کبھی الفاظ خنجر تو کبھی مرہم بھی ہوتے ہیں

 کبھی الفاظ خنجر تو، کبھی مرہم بھی ہوتے ہیں

خوشی لفظوں سے ملتی ہے کبھی یہ غم بھی ہوتے ہیں

جو پی کر زہر لہجوں کا ہمیشہ مسکراتے ہیں

ذرا گر غور سے دیکھو تو یہ پُرنم بھی ہوتے ہیں

ہوا کے دوش پر رکھے دیوں کی زندگی کیا ہے

کبھی گر تیز جلتے ہیں، کبھی مدھم بھی ہوتے ہیں

میں ہوں اک مشرقی لڑکی مجھے خاموش رہنا ہے

 میں ہوں اک مشرقی لڑکی

رواجوں کے الاؤ میں

سُلگنا میری قسمت ہے

مجھے یہ درس مِلتا ہے

یہ سب میرا مقدر ہے

وراثت معاف کرنی ہے

وفا کی لاج رکھنی ہے

کبھی اقرار کی صورت کبھی انکار کی صورت

 کبھی اقرار کی صورت، کبھی انکار کی صورت

پیامِ دل سناتی ہے نظر اظہار کی صورت

کبھی خوشیوں کی ہیں صبحیں، کبھی غم کی سیہ راتیں

زمانہ روپ بدلے ہے، کسی فنکار کی صورت

اداسی میں چلی آتی ہیں جو گُل رنگ سی یادیں

مِری تنہائی مہکے موتیوں کے ہار کی صورت

خواب خدشے ستم بکھرے بکھرے ہیں ہم

 خواب، خدشے، ستم، بکھرے بکھرے ہیں ہم

کیسے کیسے ہوئے چاہتوں کے کرم

اب تو اپنا بھی ملتا نہیں ہے سراغ

ہجر کی تیرگی میں ہوئے گُم صنم

ہر قدم پر ہیں لاشے تمناؤں کے

کیسے رکھیں یہاں زندگی کا بھرم

اک خطا اس کے روبرو کی تھی

 اک خطا اس کے روبرو کی تھی

گھر بنانے کی آرزو کی تھی

تنکا تنکا ہی جوڑنا چاہا

آشیانے کی جستجو کی تھی

ہر قدم پر جلا کے دل کا دِیا

روشنی میں نے چار سُو کی تھی

بلائیں ہماری صدائیں ہماری کوئی ہم سے لے لے دعائیں ہماری

 بلائیں ہماری، صدائیں ہماری

کوئی ہم سے لے لے دعائیں ہماری

نہ جانے سمائی ہے کیا اس کے من میں

ہمیں دے رہا ہے سزائیں ہماری

بہت سن چکے ہم زمانے کے قصے

کہانی ہمیں اب سنائیں ہماری

زیست میں حادثہ ضروری ہے

 زیست میں حادثہ ضروری ہے

عشق سا سانحہ ضروری ہے

پیار میں ہار جیت بے معنی

دل سے اک رابطہ ضروری ہے

منزلوں کی تلاش میں اکثر

اک نیا راستہ ضروری ہے

صرف حرص و ہوا کے ہوتے ہیں

 صرف حرص و ہوا کے ہوتے ہیں

بندے کم ہی خدا کے ہوتے ہیں

چند لمحوں کی زندگانی میں

جھگڑے لاکھوں انا کے ہوتے ہیں

کاش، انسان کو سمجھ آئے

اصل حیلے فنا کے ہوتے ہیں