بیمار غم کا کوئی مداوا نہ کیجیے

 بیمارِ غم کا کوئی مداوا نہ کیجیے

یعنی ستمگری بھی گوارا نہ کیجیے

رسوائی ہے تو یہ بھی گوارا نہ کیجیے

یعنی پسِ خیال بھی آیا نہ کیجیے

ظرف نگاہ چاہیے دیدار کے لیے

رخ کو پسِ نقاب چھپایا نہ کیجیے

جی بھی کچھ ایسا جلایا ہے کہ جی جانتا ہے

 جی بھی کچھ ایسا جلایا ہے کہ جی جانتا ہے

آپ نے اتنا رُلایا ہے کہ جی جانتا ہے

یاد بن کر تِری معصوم وفا نے ظالم

دل پہ وہ نقش بٹھایا ہے کہ جی جانتا ہے

شوقِ گستاخ نے اکثر تمہیں برہم کر کے

ہائے وہ لطف اٹھایا ہے کہ جی جانتا ہے

تقدیر کے آگے کبھی تدبیر کسی کی

 تقدیر کے آگے کبھی تدبیر کسی کی

چلتی ہو تو سمجھے کوئی تقصیر کسی کی 

اب ایک تمنا ہو تو پوری کوئی کر دے 

یوں کون بدل سکتا ہے تقدیر کسی کی 

دل میں اتر آئی ہے نگاہوں سے سمٹ کر 

کس درجہ حیا کوش ہے تصویر کسی کی

خاموش اندھیری راتوں میں جب ساری دنیا سوتی ہے

 خاموش اندھیری راتوں میں جب ساری دنیا سوتی ہے

اک ہجر کا مارا روتا ہے، اور شبنم آنسو دھوتی ہے

پہلے تو محبت رفتہ رفتہ ہوش و خرد کو کھوتی ہے

پھر یاد کسی کی آ آ کر کانٹے سے دل میں چبھوتی ہے

چارہ گر بس یہ بتلا دے وہ جب مجھ سے چُھو جاتے ہیں

کیوں جسم میں موجیں اٹھتی ہیں کیوں نبض میں سُرعت ہوتی ہے

جس قدر قلب کی تسکین کے ساماں ہوں گے

 جس قدر قلب کی تسکین کے ساماں ہوں گے

کرب افزائے سکون غمِ ہجراں ہوں گے

عرصۂ حشر میں جو عشق کا عنواں ہوں گے

میری ہی خاک کے اجزائے پریشاں ہوں گے

اشک معصوم جو خمیازۂ عصیاں ہوں گے

وہ بھی منجملۂ سرمایۂ ایماں ہوں گے

یوں بھی ترا احسان ہے آنے کے لیے آ

یوں بھی تِرا احسان ہے آنے کے لیے آ

اے دوست! کسی روز نہ جانے کے لیے آ

ہر چند نہیں شوق کو یارائے تماشا

خود کو نہ سہی مجھ کو دکھانے کے لیے آ 

یہ عمر یہ برسات، یہ بھیگی ہوئ راتیں

ان راتوں کو افسانا بنانے کے لیے آ

وہ سامنے جو نگاہیں چرائے جاتے ہیں

وہ سامنے جو نگاہیں چرائے جاتے ہیں

وہ آج کل کے مسیحا بتائے جاتے ہیں

وہی ہو تم کہ جگہ پُتلیوں میں جن کو دی

وہی ہیں ہم کہ نظر سے گِرائے جاتے ہیں 

قصور کس نے کرایا، قصور کس کا ہے

وہ جانتے ہیں تو ہم کیوں ستائے جاتے ہیں

ہر چند بھلاتا ہوں بھلایا نہیں جاتا

ہر چند بھلاتا ہوں، بھلایا نہیں جاتا

اک نقشِ تخیل ہے، مٹایا نہیں جاتا

میں نے جو کہا، درد بڑھایا نہیں جاتا

کہنے لگے، نادان جتایا نہیں جاتا

امید کی کشتی کو سہارا تو لگا دو

مانا کہ تمہیں ساتھ بٹھایا نہیں جاتا

محبت آگ بن جاتی ہے سینے میں نہاں ہو کر

محبت آگ بن جاتی ہے سینے میں نہاں ہو کر

تمنائیں جلا دیتی ہیں دل، چنگاریاں ہو کر

اِدھر بھی تم اُدھر بھی تم یہاں بھی تم وہاں بھی تم

یہ تم نے کِیا قیامت کی نگاہوں سے عیاں ہو کر

انہیں بھی داستانِ ہجر چپکے سے سنا ہی دی

سکونِ شامِ غم بن کر، ستاروں کی زباں ہو کر