

یہ جو تم قصہ محبت کا سناتے ہو مجھے

وہی قصہ ہے کہ جو میرا سنایا ہوا ہے

نہ جانے کیا بات ہے کہ جس پر اڑا ہوا ہوں

نہ جانے کیا بات ہے کہ جس پر اڑا ہوا ہوں

میں آج کل اپنے آپ سے بھی لڑا ہوا ہوں

تُو کتنی صدیوں سے چھوڑ کر جا چکا ہے مجھ کو

مگر میں تیرے ہی راستے میں پڑا ہوا ہوں

کبھی جو موسم سے ہار جاؤ، تو لوٹ آنا

کہ میں تناور شجر وہیں پر کھڑا ہوا ہوں

مت نگاہیں جھکا کےمجھ سے ملو

مت نگاہیں جھکا کےمجھ سے ملو

آنکھ ہے تو ملا کے مجھ سے ملو

چند باتیں، ادھار ہیں تم پر

آخری بار آ کے مجھ سے ملو

گجرے لایا ہوں میں تمہارے لیے

آج خود کو سجا کے مجھ سے ملو

وہ تختیاں قلم دوات کیا ہوئے

وہ تختیاں، قلم، دوات، کیا ہوئے 

رہے جو بچپنے میں ساتھ، کیا ہوئے

وہ جن کو چھوتے ہی مہک اٹھی تھی سانس

وہ خوشبوؤں سے تیرے ہاتھ، کیا ہوئے 

ندی کنارے سارے پیڑ کٹ گئے

جو ڈھونڈتے تھے سوکھے پات، کیا ہوئے

میں نے اک بار محبت کی ہے

میں نے اک بار محبت کی ہے 

پھر، لگا تار محبت کی ہے

پڑھ مِرا چہرہ مجھے غور سے دیکھ 

میں نے اے یار! محبت کی ہے

اس کی نسلیں بھی سنور جاتی ہیں 

جس نے سرکار! محبت کی ہے