شہیدان وفا کی یاد میں آنسو بہاتے ہیں

 عارفانہ کلام حمد نعت منقبت

شہیدانِؑ وفا کی یاد میں آنسو بہاتے ہیں

حسینؑ ابنِ علیؑ کی داستانِ غم سناتے ہیں

دھواں جنگل میں پھیلا ہے لگی ہے آگ خیموں میں

یہ ہیں اوراقِ قرآں اشقیاء جن کو جلاتے ہیں

بپا ہے دو جہاں میں آج بھی شبیرؑ کا ماتم

سُنا ہے لوگ پردیسی کو اکثر بھول جاتے ہیں

اڑائی خاک ماتم کی مدینے سے صبا آئی

 عارفانہ کلام حمد نعت منقبت

اڑائی خاک ماتم کی مدینے سے صبا آئی

کہ جیسے فاطہ صغریٰؑ کے رونے کی صدا آئی

کرو اے کلمہ گویانِ محمدﷺ بند آنکھوں کو

بھرے دربار میں زہراؑ کی بیٹی بے ردا آئی

اجل کو لاشِ ہم شکلِ پیمبرؑ سے حجاب آیا

حبیب ابن مظاہر کی ضعیفی سے حیا آئی

داستان غم شبیر کہی جاتی ہے

 عارفانہ کلام حمد نعت منقبت

داستانِ غمِ شبیرؑ کہی جاتی ہے

جو بھی آواز ہے فریاد بنی جاتی ہے

قافلہ دور گیا شام کی راہوں میں مگر

اب بھی زنجیر کی جھنکار سنی جاتی ہے

ٹوٹ جائے نہ تیری آس خدا خیر کرے

بنتِ زہراؑ شبِ عاشور ڈھلی جاتی ہے

جب کبھی غیرت انساں کا سوال آتا ہے

 عارفانہ کلام حمد نعت منقبت

جب کبھی غیرتِ انساں کا سوال آتا ہے

بنتِ زہراؑ! تِرے پردے کا خیال آتا ہے

درمیاں لاشوں کے تنہا نظر آتے ہیں حسینؑ

جب کہ عاشور کے سورج پہ زوال آتا ہے

موت کس سوچ میں ہے لاشۂ اکبرؑ پہ کھڑی

کیا پیمبرﷺ کی جوانیؑ کا خیال آتا ہے

گلشن زہرا میں ہے فصل خزاں آئی ہوئی

 عارفانہ کلام منقبت سلام مرثیہ بر امام حسینؑ

گلشنِ زہراؑ میں ہے فصلِ خزاں آئی ہوئی

آسماں پر غم کی ہے کالی گھٹا چھائی ہوئی

اس کو رونے جس کا کوئی بھی نہیں تھا نوحہ گر

لاشۂ شبیرؑ پر زینبؑ ہے آج آئی ہوئی

قاصدِ صغراؑ سے یوں رو کر کہا شبیرؑ نے

جاگ لینے دو، جوانی کو ہے نیند آئی ہوئی

سلام اے شاہ انبیاء سلام ختم مرسلیں

 عارفانہ کلام نعتیہ کلام بر آقائے نامدار ختم المرسلینﷺ

سلام اے شاہِ انبیاء، سلام ختمِ مرسلیںﷺ

سلام امیرِ امرِ حق، سلام شفیع مذنبیںﷺ

گڑے ہوئے ہیں ہر طرف تیرے وقار کے علم

جھکی ہوئی ہے تیرے در پہ کائنات کی جبیں

کلامِ حق سنا رہا ہے آیۂ عنِ الھویٰ

صدائے ربِ ذوالمنن تیری صدائے دلنشیں

فریاد سن فقیر کی اے رب ذوالجلال

عارفانہ کلام حمدیہ کلام

 فریاد

فریاد سن فقیر کی اے ربِ ذوالجلال

فانی ہر ایک شے ہے تِری ذات کو دوام

ربِ قدیر!! مالکِ لوح و قلم ہے تُو

قبضے میں تیرے گردشِ حالات کی زمام

یا سائر العراب و یا غافر الذنوب

رحمت کی نظر بہ طفیلِ شہِ انامؐ

ناقص مرا شعور ہے عاجز مرا کمال

عارفانہ کلام حمدیہ کلام

ناقص مِرا شعور ہے، عاجز مِرا کمال

میں بندۂ ذلیل ہوں، تُو رب ذوالجلال

تعریف آفتابِ جہاں تاب کی کرے

اک ذرۂ حقیر کی کیا تاب، کیا مجال

تُو ہے کہ قدرتوں کی تِری حد ہے نہ حساب

میں ہوں کہ ایک قیدئ زندانِ ماہ و سال

نوک سناں پہ کون یہ قاری سوار ہے

 عارفانہ کلام منقبت سلام مرثیہ امام حسینؑ

نوکِ سناں پہ کون یہ قاری سوار ہے

شبیرؑ انقلاب کا پروردگار ہے

پھیلے ہوئے ہیں نوحے فضاؤں میں آجکل

عالم تمام غم میں تِرے اشکبار ہے

زینبؑ پکار اٹھی، مِرے بھائی! تیری خیر

خیموں میں خالی آیا تِرا راہوار🐎 ہے

حسین تیرے لہو کی خوشبو فلک کے دامن سے آ رہی ہے

 عارفانہ کلام منقبت سلام مرثیہ بر امام حسین 

حسینؑ تیرے لہو کی خوشبو فلک کے دامن سے آ رہی ہے

یہ خون ناحق چھپے گا کیوں کر جسے یہ دنیا چھپا رہی ہے

جناب آدمؑ، جناب عیسیٰؑ،۔ جناب مریمؑ جناب زہراؑ

حسینؑ ابن علیؑ کے غم میں اجل بھی آنسو بہا رہی ہے

حسینؑ لاشہ جوان لے کر چلے جو مقتل سے خیمہ گاہ تک

مگر ضعیفی قدم قدم پہ اٹھا رہی،۔ ہے بیٹھا رہی ہے