دل یہ کہتا ہے کہ رویا جائے

 دل یہ کہتا ہے کہ؛ رویا جائے

آنکھ کے پیالوں کو دھویا جائے

لے اُڑا خواب تو آنکھوں سے کوئی 

اب نہ آرام سے سویا جائے

ہار جب ٹُوٹ کے بکھرے ہر سُو

آنسوؤں کو ہی پرویا جائے

لمحہ لمحہ بیت چکا ہے اب جو تم پچھتاؤ تو کیا

لمحہ لمحہ بیت چکا ہے اب جو تم پچھتاؤ تو کیا 

بھولی بسری یادیں سب کی آگے بھی دہراؤ تو کیا 

کون کسی کا درد سمیٹے کون کسی کا دوست بنے 

اپنا درد ہے اپنا پیارے! لوگوں کو دِکھلاؤ تو کیا 

پہلے تو تم آگ لگا کر سب کچھ جلتا چھوڑ گئے 

دیواریں تاریک ہوئی ہیں اب اس گھر میں آؤ تو کیا 

ٹوٹا ہے آج ابر جو اس آن بان سے

ٹوٹا ہے آج ابر جو اس آن بان سے 

برسے گا کل لہو بھی تِرے آسمان سے 

یہ کس کے دل کی آگ سے جلتے ہیں بام و در 

شعلے سے اٹھ رہے ہیں بدن کے مکان سے 

سورج کی تیز دھوپ سے شاید اماں ملے 

رکتی ہے غم کی دھوپ کہیں سائبان سے 

زخم اپنا سا کام کر نہ جائے

زخم اپنا سا کام کر نہ جائے 

پھر درد کی لے بکھر نہ جائے 

جب اس کی نگاہ اس طرف ہے 

کیوں میری نظر ادھر نہ جائے 

ہے فصلِ جنوں کی آمد آمد 

پیڑوں کا لباس اتر نہ جائے 

آج کشمیر میں کیا مشق ستم جاری ہے

آج کشمیر میں

کیا کشمکشیں جاری ہیں

کیا مشق ستم

آئیں دیکھیں تو ذرا، آئیں سوچیں تو سہی

اک طرف ہندوکش کوہ گراں

اک طرف یو ایس اے

اک طرف شہ رگِ جاں

سکوت شب میں اندھیروں کو مسکرانے دے

سکوتِ شب میں اندھیروں کو مسکرانے دے

بجھے چراغ تو پھر جسم و جاں جلانے دے

دکھوں کے خواب نما نیم وا دریچوں میں

وفورِ کرب سے تاروں کو جھلملانے دے

جلانا چاہے اگر چاہتوں کا سورج بھی

بدن کے شہر کو اس دھوپ میں جلانے دے

پھیلا کے سر پہ درد کی چادر چلا گیا

پھیلا کے سر پہ درد کی چادر چلا گیا

اک شخص میری روح پہ نشتر چلا گیا

مجھ سے خطا ہوئی تھی کہ ایسی مِرا خدا

ناراض ہو کے شہر سے باہر چلا گیا

شیشے لہولہان پڑے ہیں جو فرش پر

کھڑکی پہ کوئی مار کے پتھر چلا گیا

کوئی چراغ تخیل نہ میری راہ میں رکھ

عارفانہ کلام منقبت سلام مرثیہ بر امام عالی مقام

کوئی چراغِ تخیل نہ میری راہ میں رکھ

بس اک سلام کا گوہر میری کلاہ میں رکھ

اگرچہ تُو کسی سچائی کا مؤرخ ہے

یزیدِ عصر کو بھی دفترِ سپاہ میں رکھ

بکھیر صفحۂ قرطاس پر لہو کے حروف

قلم سنبھال کے مت دل کی خانقاہ میں رکھ

رکھ کے دل بهول گئے کوچۂ دلدار کے پاس

رکھ کے دل بهول گئے کوچۂ دلدار کے پاس

اک چراغ اور جلا یارِ طرح دار کے پاس

چال اکثر ہی الٹ دیتی ہے ہر تیغِ وفا

دل کھنچا جاتا ہے خود ناوکِ دلدار کے پاس

اپنی دیوار گرائی بھی تو رستہ نہ کھلا

کوئی دیوار کھڑی تھی میری دیوار کے پاس

کون سی وہ زبان بولتا ہے

کون سی وہ زبان بولتا ہے

جیسے اک آسمان بولتا ہے

جسم میں کشتیاں سی تیرتی ہیں

روح میں بادبان بولتا ہے

مجھ کو لگتی ہے اپنی ہر آواز

جیسے خالی مکان بولتا ہے

نظام زر کا جو کہنہ طلسم توڑ گئے

منشور

نظامِ زر کا جو کہنہ طلسم توڑ گئے
وہ شاہراہ پہ نقشِ حیات چھوڑ گے
خراج لے کے رہیں گے اسی قیادت کا
ہمیں یقیں ہے کہ نوری سخر تو آئے گی
سراغ مل نہ سکے گا کہیں بھی ظلمت کا
یقین ہے نئی تحریک بن کے ابھرے گا