جو لمحے تھے سکوں کے سب مدینے میں گزار آئے

عارفانہ کلام نعتیہ کلام

جو لمحے تھے سکوں کے سب مدینے میں گزار آئے​

دلِ مضطر! وطن میں اب تجھے کیسے قرار آئے​

خزاں کو حکم ہے، داخل نہ ہو طیبہ کی گلیوں میں​

اجازت ہے، نسیم آئے،۔ صبا آئے،۔ بہار آئے​

وہ بستی اہلِ دل کی اور دیوانوں کی بستی ہے​

گئے جتنے خرد نازاں وہ دامن تار تار آئے​

جبیں ہو آستاں پر ہاتھ میں روزے کی جالی ہو​

یہ لمحہ زندگی میں اے خدا پھر بار بار آئے​

تعین مسجد و محراب کا طیبہ میں کیا ہوتا​

جہاں نقش قدم دیکھے وہی سجدے گزار آئے

قلم جب سے ہوا خم نعتِ احمدﷺ میں ادیب اپنا​

بہت رنگیں ہوئے مضموں بڑے نقش و نگار آئے​

​

ادیب رائے پوری