ہے جہاں محو خود نمائی میں

 عارفانہ کلام حمد نعت مقبت

ہے جہاں محو خود نمائی میں

خوش ہوں میں آپؐ کی گدائی میں

اسمِ احمدﷺ ورق پہ لکھتے ہی

آ گیا نور روشنائی میں

بھیجتی ہوں درود آقاﷺ پر

میں فرشتوں کی ہمنوائی میں

سبز رتوں میں پل بھر جو مہمان رہا

 سبز رتوں میں پل بھر جو مہمان رہا

ہر موسم میں اس کا ہی کیوں دھیان رہا

آنے والی نیند بھی رستہ بھول گئی

یاد کا جنگل حد درجہ گنجان رہا

شب کے رخ سے ایک ذرا آنچل سر کا

اور اجالا دن بھر کی پہچان رہا

وہ مسیحا نہ بنا ہم نے بھی خواہش نہیں کی

وہ مسیحا نہ بنا، ہم نے بھی خواہش نہیں کی

اپنی شرطوں پہ جیئے ،اس سے گزارش نہیں کی

جانے کیوں بجھنے لگے اول شب سارے چراغ

آندھیوں نے بھی اگرچہ کوئی سازش نہیں کی

اب کہ ہم نے بھی دیا ترک تعلق کا جواب

ہونٹ خاموش رہے، آنکھ نے بارش نہیں کی

اس عارضی دنیا میں ہر بات ادھوری ہے

 اس عارضی دنیا میں ہر بات ادھوری ہے

ہر جیت ہے لا حاصل، ہر مات ادھوری ہے

کچھ دیر کی رِم جِھم کو معلوم نہیں شاید

جل تھل نہ ہو آنگن تو برسات ادھوری ہے

کیا خوب تماشہ ہے یہ کارگہِ ہستی

ہر جسم سلامت ہے، ہر ذات ادھوری ہے

بہتے ہوئے اشکوں کی روانی نہیں لکھی

 بہتے ہوئے اشکوں کی روانی نہیں لکھی

میں نے غم ہجراں کی کہانی نہیں لکھی

جس دن سے تِرے ہاتھ سے چھُوٹا ہے مِرا ہاتھ

اس دن سے کوئی شام سہانی نہیں لکھی

کیا جانئے کیا سوچ کے افسردہ ہوا دل

میں نے تو کوئی بات پرانی نہیں لکھی

قتل سب انسان ہو جائیں گے کیا

 قتل سب انسان ہو جائیں گے کیا

شہر بھی ویران ہو جائیں گے کیا

گھر میں چھپ کر بیٹھ جائیں گے ابھی

راستے سنسان ہو جائیں گے کیا

اے صدی اکیسویں تُو ہی بتا

ہم ترے قربان ہو جائیں گے کیا

دھیان میں آ کر بیٹھ گئے ہو، تم بھی ناں

دھیان میں آ کر بیٹھ گئے ہو، تم بھی ناں

مجھے مسلسل دیکھ رہے ہو، تم بھی ناں

دے جاتے ہو مجھ کو کتنے رنگ نئے

جیسے "پہلی" بار ملے ہو، تم بھی ناں

ہر منظر میں اب ہم "دونوں" ہوتے ہیں

مجھ میں ایسے آن بسے ہو، تم بھی ناں

میں ہوں تم ہو اک دنیا ہے توبہ ہے

میں ہوں تم ہو اک دنیا ہے، توبہ ہے

سارا "عالم" دیکھ رہا ہے، توبہ ہے

سب سے بچ کر تم نے ایک نظر دیکھا

اور یہاں جو دل "دھڑکا" ہے، توبہ ہے

چھیڑ رہی تھی زلف کو چنچل شوخ ہوا

میں یہ سمجھی تم نے چھوا ہے، توبہ ہے

زندگی بھر ایک ہی کار ہنر کرتے رہے

زندگی" بھر ایک ہی "کارِ ہنر" کرتے رہے"

اک گھروندہ ریت کا تھا، جس کو گھر کرتے رہے

ہم کو بھی "معلوم" تھا "انجام" کیا ہو گا، مگر

شہرِ "کوفہ" کی طرف ہم بھی "سفر" کرتے رہے

اڑ گئے سارے "پرندے" موسموں کی "چاہ" میں

انتظار" ان کا مگر "بوڑھے "شجر" کرتے رہے"

کیا قیامت ہے کوئی چیز ٹھکانے سے نہیں

کیا قیامت ہے کوئی چیز ٹھکانے سے نہیں

یہ شکایت مجھے خود سے ہے زمانے سے نہیں

کاش، یہ بات کوئی "خضر" کو سمجھا سکتا

منزلیں شوق سے ہیں، راہ دکھانے سے نہیں

خلعتِ عظمت" و "دستارِ رِیا" پہنے ہوئے"

آپ جو بھی ہوں مگر میرے گھرانے سے نہیں

اب اسیری کی یہ تدبیر ہوئی جاتی ہے

اب اسیری کی یہ "تدبیر" ہوئی جاتی ہے

ایک خوشبو مِری "زنجیر" ہوئی جاتی ہے

اک حسیں خواب کہ آنکھوں سے نکلتا ہی نہیں

ایک وحشت ہے کہ "تعبیر" ہوئی جاتی ہے

اس کی پوشاک نگاہوں کا عجب ہے یہ فسوں

خوش بیانی مری "تصویر" ہوئی جاتی ہے

وہ مسیحا نہ بنا ہم نے بھی خواہش نہیں کی

وہ مسیحا نہ بنا، ہم نے بھی "خواہش" نہیں کی

اپنی شرطوں پہ جیے ،اس سے گزارش نہیں کی

جانے کیوں بجھنے لگے اول شب سارے چراغ

آندھیوں نے بھی اگرچہ کوئی سازش نہیں کی

اب کہ ہم نے بھی دیا ترکِ تعلق کا جواب

ہونٹ خاموش رہے، آنکھ نے بارش نہیں کی

مکان بیچ دئیے ہیں مکین بیچ دئیے

مکان بیچ دیئے ہیں، مکین بیچ دیئے

ضرورتوں نے تو دنیا و دین بیچ دیئے

ہمارے دور کا یہ سانحہ رقم ہو گا

گماں خریدنے نکلے، یقین بیچ دیئے

یہ گھر بچانے کی تدبیر ہو تو کیسے ہو؟

جناب! آپ نے سارے ذہین بیچ دئیے

عید آئی مگر خوشی کے بغیر

عید آئی، مگر خوشی کے بغیر

پھول جیسے ہو دلکشی کے بغیر

مائیں روتی ہیں، عید پر بچے

گھر کو آئے ہیں زندگی کے بغیر

زندگی ہو گئی ہے کچھ ایسے

آنکھ جیسے ہو روشنی کے بغیر

ملا بھی زیست میں کیا رنج رہگزر سے کم

ملا بھی زیست میں کیا، رنجِ رہگزر سے کم

سو اپنا شوقِ سفر بھی نہیں غبار سے کم

تِرے فراق میں دل کا عجیب عالم ہے

نہ کچھ خمار سے بڑھ کر، نہ کچھ خمار سے کم

ہنسی خوشی کی رفاقت کسی سے کیا چاہیں

یہاں تو ملتا نہیں کوئی غمگسار سے کم

میں اسے دیکھ رہی ہوں بڑی حیرانی سے

میں اسے دیکھ رہی ہوں بڑی حیرانی سے

جو مجھے بھول گیا اس قدر "آسانی" سے

خود سے گھبرا کے یہی کہتی ہوں اوروں کی طرح

خوف آتا ہے مجھے شہر کی "ویرانی" سے

اب کسی اور سلیقے سے ستائے دنیا

جی بدلنے لگا "اسبابِ پریشانی" سے

جز ترے کچھ بھی نہیں اور مقدر میرا

جُز تِرے کچھ بھی نہیں اور مقدر میرا

تُو ہی ساحل ہے مِرا، تُو ہی مقدر میرا

تُو نہیں ہے تو ادھوری سی ہے دنیا ساری

کوئی منظر مجھے لگتا نہیں منظر میرا

منقسم ہیں سبھی لمحوں میں مِرے خال و خد

یوں مکمل نہیں ہوتا کبھی "پیکر" میرا

جب سے زندانی ہوا دل گردش تقدیر کا

جب سے زندانی ہوا دل گردشِ تقدیر کا

روز بڑھ جاتا ہے اک حلقہ مری زنجیر کا

میرے حصے میں کہاں تھیں عجلتوں کی منزلیں

میرے قدموں کو سدا رستہ ملا "تاخیر" کا

کس لیے بربادیوں کا دل کو ہے اتنا ملال

اور کیا انداز ہو "خمیازۂ تعمیر" کا