دیکھے ترا جلوہ تو تڑپ جائے نظر بھی

 عارفانہ کلام حمد نعت منقبت

دیکھے ترا جلوہ تو تڑپ جائے نظر بھی

روشن ہیں تیرے نور سے سورج بھی قمر بھی

دی طائروں نے تیری رسالتﷺ کی گواہی

بول اُٹھے تیرے حکم سے پتھر بھی شجر بھی

جس وقت چلے تم ہوئے خوشبو سے معطر

کوچے بھی مکانات بھی دیوار بھی در بھی

میرے حسین تجھے سلام

 عارفانہ کلام حمد نعت منقبت

 میرے حسینؑ تجھے سلام

میرے حسینؑ تجھے سلام 

میرے حسینؑ تجھے سلام

السلام یا حسینؑ السلام یا حسینؑ

السلام یا حسینؑ السلام یا حسینؑ

جن کا جھولا فرشتے جھلاتے رہے

لوریاں دے کے نوری سلاتے رہے

کبھی رنج آئے نہ آلام آئے

 عارفانہ کلام حمد نعت منقبت

کبھی رنج آئے نہ آلام آئے

جہاں مصطفیٰﷺ کا یہ انعام آئے

تمنا تھی یارب مِرے گھر بھی اک دن

یہ اک مُوئے زُلفِ سیہ فام آئے

مِرے گھر کے دیوار و در آج مہکے

مِرے اشک آخر مِرے کام آئے

رخ پہ نقاب ڈال کر خوب کہا کے دیکھ لے

 عارفانہ کلام حمد نعت منقبت

رُخ پہ نقاب ڈال کر خوب کہا کے دیکھ لے

سامنے ہو کے چھپ گئے اور یہ کہا کے دیکھ لے

خود سے دکھائیں خود کو وہ ان کے کرم کی بات ہے

ورنہ محال ہے کوئی آنکھ اٹھا کے دیکھ لے

طُور پر صاف کہہ دیا موسیٰؑ کہ ہوش میں رہو

اور حبیبﷺ سے کہا، آ مجھے آ کے دیکھ لے

ناز کر ناز کہ ہے ان کے طلبگاروں میں

 عارفانہ کلام حمد نعت منقبت

ناز کر ناز کہ ہے اُنؐ کے طلبگاروں میں

کم کسی سے نہیں نعمت یہ گنہگاروں میں

ہر طرف تم ہی نظر آئے ہو نظاروں میں

اس طرح بس گئے ہو تم مِرے افکاروں میں

ہجر کی آگ کسوٹی ہے محبت والوں

بُوالہوس رہ نہیں سکتے کبھی انگاروں میں

عشق کے رنگ میں رنگ جائیں جب افکار

 عارفانہ کلام حمد نعت منقبت

عشق کے رنگ میں رنگ جائیں جب افکار

تو کُھلتے ہیں غلاموں پہ وہ اسرار

کہ رہتے ہیں وہ توصیف و ثنائے شہہِ ابرار میں ہر لحظہ گُہر بار

ورنہ وہ سیدِ عالی نسبی، ہاں وہی اُمی لقبی ہاشمی و مُطلبی و عربی و قرشی و مدنی

اور کہاں ہم سے گنہ گار

عشق کے رنگ میں رنگ جاؤ مِرے یار

دختر ختم الرسل جان پیمبر فاطمہ

 عارفانہ کلام حمد نعت منقبت سلام

دُخترِ ختمِ الرُسل جانِ پیمبرﷺ فاطمہؑ

اے وقارِ بُو ترابیؑ، شانِ حیدرؑ فاطمہؑ

رُوح کی تشنہ لبی کو آب کوثر، فاطمہؑ

سجدہ گاہِ اہلِ ایماں، آپ کا در فاطمہؑ

لُٹ رہا تھا کربلا میں آپ کا گھر، فاطمہؑ

آپ نے دیکھا ہے محشر، قبلِ محشر، فاطمہؑ

آیات والضحٰی میں فترضٰی تمہی تو ہو

عارفانہ کلام نعتیہ کلام

آیاتِ والضُحٰی میں فتَرضٰی تمہیؐ تو ہو

بخشش کا عاصیوں پہ در وا تمہی تو ہو

جس نے خدا کے پیکرِ حسن و جمال کو

اپنی کُھلی نِگاہ سے دیکھا، تمہی تو ہو

جس نے خدا سے نعمتِ فردوس کے عوض

ہر اُمتی کی جان کو خریدا، تمہی تو ہو

پہنچ گیا جو تمہارے در پر کہوں گا تم سے سلام سائیں

عارفانہ کلام حمد نعت منقبت سلام

پہنچ گیا جو تمہارے در پر، کہوں گا تم سے سلام سائیں

جو رہ گیا تو یہیں سے بھیجیں گے میرے آنسو، پیام سائیں

تمہارے ہاتھوں میں دے دیا ہے خدا نے سارا نظام سائیں

کوئی تو کر دو میرے بھی آنے کا در پہ اب اہتمام سائیں

عجیب لذت ہے جب پکاروں میں اپنے آقاﷺ کا نام سائیں

جو سُن کے وہ خوش ہوئے، بنا دیں گے میرے سب بگڑے کام سائیں

آج اشک میرے نعت سنائیں تو عجب کیا

عارفانہ کلام نعتیہ کلام

آج اشک میرے نعتؐ سنائیں تو عجب کیا

سن کر وہؐ مجھے پاس بلائیں تو عجب کیا

اُنﷺ پر تو گنہ گار کا سب حال کُھلا ہے

اس پر بھی وہ دامن میں چھپائیں تو عجب کیا

منہ ڈھانپ کے رکھنا کہ گنہ گار بہت ہوں

میت کو میری دیکھنے آئیں تو عجب کیا

کوئی گفتگو ہو لب پر تیرا نام آ گیا ہے

عارفانہ کلام نعتیہ کلام

کوئی گفتگو ہو لب پر، تیراﷺ نام آ گیا ہے

تیری مدح کرتے کرتے،۔ یہ مقام آ گیا ہے

درِ مصطفیٰﷺ کا منظر، مِری چشمِ تر کے اندر

کبھی صبح آ گیا ہے،۔ کبھی شام آیا گیا ہے

یہ طلب تھی انبیاء کی رخِ مصطفیٰ کو دیکھیں

یہ نماز کا وسیلہ،۔ انہیں کام آ گیا ہے

جو لمحے تھے سکوں کے سب مدینے میں گزار آئے

عارفانہ کلام نعتیہ کلام

جو لمحے تھے سکوں کے سب مدینے میں گزار آئے​

دلِ مضطر! وطن میں اب تجھے کیسے قرار آئے​

خزاں کو حکم ہے، داخل نہ ہو طیبہ کی گلیوں میں​

اجازت ہے، نسیم آئے،۔ صبا آئے،۔ بہار آئے​

وہ بستی اہلِ دل کی اور دیوانوں کی بستی ہے​

گئے جتنے خرد نازاں وہ دامن تار تار آئے​

آئی پھر یاد مدینے کی رلانے کے لیے

عارفانہ کلام نعتیہ کلام

آئی پھر یاد مدینے کی رلانے کے لیے

دل تڑپ اٹھا ہے دربار میں جانے کے لیے

کاش میں اڑتی پھروں، خاکِ مدینہ بن کر

اور مچلتی رہوں سرکار کو پانے کے لیے

میرے لجپال نے رسوا نہ کبھی ہونے دیا

جب پکارا انہیں آئے ہیں بچانے کے لیے

تیرے ذکر سے میری آبرو تری شان جل جلالہ

عارفانہ کلام حمد نعت منقبت

تیرے ذکر سے میری آبرو، تیری شان جَلَّ جَلَالُہٗ

تو میرے کلام کا رنگ و بو، تیری شان جَلَّ جَلَالُہٗ

جو چٹک کے غنچہ کھلے یہاں، تو کرے وہ وصف تیرا بیاں

ہے چمن چمن تیری گفتگو، تیری شان جَلَّ جَلَالُہٗ

میرے دل میں عشقِ نبیﷺ دیا، جو دِیا بجھا تھا جلا دیا

جسے چاہے جیسے نوازے تُو، تیری شان جَلَّ جَلَالُہٗ

اے سکون قلب مضطر اے قرار زندگی

عارفانہ کلام نعتیہ کلام

اے سکونِ قلبِ مضطر اے قرارِ زندگی

اے امینِ رازِ فطرت، اے بہارِ زندگی

تیری ہر ہر جنبشِ لب برگ و بارِ زندگی

تُوﷺ دیارِ عشق میں ہے شہریارِ زندگی

تیرے قدموں کی بدولت تیری آمد کے طفیل

گلستاں ہی گلستاں ہے خار زارِ زندگی

ان پر درود ہر دم ان پر سلام ہر دم

عارفانہ کلام نعتیہ کلام

ان پر درود ہر دم، ان پر سلام ہر دم

ہر ایک پڑھ رہا ہے دربارِ مصطفیٰﷺ میں

آنسو جو بہہ رہے ہیں، سب حال کہہ رہے ہیں

لب کون کھولتا ہے، دربارِ مصطفیٰﷺ میں

سینہ پہ ہاتھ رکھ کر میں دل کو ڈھونڈتا ہوں

دل مجھ کو ڈھونڈتا ہے، دربارِ مصطفیٰﷺ میں

کیا شان ہے شان خیرِ بشر انا اعطیناک الکوثر

عارفانہ کلام نعتیہ کلام

کیا شان ہے شانِ خیرِ بشر، اِنّا اَعْطَیْنٰکَ الکَوثَر

رحمت نے پکارا خود بڑھ کر، اِنّا اَعْطَیْنٰکَ الکَوثَر

کب حق نے گوارا فرمایا، دیکھے وہ ملالِ پیغمبر

جبریل کو بھیجا دے کے خبر، اِنّا اَعْطَیْنٰکَ الکَوثَر

آئی جو صحابہ تک یہ خبر، کفاروں سے بولے خوش ہو کر

اب لاؤ کوئی ایسا لکھ کر، اِنّا اَعْطَیْنٰکَ الکَوثَر

یا محمد نور مجسم یا حبیبی یا مولائی

عارفانہ کلام نعتیہ کلام

یا محمدﷺ نورِِ مجسم، یا حبیبی یا مولائی

تصویرِ کمالِ محبت،۔ تنویرِ جمالِ خدائی

تیرا وصف بیاں ہو کس سے تیری کون کرے گا بڑائی

اس گردِ سفر میں گم ہے جبریلؑ امیں کی رسائی

تیری ایک نظر کے طالب تیرے ایک سخن پہ قرباں

یہ سب تیرے دیوانے،۔ یہ سب تیرے شیدائی

خدا کا ذکر کرے ذکر مصطفیٰ نہ کرے

عارفانہ کلام نعتیہ کلام

خدا کا ذکر کرے، ذکر مصطفیٰﷺ نہ کرے

ہمارے منہ میں ہو ایسی زباں خدا نہ کرے

در رسولﷺ پہ ایسا کبھی نہیں دیکھا

کوئی سوال کرے اور وہ عطا نہ کرے

کہا خدا نے، شفاعت کی بات محشر میں

پہل حبیب کرے، کوئی دوسرا نہ کرے

آیا نہ ہو گا اس طرح حسن و شباب ریت پر

عارفانہ کلام منقبت سلام مرثیہ بر امام عالی مقام

آیا نہ ہو گا اس طرح حُسن و شباب ریت پر
گلشنِ فاطمہؓ کے تھے سارے گلاب ریت پر
آلِ بتولؓ کے سوا کوئی نہیں کھلا سکا
قطرۂ آب کے بغیر اتنے گلاب ریت پر
عشق میں کیا بچائیے، عشق میں کیا لٹائیے
آلِ نبیؐ نے لکھ دیا سارا نصاب ریت پر