اک پرندہ ابھی اڑان میں ہے

 اک پرندہ ابھی اڑان میں ہے

تیر ہر شخص کی کمان میں ہے

جس کو دیکھو وہی ہے چپ چپ سا

جیسے ہر شخص امتحان میں ہے

کھو چکے ہم یقین جیسی شے

تُو ابھی تک کسی گمان میں ہے

فکر غربت ہے نہ اندیشۂ تنہائی ہے

فکرِ غربت ہے نہ اندیشۂ تنہائی ہے

زندگی کتنے حوادث سے گزر آئی ہے

لوگ جس حال میں مرنے کی دعا کرتے ہیں

میں نے اس حال میں جینے کی قسم کھائی ہے

ہم نہ سقراط، نہ منصور، نہ عیسیٰ، لیکن

جو بھی قاتل ہے،۔ ہمارا ہی تمنائی ہے

فکر غربت ہے نہ اندیشۂ تنہائی ہے

 فکر غربت ہے نہ اندیشۂ تنہائی ہے

زندگی کتنے حوادث سے گزر آئی ہے

لوگ جس حال میں مرنے کی دعا کرتے ہیں

میں نے اس حال میں جینے کی قسم کھائی ہے

ہم نہ سقراط، نہ منصور، نہ عیسیٰ لیکن

جو بھی قاتل ہے، ہمارا ہی تمنائی ہے

یکم جنوری ہے نیا سال ہے

 سال کے آغاز سے متعلق شاعری

یکم جنوری ہے نیا سال ہے

دسمبر میں پوچھوں گا کیا حال ہے

بچائے خدا شر کی زد سے اسے

بے چارہ بہت نیک اعمال ہے

بتانے لگا رات بوڑھا فقیر

یہ دنیا ہمیشہ سے کنگال ہے

ندی کے پار اجالا دکھائی دیتا ہے

 ندی کے پار اجالا دکھائی دیتا ہے

مجھے یہ خواب ہمیشہ دکھائی دیتا ہے

برس رہی ہیں عقیدت کی بدلیاں لیکن

شعور آج پیاسا دکھائی دیتا ہے

چراغ منزل فردا جلائے گا اک روز

وہ راہگیر جو تنہا دکھائی دیتا ہے

ان کی بے رخی میں بھی التفات شامل ہے

 ان کی بے رخی میں بھی التفات شامل ہے

آج کل مری حالت دیکھنے کے قابل ہے

قتل ہو تو میرا سا، موت ہو تو میری سی

میرے سوگواروں میں آج میرا قاتل ہے

ہر قدم پہ ناکامی، ہر قدم پہ محرومی

غالباً کوئی دشمن دوستوں میں شامل ہے

وہ سر پھری ہوا تھی سنبھلنا پڑا مجھے

 وہ سرپھری ہوا تھی سنبھلنا پڑا مجھے

میں آخری چراغ تھا جلنا پڑا مجھے

محسوس کر رہا تھا اسے اپنے آس پاس

اپنا خیال خود ہی بدلنا پڑا مجھے

سورج نے چھپتے چھپتے اجاگر کیا تو تھا

لیکن تمام رات پگھلنا پڑا مجھے

ہر اک ہاتھ میں پتھر دکھائی دیتا ہے

ہر اک ہاتھ میں پتھر دکھائی دیتا ہے

یہ زخم گھر سے نکل کر دکھائی دیتا ہے

سنا ہے اب بھی مِرے ہاتھوں کی لکیروں میں

نجومیوں کو مقدر دکھائی دیتا ہے

اب انکسار بھی شامل ہے وضع میں اس کی

اسے بھی اب کوئی ہمسر دکھائی دیتا ہے

اب اپنی ہی دہلیز پہ چپ چاپ کھڑا ہوں

اب اپنی ہی دہلیز پہ چپ چاپ کھڑا ہوں

صدیوں کا عقیدہ ہوں مگر ٹوٹ چکا ہوں

اک چیخ سنا کرتا ہوں ہر شام کسی کی 

ہر صبح یہ لگتا ہے کہ میں قتل ہوا ہوں

نیلا ہے ہر اک رنگ ان آنکھوں میں ابھی تک

میں نے بھی کئی زہر پیۓ ہیں تو جیا ہوں

ہر گام حادثہ ہے ٹھہر جائیے جناب

ہر گام حادثہ ہے، ٹھہر جائیے جناب

رستہ اگر ہو یاد تو گھر جائیے جناب

زندہ حقیقتوں کے تلاطم ہیں سامنے

خوابوں کی کشتیوں سے اتر جائیے جناب

انکار کی صلیب ہوں، سچائیوں کا زہر

مجھ سے ملے بغیر گزر جائیے جناب

عجب صورت حالات ہونے والی ہے

عجب صورت حالات ہونے والی ہے

سنا ہے اب کے اسے مات ہونے والی ہے

نہ بچ سکے گا ادھورا مکان بھی اس کا

مجھے خبر ہے کہ برسات ہونے والی ہے

جلاؤ مشعلِ جاں، شمعِ دل کرو روشن

سفر طویل ہے اور رات ہونے والی ہے

ہم نے یہ دشت بھی چھانے ہیں بہت

ہم نے یہ دشت بھی چھانے ہیں بہت

ورنہ کچھ خواب سہانے ہیں بہت

ایک شیشہ کی عمارت ہوں میں

ٹوٹ جانے کے بہانے ہیں بہت

بند آنکھیں کیے بیٹھا ہے کوئی

ہر طرف آئینہ خانے ہیں بہت

بند آنکھوں سے وہ منظر دیکھوں

بند آنکھوں سے وہ منظر دیکھوں 

ریگ صحرا کو سمندر دیکھوں

کیا گزرتی ہے میرے بعد س پر 

آج میں اس سے بچھڑ کر دیکھوں

شہر کا شہر ہوا پتھر کا 

میں نے چاہا تھا کہ مڑ کر دیکھوں

زندگی تجھ کو منانے نکلے

زندگی تجھ کو منانے نکلے
ہم بھی کِس درجہ دِوانے نکلے
کچھ تو دُشمن تھے مخالف صف میں
کچھ مِرے دوست پُرانے نکلے
اس نے پھر موند لیں آنکھیں اپنی
ہر طرف آئینہ خانے نکلے

دوست سفاک ہیں مرنے نہیں دیتے مجھ کو

دوست سفاک ہیں مرنے نہیں دیتے مجھ کو
میں کہ اک زخم ہوں بھرنے نہیں دیتے مجھ کو
جانے کیا جرم ہُوا ہے کہ مِرے شہر کے لوگ
اس کی گلیوں سے گزرنے نہیں دیتے مجھ کو
میں اگر ڈوبنا چاہوں تو بچا لیتے ہیں لوگ
اور ابھروں تو ابھرنے نہیں دیتے مجھ کو

بلا کی پیاس ہے دریا کے دو کناروں کو

بلا کی پیاس ہے دریا کے دو کناروں کو
سمجھ سکے تو سمجھ میرے استعاروں کو
جو پیش پیش رہا ہر گناہ میں، یارو
طلب کِیا ہے اسی نے گناہ گاروں کو
ہر ایک ظلم کو سہتے رہے سبھی ہنس کر
کسی نے کم نہ کیا اس کے اختیاروں کو

مرے جنوں کا نتیجہ ضرور نکلے گا

مِرے جنوں کا نتیجہ ضرور نکلے گا
اسی سیاہ سمندر سے نور نکلے گا
گِرا دیا ہے تو ساحل پہ انتظار نہ کر
اگر وہ ڈوب گیا ہے تو دور نکلے گا
اسی کا شہر، وہی مدعی، وہی منصف
ہمیں یقین تھا، ہمارا قصور نکلے گا

آج کی رات بھی گزری ہے مری کل کی طرح

آج کی رات بھی گزری ہے مِری کل کی طرح
ہاتھ آئے نہ ستارے تِرے آنچل کی طرح
حادثہ کوئی تو گزرا ہے یقیناً یارو
ایک سناٹا ہے مجھ میں کسی مقتل کی طرح
پھر نہ نکلا کوئی گھر سے کہ ہوا پھرتی تھی
سنگ ہاتھوں میں اٹھائے کسی پاگل کی طرح