اتنی مدت بعد ملے ہو کچھ تو دل کا حال کہو

 اتنی مدت بعد ملے ہو کچھ تو دل کا حال کہو

کیسے بیتے ہم بن پیارے اتنے ماہ و سال کہو

رُوپ کا دھوکا سمجھو نظر کا یا پھر مایا جال کہو

پریت کو دل کا روگ سمجھ لو یا جی کا جنجال کہو

آنکھوں دیکھی کیا بتلائیں حال عجب کچھ دیکھا ہے

دُکھ کی کھیتی کتنی ہری اور سُکھ کا جیسے کال کہو

تجھ سے ٹوٹا ربط تو پھر اور کیا رہ جائے گا

 تجھ سے ٹوٹا ربط تو پھر اور کیا رہ جائے گا

انتشار ذات کا اک سلسلہ رہ جائے گا

قربتیں مٹ جائیں گی اور فاصلہ رہ جائے گا

چند یادوں کے سوا بس اور کیا رہ جائے گا

یہ تغافل ایک دن اک سانحہ بن جائے گا

عکس تو کھو جائے گا اور آئنہ رہ جائے گا

عقب سے وار تھا آخر میں آہ کیا کرتا

 عقب سے وار تھا آخر میں آہ کیا کرتا

کسی بھی آڑ میں لے کر پناہ کیا کرتا

غریب شہر تھا آنکھوں میں تھی انا زندہ

سزائے موت نہ دیتا تو شاہ کیا کرتا

مِرے خلوص کو جو سکۂ غرض سمجھا

میں ایسے شخص سے آخر نِباہ کیا کرتا

سایہ کہیں نہ کوئی شجر مجھ کو اس سے کیا

 سایہ کہیں نہ کوئی شجر مجھ کو اس سے کیا

بے چین ہے یہ دھوپ اگر مجھ کو اس سے کیا

وہ جو حصارِ ذات سے نکلا نہیں کبھی

کر لے وہ آسماں کا سفر مجھ کو اس سے کیا

وہ سر مِرا اتار کر قامت میں مجھ سے بڑھ گیا

دیکھے وہ ایسے خواب اگر مجھ کو اس سے کیا

کیا تم بھی طریقہ نیا ایجاد کرو ہو

 کیا تم بھی طریقہ نیا ایجاد کرو ہو

خود اپنا بنا کر مجھے برباد کرو ہو

رکھو ہو ہر اک بار فسانے کو ادھورا

کب اپنے ستم شاملِ روداد کرو ہو

لگتا نہیں دلچسپ جو شیریں کا فسانہ

کیوں ذکرِ وفا کوشئ فرہاد کرو ہو

چھوٹی سی یہ بات سہی پر کھینچے ہے یہ طول میاں

 چھوٹی سی یہ بات سہی پر کھینچے ہے یہ طول میاں

جیون بھر کا روگ بنے ہے دو آنکھوں کی بھول میاں

کانٹوں نے جو زخم لگائے وہ مانا بھر جائیں گے

ان زخموں کو کیسے بھرو گے جن کو لگائیں پھول میاں

سُکھ ڈھونڈو گے دُکھ پاؤ گے پرِیت کے بدلے جلتے آنسو

رِیت یہی اس جگ کی پیارے، اس جگ کا معمول میاں

آج پھر وقت کوئی اپنی نشانی مانگے

 آج پھر وقت کوئی اپنی نشانی مانگے

بات بھولی ہوئی زخموں کی زبانی مانگے

جذبۂ شوق کہ وارفتۂ حسن ابہام

اور وہ شوخ کہ لفظوں کے معانی مانگے

عرق آلود ہیں یہ سوچ کے عارض گُل کے

صبحِ خورشید نہ شبنم کی جوانی مانگے