لاکھ رہے شہروں میں پھر بھی اندر سے دیہاتی تھے

 لاکھ رہے شہروں میں پھر بھی اندر سے دیہاتی تھے 

دل کے اچھے لوگ تھے لیکن تھوڑے سے جذباتی تھے 

اب بھی اکثر خواب میں ان کے دھندلے چہرے آتے ہیں 

میری گڑیا کی شادی میں جو ننھے باراتی تھے 

اپنے گرد لکیریں کھینچیں اور پھر ان میں قید ہوئے 

اس دنیا میں کھیل تھے جتنے سارے ہی طبقاتی تھے 

اک دریا ہے ایک گھڑا ہے

 اک دریا ہے، ایک گھڑا ہے

٭آسے پاسے، عشق کھڑا ہے

شہزادی یہ سوچ رہی ہے

تخت بڑا، یا پیار بڑا ہے

جوگی کو اس سے کیا مطلب

رستہ کتنا اور پڑا ہے؟

یاد آتے ہی رہے دل سے نکالے ہوئے لوگ

 یاد آتے ہی رہے دل سے نکالے ہوئے لوگ

کس کی میراث تھے اور کس کے حوالے ہوئے لوگ

شہرِ آشوب میں آنسو کی طرح پھرتے ہیں

ہائے وہ لوگ کسی خواب کے پالے ہوئے لوگ

اول اول تو ہماری ہی طرح لگتے تھے

منصبِ عشق پہ آئے تو نرالے ہوئے لوگ

خوشبو کی طرح ملتا ہے وعدہ نہیں کرتا

 خوشبو کی طرح ملتا ہے، وعدہ نہیں کرتا

موسم کا پرندہ ہے، ٹھکانا نہیں کرتا

وہ عشق میں شعلوں کا طلبگار ہے لیکن

اس آگ میں مر جانے کا سودا نہیں کرتا

وہ پچھلی محبت میں مِرے دل کا خسارہ

اسبابِ دروں وہ کبھی پوچھا نہیں کرتا

عورت ہوں مگر صورت کہسار کھڑی ہوں

 عورت ہوں مگر صورتِ کہسار کھڑی ہوں

اک سچ کے تحفظ کے لیے سب سے لڑی ہوں

وہ مجھ سے ستاروں کا پتہ پوچھ رہا ہے

پتھر کی طرح جس کی انگوٹھی میں جڑی ہوں

الفاظ، نہ آواز، نہ ہمراز، نہ دمساز

یہ کیسے دوراہے پہ میں خاموش کھڑی ہوں

حق مہر کتنا ہو گا بتایا نہیں گیا

 حق مہر کتنا ہو گا، بتایا نہیں گیا

شہزادیوں کو بام پر لایا نہیں گیا

کمزور سی حدیث سُنا دی گئی کوئی

انصاف کا ترازو اُٹھایا نہیں گیا

میں اپنے ساتھ ساتھ ہوں، وہ اپنے ساتھ ساتھ

ہمزاد ہم کو بنایا نہیں گیا

جذبوں کی ہر ایک کلی اندھی نکلی

 جذبوں کی ہر ایک کلی اندھی نکلی

اور محبت اس سے بھی پگلی نکلی

میں بھی توڑ نہ پائی جھوٹی رسمیں

میں بھی بس اک معمولی لڑکی نکلی

تم مجھ سے نفرت کیسے کر پاؤ گے

میں تو اپنے جھوٹ میں بھی سچی نکلی

سن حوا کی بیٹی کوئی دن ایسا بھی آیا کیا

 سُن حوا کی بیٹی 

کوئی دن ایسا بھی آیا کیا؟

تم جی پائی ہو اپنے لیے

تم مر پائی ہو اپنے لیے

کبھی کھل کر ہنسنا سیکھا ہو

کسی خواب کو چھُو کر دیکھا ہو

آنچ تو دیے کی تھی سردیوں کی شاموں میں

 آنچ تو دِیے کی تھی سردیوں کی شاموں میں

ورنہ دھوپ کب اُتری سردیوں کی شاموں میں

ہاتھ سے کبوتر تو پھر اُڑا دیا میں نے

رہ گئی ہے تنہائی سردیوں کی شاموں میں

ہجر اور ہجرت کو اوڑھ کر بھی دیکھا ہے

سانس تک نہ چلتی تھی سردیوں کی شاموں میں

عجیب رت ہے یہ ہجر و وصال سے آگے

 عجیب رُت ہے یہ ہجر و وصال سے آگے

کمال ہونے لگا ہے کمال سے آگے

وہ ایک لمحہ جو تتلی سا اپنے بیچ میں ہے

اسے میں لے کے چلی ماہ و سال سے آگے

کوئی جواز ہو ہمدم اب اس رفاقت کا

تلاش کر مجھے میرے جمال سے آگے

یہ چاند مجھ کو ہی تک رہا ہے

 یہ چاند مجھ کو ہی تک رہا ہے

تمہیں ہمیشہ یہ شک رہا ہے

دراز میں چوڑیاں پڑی ہیں

کلائی میں وہ کھنک رہا ہے

میں زیرِ لب مسکرا رہی ہوں

وہ مجھ میں اب تک چہک رہا ہے