آتا ہے نظر انجام کہ ساقی رات گزرنے والی ہے

 آتا ہے نظر انجام کہ ساقی رات گزرنے والی ہے

باقی ہے خدا کا نام کہ ساقی رات گزرنے والی ہے

خورشید کو جام سے شرمائیں گے شام کو تیرا وعدہ تھا

ایفائے عہدِ شام کہ ساقی رات گزرنے والی ہے

ہم کتنی پینے والے ہیں، تم کتنی پلانے والے ہو

یہ راز ہے طشت از بام کہ ساقی رات گزرنے والی ہے

گم کردہ راہ خاک بسر ہوں ذرا ٹھہر

 گم کردہ راہ خاک بسر ہوں ذرا ٹھہر

اے تیز رو غبارِ سفر ہوں ذرا ٹھہر

رقصِ نمود یک دو نفس اور بھی سہی

دوشِ ہوا پہ مثلِ شرر ہوں ذرا ٹھہر

اپنا خرام تیز نہ کر اے نسیمِ زیست

بجھنے کو ہوں چراغِ سحر ہوں ذرا ٹھہر

بسائی میں نے جو قلب حزیں میں

 بسائی میں نے جو قلبِ حزِیں میں

وہ دنیا کام آئی کارِ دِیں میں

وہی ہے اصل میں جانِ تمنا

جو حسرت ہے نگاہ واپسِیں میں

تِرے شوقِ سراپا کی کشش سے

سمٹ آیا ہوں میں اپنی جبیں میں

وہ کہتے ہیں کہ ہم کو اس کے مرنے پر تعجب ہے

 وہ کہتے ہیں کہ ہم کو اس کے مرنے پر تعجب ہے

میں کہتا ہوں کہ میں زندہ رہا کیوں کر، تعجب ہے 

مِری دو چار امیدیں بر آئی تھیں جوانی میں 

مِرے اللہ! اتنی بات پر محشر، تعجب ہے

ہمیں ہیں عشق کو جو شغلِ بیکاری سمجھتے ہیں

ہماری ہی سمجھ پر پڑ گئے پتھر، تعجب ہے

راس آنے لگی تھی تنہائی

 راس آنے لگی تھی تنہائی

یادِ محبوب! تُو کہاں آئی

پھر اٹھاتا ہوں منتِ طفلاں

پھر ہے سودائے ننگِ رُسوائی

پھر وہی کاروبارِ راز و نیاز

پھر وہی شوقِ خلوت آرائی

زندگی آزار تھی آزار ہے تیرے بغیر

 زندگی آزار تھی، آزار ہے تیرے بغیر

کارِ سہلِ مرگ بھی دُشوار ہے تیرے بغیر

یوں قدم آ کر رکے جیسے کبھی چلتے نہ تھے

عمر فانی، وقت بے رفتار ہے تیرے بغیر

کیا بتاؤں کس طرح اب کٹ رہی ہے زندگی

میری ہر ہر سانس اک تلوار ہے تیرے بغیر