سلامی ماہ محرم کا احترام کرو

 عارفانہ کلام حمد نعت منقبت

سلامئ ماہِ محرم کا احترام کرو

نبیِؐ کی آلؑ کے پُرسے کا انتظام کرو

زبان کافی نہیں اعترافِ حق کے لیے

حُسینیت کا کُھلے دل سے احترام کرو

سوائے رب کے جُھکے سر نہ غیر کے آگے

یہ عزمِ شاہِ شہیدانؑ ہے اس کو عام کرو

حقارت سے نہ دیکھو دل کو جام جم بھی کہتے ہیں

 حقارت سے نہ دیکھو دل کو جامِ جم بھی کہتے ہیں

اسی خاکِ تپاں کو فاتحِ عالم بھی کہتے ہیں

یہ دل کی داستانِ مضطرب ہے جس کو دنیا میں

کہیں آنسو، کہیں موتی، کہیں شبنم بھی کہتے ہیں

کبھی کے اک تبسم کو سجا رکھا ہے ہونٹوں پر

بہت سے تو اسے پروردۂ ماتم بھی کہتے ہیں

جو بات منہ سے نکالیں تو جرم ہے اپنا

 جو بات منہ سے نکالیں تو جرم ہے اپنا

لہو کو راگ بنا لیں تو جرم ہے اپنا

حیا سے نیچی نگاہوں کو بند رکھنا ہے

نظر کبھی جو اٹھا لیں تو جرم ہے اپنا

لبوں پہ مہر ہو، دل لاکھ ٹکڑے ٹکڑے ہو

زباں سے حرف نکالیں تو جرم ہے اپنا

محبت میں سکوں محرومیوں کے بعد آتا ہے

 محبت میں سکوں محرومیوں کے بعد آتا ہے

کہ جب ہر آسرا مٹ جائے تب دل چین پاتا ہے

خود اپنا ہی لہو آواز کو رنگیں بناتا ہے

کچل جاتا ہے جب دل تب کہیں نغمہ سُناتا ہے

یہ کیا جبر مشیّت ہے، یہ کیا جبرِ صداقت ہے

کہ جس کو ہم بھلانا چاہتے ہیں، یاد آتا ہے

یہ دستور دنیا سمجھ میں نہ آئے

 یہ دستورِ دنیا سمجھ میں نہ آئے

کہ جو زخم کھائے وہی مسکرائے

برا وقت یا رب کسی پہ نہ آئے

کہ اپنے بھی ہوتے ہیں اس میں پرائے

حضوری بھی دھوکا ہے، دوری بھی دھوکا

بہت دور نکلے جو نزدیک آئے

غموں کے زخم اٹھاتے رہے خوشی کے لیے

 غموں کے زخم اٹھاتے رہے خوشی کے لیے

ترس گئے ہیں محبت کی زندگی کے لیے

کلی تبسم بے ساختہ سے پھول بنی

یہ لمحہ کافی ہے اب پوری زندگی کے لیے

غروبِ مہر پہ کس نے لہو چڑھایا ہے

یہ کس نے خون جلایا ہے روشنی کے لیے

لے کے یادوں کے آج نذرانے اے وطن آئے تیرے دیوانے

 لے کے یادوں کے آج نذرانے

اے وطن آئے تیرے دیوانے

کوئی گلشن پرست کیا جانے

پھول میں کس قدر ہیں ویرانے

ہم کو جو کچھ دیا ہے دنیا نے

ہم سمجھتے ہیں یا خدا جانے

بڑھے چلو کہ تھکن تو نشے کی محفل ہے

 بڑھے چلو کہ تھکن تو نشے کی محفل ہے

ابھی تو دور، بہت دور اپنی منزل ہے 

یہ بے قرار تبسم، ترے لبوں کا فسوں 

یہی تو چاک گریباں کی پہلی منزل ہے 

کسی کا راز تو پھر بھی پرائی بات ہوئی 

خود اپنے دل کو سمجھنا بھی سخت مشکل ہے 

میرے سر آنکھوں پہ اے دوست ترا یہ ارشاد

 میرے سر آنکھوں پہ اے دوست ترا یہ ارشاد

کچھ بھی ہو زندہ رہو، شاد رہو یا ناشاد

نقش بن جاتی ہے ٹوٹے ہوئے تارے کی طرح

جب بھی پردیس میں آتی ہے مجھے دیس کی یاد

ان میں تو خونِ چمن ساز رواں تھا کل تک

آج جن ہاتھوں سے ہوتا ہے گلستاں برباد

ہزار باتیں ہیں دل میں ابھی سنانے کو

ہزار باتیں ہیں دل میں ابھی سنانے کو

مگر زباں نہیں ملتی ہمیں بتانے کو

وہ آنکھیں آج ستارے تراشتی دیکھیں

جنہوں نے رنگ تبسم دیا زمانے کو

ہم اہلِ ظرف ابھی تک ہیں ایک جنسِ لطیف

جنہیں کچل دیا دنیا نے آزمانے کو

ترے حضور بھی جس کو قرار مل نہ سکا

ہلاکِ غمزہ سیاست شکار مل نہ سکا

کہ ایک دوسرے سے بر قرار مل نہ سکا

وہ نامراد بنا اک غلام دَیر و حرم

جسے تصورِ پروردگار مل نہ سکا

وہ نامرادِ سکوں جائے تو کہاں جائے

تِرے حضور بھی جس کو قرار مل نہ سکا

آدمی اک تضاد باہم ہے

آدمی اک تضادِ باہم ہے
کبھی جنت کبھی جہنم ہے
غم ہے اک نعمتِ خداوندی
جتنا برتو اسی قدر کم ہے
التفات آپ کا بجا،۔ لیکن
کیا خوشی ہے کہ آنکھ پُرنم ہے

دل کے معاملے میں فقط ہم ہی ہم نہیں

دل کے معاملے میں فقط ہم ہی ہم نہیں

وہ کون ہے یہاں جو گرفتارِ غم نہیں

مر کے بھی آستاں سے نہ سر اٹھائیں

عہدِ وفا ہے اپنا یہ تیری قسم نہیں

جو آیا، گفتگو کو ترستا چلا گیا

حالانکہ کوئے دوست ہے راہِ عدم نہیں

لوگ کہتے ہیں عبادت کو بھلا رکھا ہے

لوگ کہتے ہیں عبادت کو بھلا رکھا ہے

اپنے سجدوں میں تمہیں ہم نے سجا رکھا ہے

ہر ستم ہم کو گوارا ہے ہر اک غم ہے قبول

ہم نے دل زخموں سے گلزار بنا رکھا ہے

دل سے جاتا ہی نہیں وعدۂ اولیٰ کا خیال

ورنہ ان ٹوٹے ہوئے وعدوں میں کیا رکھا ہے

جیسے وہ تمکا چاہت ہیں

سوکن

جیسے وہ تم کا چاہت ہیں

ہم کا بھی چاہت تھے

نین جوت جلاوت تھے

نردوہی سے کیسے کہن ہم

اک دن ایسا آوے گا

تمرا دل بھی ترسے گا

جب آنکھ سے ساون برسے گا