کس نے پھر چھیڑ دیا قصہ لیلائے حجاز

 عارفانہ کلام حمد نعت منقبت

کس نے پھر چھیڑ دیا قصہ لیلائے حجاز

دل کے پردوں میں مچلتی ہے تمنائے حجاز

بھر کے دامن میں غریبوں کی دعائیں لے جا

اے نسیم سحر!، اے بادیہ پیمائے حجاز

بزمِ ہستی میں ہے ہنگامہ محشر برپا

اب تو ہو خواب سے بیدار مسیحائے حجاز

نہ تمہارا حسن جواں رہا نہ ہمارا عشق تپاں رہا

 نہ تمہارا حسن جواں رہا، نہ ہمارا عشق تپاں رہا

نہ وہ تم رہے نہ وہ ہم رہے، جو رہا تو غم کا سماں رہا

نہ وہ باغ ہیں نہ گھٹائیں ہیں، نہ وہ پھول ہیں نہ فضائیں ہیں 

نہ وہ نکہتیں نہ ہوائیں ہیں، نہ وہ بیخودی کا سماں رہا

نہ وہ دل ہے اب نہ جوانیاں، نہ وہ عاشقی کی کہانیاں

نہ وہ غم نہ اشک فشانیاں، نہ وہ دردِ دل کا نشاں رہا

کام آ سکیں نہ اپنی وفائیں تو کیا کریں

 کام آ سکیں نہ اپنی وفائیں تو کیا کریں

اِک بے وفا کو بھول نہ جائیں تو کیا کریں

مجھ کو ہے اعتراف کہ دعاوں میں ہے اثر

جائیں نہ عرش پر یہ دعائیں تو کیا کریں

اِک دن کی بات ہو تو اسے بھول جائیں ہم

نازل ہوں روز دل پہ بلائیں تو کیا کریں

اگر اے نسیم سحر ترا ہو گزر دیار حجاز میں

عارفانہ کلام نعتیہ کلام

اگر اے نسیمِ سحر تِرا ہو گزر دیارِ حجاز میں

مِری چشمِ تر کا سلام کہنا حضورِ بندہ نواز میں

تمہیں حدِ عقل نہ پا سکی فقط اتنا حال بتا سکی

کہ تم ایک جلوۂ راز تھے جو نہاں ہے رنگِ مجاز میں

نہ جہاں میں راحتِ جاں ملی، نہ متاعِ امن و اماں ملی

جو دوائے دردِ نہاں ملی، تو ملی بہشتِ حجاز میں

جھوم کر بدلی اٹھی اور چھا گئی

جھوم کر بدلی اٹھی اور چھا گئی

ساری دنیا پر جوانی آ گئی

آہ وہ اس کی نگاہ مے فروش

جب بھی اٹھی مستیاں برسا گئی

گیسوئے مشکیں میں وہ روئے حسیں

ابر میں بجلی سی اک لہرا گئی

غم خانہ ہستی میں ہیں مہماں کوئی دن اور

غم خانۂ ہستی میں ہیں مہماں کوئی دن اور

کر لے ہمیں تقدیر پریشاں کوئی دن اور

مر جائیں گے جب ہم تو بہت یاد کرے گی

جی بھر کے ستا لے شبِ ہجراں کوئی دن اور

تُربت وہ جگہ ہے کہ جہاں غم ہے نہ حیرت

حیرت کدۂ غم میں ہیں حیراں کوئی دن اور

خیالستان ہستی میں اگر غم ہے خوشی بھی ہے

خیالستانِ ہستی میں اگر "غم" ہے، "خوشی" بھی ہے

کبھی آنکھوں میں آنسو ہیں کبھی لب پر ہنسی بھی ہے

اِنہی "غم" کی گھٹاؤں سے خوشی کا "چاند" نکلے گا

اندھیری رات کے پردوں میں دن کی روشنی بھی ہے

یونہی تکمیل ہو گی حشر تک تصویرِ "ہستی" کی

ہر اک تکمیل آخر میں "پیامِ نیستی" بھی ہے

عشق کی مایوسیوں میں کھو چکے

عشق کی مایوسیوں میں کھو چکے

اے جوانی! جا، تجھے ہم رو چکے

مقصدِ فصلِ جوانی تھا یہی

عشق میں ساری جوانی کھو چکے

میرا ویرانہ ترستا ہی رہا

پھول کھل کر، بے نشاں بھی ہو چکے

دیوانہ کر دیا ہے غم انتظار نے

دیوانہ کر دیا ہے "غمِ انتظار" نے

اب تک خبر نہ لی مِری غفلت شعار نے

بیمارِ شامِ ہجر کے آنسو نکل پڑے

کیا کہہ دیا ستارۂ شب زندہ دار نے

مخمور خواب، بسترِ گل سے اٹھے ہیں وہ

انگڑائی لی ہے باغ میں صبحِ بہار نے

دل حزیں سے خلش کاری ستم نہ گئی

دلِ حزیں سے خلش کارئ ستم نہ گئی

ابھی تک ان کی نگاہوں سے خوۓ رم نہ گئی

ملی نہ سعئ برہمن سے زاہدوں کو مُراد

چراغِ دَیر سے تاریکئ حرم نہ گئی

ہنوز عشق سے اندازِ بیکسی نہ چھٹا

ہنوز حسن سے رنگینئ ستم نہ گئی

نہ چھیڑ زاہدِ ناداں شراب پینے دے

نہ چھیڑ زاہدِ ناداں!! شراب پینے دے

شراب پینے دے خانہ خراب پینے دے

ابھی سے اپنی نصیحت کا زہر دے نہ مجھے

ابھی تو پینے دے اور بے حساب پینے دے

میں جانتا ہوں، چھلکتا ہوا گناہ ہے یہ

تو اس گناہ کو بے احتساب پینے دے

ہمارے ہاتھ میں کب ساغر شراب نہیں

ہمارے ہاتھ میں کب ساغرِ شراب نہیں

ہمارے قدموں پہ کس روز ماہتاب نہیں

جہاں میں اب کوئی صورت پئے ثواب نہیں

وہ مے کدے نہیں، ساقی نہیں، شراب نہیں

شبِ بہار میں تاروں سے کھیلنے والے

تِرے بغیر مجھے آرزوئے خواب نہیں

بھول نہ جانا او پردیسی

پردیسی سے

بھول نہ جانا او پردیسی

او پردیسی بھول نہ جانا

پھر بھی آنا او پردیسی

او پردیسی پھر بھی آنا

چلتے رستے پریت لگائی

بھولے من پر آفت ڈھائی

ساون کی گھٹائیں چھا گئی ہیں

ساون کی گھٹائیں

ساون کی گھٹائیں چھا گئی ہیں

برسات کی پریاں آ گئی ہیں

دل دینے کی رت آئی ہے

سینوں میں امنگ سمائی ہے

ارمانوں نے عید منائی ہے

امیدیں جوانی پا گئی ہیں

بادل کا سندیسہ

بادل کا سندیسہ

آئے ہیں بادل، چھائے ہیں بادل

کس کا سندیسہ لائے ہیں بادل

باغ میں کوئل کوک اٹھی پھر

دل میں ہمارے ہوک اٹھی پھر

کون نگر سے آئے ہیں بادل

کس کا سندیسہ لائے ہیں بادل

پردیسی کی پریت

پردیسی کی پرِیت

پردیسی کی پریت ہے جھوٹی

جھوٹی پردیسی کی پرِیت

ہارے ہوئے کی جیت ہے جھوٹی

دنیا کی یہ ریت ہے جھوٹی

پردیسی کی پریت ہے جھوٹی

جھوٹی پردیسی کی پریت

نہ بھولیں گی کبھی اے ہمنشیں راتیں جوانی کی

نہ بھولیں گی کبھی اے ہم نشیں، راتیں جوانی کی

وہ راتیں،۔ وہ ملاقاتیں،۔ وہ برساتیں جوانی کی

لبوں پر آہ، دل میں دھڑکنیں، آنکھوں میں اشکِ خوں

جوانی" لے کر آئی ہے یہ "سوغاتیں" جوانی کی"

یہ مرجھائی ہوئی کلیاں نہیں،۔ بے نور آنکھیں ہیں

بسی تھیں جن کے خوابوں میں کبھی راتیں جوانی کی

ہمارے سامنے اغیار کی باتیں نہیں اچھی

وہ کہتے ہیں کہ ہم سے پیار کی باتیں نہیں اچھی

کوئی سمجھائے یہ تکرار کی باتیں نہیں اچھی

تمہاری ہی طرح اغیار بھی اچھے سہی، لیکن

ہمارے سامنے "اغیار" کی باتیں نہیں اچھی

شبِ وصل آپ کا عذرِ نزاکت کون مانے گا

کہے دیتے ہیں ہم تکرار کی باتیں نہیں اچھی

وہ میرے سامنے شرما کے جب پیمانہ رکھتے ہیں

دلِ "دیوانہ" و انداز "بے باکانہ" رکھتے ہیں

گدائے مےکدہ ہیں وضع آزادانہ رکھتے ہیں

مجھے مےخانہ، تھراتا ہوا محسوس ہوتا ہے

وہ میرے سامنے شرما کے جب پیمانہ رکھتے ہیں

تری عالی جنابی سے ہو کس کو عشق کی جرأت

خدا کا شکر ہے، ہم شمعِ بے پروانہ رکھتے ہیں

پھر ستاتی ہے ہمیں گزری ہوئی راتوں کی یاد

پھر ستاتی ہے ہمیں گزری ہوئی راتوں کی یاد

آہ ان راتوں کی یاد، ان پیار کی باتوں کی یاد

رات کے پردوں میں چھپ چھپ کر جو ہوتی تھیں کبھی

چٹکیاں لیتی ہے دل میں ان ملاقاتوں کی یاد

اب بھی آ کر گدگدا جاتی ہے بزم شوق کو

سایۂ گیسو میں شرمائی ہوئی راتوں کی یاد