تم خاص پلاتے تھے جو عام نہیں ملتا

 تم خاص پلاتے تھے جو عام نہیں ملتا

ہاں جام تو ملتا ہے، وہ جام نہیں ملتا

گلیوں میں بھٹکتا ہے، بد راہ ہے دل ایسا

اس صبح کے بُھولے کو، گھر شام نہیں ملتا

کچھ عشق کرو صاحب، کچھ نام دھرو صاحب

گھر بیٹھنے والوں کو الزام نہیں ملتا

پھر سے دید و شنید ہو جائے

 پھر سے دید و شنید ہو جائے

دل سراپا اُمید ہو جائے

دُور ہوتا گیا ہے وہ ہم سے

جیسے ماضی بعید ہو جائے

اس کی قسمت پہ رشک جو اپنی

جستجو میں شہید ہو جائے

مسکراہٹ ادھار دینا ذرا کچھ ستارے خریدنے ہیں مجھے

 مسکراہٹ ادھار دینا ذرا

کچھ ستارے خریدنے ہیں مجھے

ایک آنسو کا مول کیا لو گے؟

آج سارے خریدنے ہیں مجھے

بول تتلی کے دام کتنے ہیں؟

رنگ پیارے خریدنے ہیں مجھے

رستے منزل ہو جاتے ہیں

 اپنے پیارے ساتھ چلیں تو

رستے منزِل ہو جاتے ہیں

چھوڑو مے اور میخانوں کو

ہم تم محفل ہو جاتے ہیں

وقت پہ گر نہ آنکھ کھلے تو

سپنے قاتل ہو جاتے ہیں

کٹھن ہے بہت راہ حق کی مسافت

 اتحاد، ایمان، نظم

کٹھن ہے بہت راہِ حق کی مسافت

بہت متحد ہو کے چلنا پڑے گا

وہ ایمان جس سے جلائے نہ آتش

اس ایماں کی خاطر بھی جلنا پڑے گا

بدل دیں نہ تم کو زمانے کی رسمیں

تمہیں نظمِ دنیا بدلنا پڑے گا

دین ہو کہ دنیا ہو کھیل ہو تماشا ہو

 الا ماشاء اللہ

دِین ہو کہ دنیا ہو

کھیل ہو تماشا ہو

شاعری کی محفل ہو

اہلِ فن کا مجمع ہو

لیڈ کرنے والوں میں 

جلسۂ صدارت کی

ہر پل دل ناشاد تجھے یاد کرے ہے

 ہر پل دلِ ناشاد تجھے یاد کرے ہے

بسمل تِرا حسرت تِری صیاد کرے ہے

لٹکا ہوا زنجیر سے ملتا ہے محل میں

اس دور میں مظلوم جو فریاد کرے ہے

ملتا ہے درِ یار سے اکسیر کی صورت

وہ درد جو ہر درد سے آزاد کرے ہے

یہ جو دو چار ترے پیار میں آ بیٹھے ہیں

 یہ جو دو چار تِرے پیار میں آ بیٹھے ہیں

گُل کے سودائی ہیں، گُلزار میں آ بیٹھے ہیں

بیچ اپنوں کے ہی کرتی ہے سیاست دنیا

ہم ہی ناداں ہیں جو اغیار میں آ بیٹھے ہیں

گُل سے مطلب نہیں، نالہ ہی خدا ہے ہم کو

چھوڑ گُلزار، سخن زار میں آ بیٹھے ہیں

برسوں کا تھما ساون

برسوں کا تھما ساون

دیکھا جو تمہیں پھر سے

اِک یاد اُٹھی دل میں

کالی سی گھٹا بن کر

فریاد اُٹھی دل میں

شوریدہ ہواؤں نے

اجازت: او جانے والے چلے ہی جانا ذرا رکو تو ذرا

اجازت

او جانے والے

چلے ہی جانا

ذرا رُکو تو 

ذرا، سُنو تو

تمہاری خاطر جو لمحہ لمحہ بکھرتے آنسو جمع کئے تھے

حساب کتاب: میری زندگی کی کتاب میں

حساب کتاب

میری زندگی کی کتاب میں

میرے روز و شب کے حساب میں

تیرا نام جتنے صفحوں پہ ہے

تیری یاد جتنی شبوں میں ہے

وہی چند صفحے ہیں متاعِ جان

اُنہی رتجگوں کا شمار ہے

خضر سے: کہا مشکل میں رہتا ہوں

خضرؑ سے

(مکالماتی نظم)

کہا مشکل میں رہتا ہوں

کہا آسان کر ڈالو

کہ جس کی چاہ زیادہ ہو

وہی قربان کر ڈالو

اقبال اور فرشتے: وہ دور آیا نہیں ابھی تک

اقبال اور فرشتے

وہ دور آیا، نہیں ابھی تک

نظام بدلا، نہیں ابھی تک

وہ کاخِ اُمراء، ہِلی نہیں ہے

غریب جاگا، نہیں ابھی تک

وہ میرا شاہیں، بے بال و پر ہے

پلٹ کے جھپٹا، نہیں ابھی تک

بے خودی بخدا بڑھے اس سے

بے خودی بَخدا بڑھے اِس سے

تیری خوشبو شراب لگتی ہے

اپنی قسمت پہ اب نہ چھوڑیں گے

اپنی قسمت خراب لگتی ہے

جن کو تڑپائے بھوک راتوں میں

ان کو روٹی عذاب لگتی ہے

جو ہوتی دیس میں عزت ہنر کی

جو ہوتی دیس میں عزت ہُنر کی

نہ کھاتے ٹھوکریں ہم در بدر کی

کہا مرتے ہوئے بیکس نے مجھ سے

سخاوت دیکھ لی تیرے نگر کی

جو حج میں ایک امت لگ رہی ہے

سنو اِس کی کہانی سال بھر کی

نشانہ آزمایا جا رہا ہے

نشانہ آزمایا جا رہا ہے

ہمیں ناحق ستایا جا رہا ہے

جلا کر چل دئیے جو آشیاں کو

انہیں پھر سے بلایا جا رہا ہے

جسے لکھا ہمارے دشمنوں نے

وہ نغمہ گنگنایا جا رہا ہے

کیسی تاویل مرے دوست بہانہ کیسا

کیسی تاوِیل مِرے دوست، بہانہ کیسا

زخم جاگیرِ محبت ہیں، چُھپانا کیسا

شِدّتِ لمس سے جلتا ہے بدن، جلنے دو

پہلوئے یار میں دامن کو بچانا کیسا

شعر در شعر ٹپکتا ہے قلم سے میرے

ڈھونڈ رکھا ہے تیرے غم نے ٹھکانا کیسا

اے مظلومو اے محکومو

وصایا: فیض

اے مظلومو، اے محکومو، اے نادارو، اے ناچارو

اِک راز سنو، آواز سنو، ہوتا ہے کہاں آغاز سنو

خاموش لبوں کی جُنبش سے

دُنیا کے خُدا سب ڈرتے ہیں

سجدوں میں پڑے سر اُٹھ جائیں

مسنَد پہ جمے رَب ڈرتے ہیں