مختلف رنگوں سے دنیا ہم کو سمجھاتی رہی

 مختلف رنگوں سے دنیا ہم کو سمجھاتی رہی 

اپنی فطرت پھر بھی دیہاتی کی دیہاتی رہی

خالقا! وے خالقا! ہم تو تِرے شہکار تھے

لے تِری دنیا تِرے شہکار ٹُھکراتی رہی 

کون مومن، کون ملحد بارگاہِ عشق میں

مجلسیں پڑھتی تھی وہ اور میرے گُن گاتی رہی

عنقریب انسان ناپید ہو جائیں گے

 پرونیٹ

عنقریب انسان ناپید ہو جائیں گے

پُر امن زندگی، درندے بے فکر پھریں گے

پرندے اگر اڑے تو اپنی مرضی سے اڑیں گے

شیر ہرنیوں کو اپنے پیٹ پہ بیٹھا کر انسانی کہانیاں سنائیں گے

زمین کو اب امن دینے کی ٹھان لی جائے گی

کچھ ایسے درد ہماری جوانیوں میں بٹے

 کچھ ایسے درد ہماری جوانیوں میں بٹے

ہنسی کو زور سے ہنس دیں تو سسکیوں میں بٹے

اکٹھے بیٹھ کے ہم نے شراب نوشی کی

خدا سے ملنے گئے تو نمازیوں میں بٹے

دھماکے والے نے رنگوں کا فرق مار دیا

تمام جسم فقط لال کرچیوں میں بٹے

جو بھی عزت کے ڈر سے ڈر جائے

 جو بھی عزت کے ڈر سے، ڈر جائے

مت کرے عشق، اپنے گھر جائے

بات آ جائے جب دعاؤں پر

اس سے بہتر ہے بندہ مر جائے

تھوڑی سی اور دیر سامنے رہ

میری آنکھوں کا پیٹ بھر جائے

کچھ ایسے درد ہماری جوانیوں میں بٹے

 کچھ ایسے درد ہماری جوانیوں میں بٹے

ہنسی کو زور سے ہنس دیں تو سسکیوں میں بٹے

اکٹھے بیٹھ کے ہم نے شراب نوشی کی

خدا سے ملنے گئے تو نمازیوں میں بٹے

دھماکے والے نے رنگوں کا فرق مار دیا

تمام جسم فقط لال کرچیوں میں بٹے

دوستا ان دنوں میں بڑی بے سکونی میں ہوں

 بے سکونی

دوستا! ان دنوں میں بڑی بے سکونی میں ہوں

بے سکونی کا مت پوچھ کیا ہے؟ بلا ہے

بے سکونی کا چہرہ کبھی جاگتی آنکھوں میں دیکھنا

بے سکونی کا چہرہ کبھی ایسے افراد میں دیکھنا 

جن کو چپ لگ گئی

مرے ودود معافی ہمیں ندامت ہے

 قنوط

مرے ودود! معافی، ہمیں ندامت ہے

کہ خوش نہیں ہیں تِری کائنات میں آ کر

تِری زمیں سے ہم ایسے شکستہ دل ہوئے ہیں

کہ ہم پہ مذہبی پابندیاں نہ ہوتیں تو

ہم ایسے لوگ وصیت میں لکھ کے مر جاتے؛

ہمیں بزرگوں نے تلقین کی اپیل کے ساتھ

 ہمیں بزرگوں نے تلقین کی اپیل کے ساتھ

کہ ساتھ رہنا تو رہنا کسی اصیل کے ساتھ

دلوں میں خوف بٹھانا تو بدمعاشی ہے

دلوں میں بات بٹھاؤ کسی دلیل کے ساتھ

اب اس مقام پہ لا کر کھڑا کیا ہے اسے

وہ میرے ساتھ چلے گی یا عزرائیل کے ساتھ

پھر سے مدہوش ہوئے بہکے بڑے بین کیے

 پھر سے مدہوش ہوئے، بہکے، بڑے بَین کیے

وہ بہت ہنسے میاں ہم نے بڑے بین کیے

کل وہاں عشق کے ماروں کی عزاداری تھی

اور ہم نے بھی وہاں جا کے بڑے بین کیے

ایک وہ ایک کہ جو پھر سے اداکار بنا

ایک یہ لوگ کہ جو سمجھے، بڑے بین کیے

دوستا ان دنوں میں بڑی بے سکونی میں ہوں

 بے سکونی

دوستا! ان دنوں میں بڑی بے سکونی میں ہوں

بے سکونی کا مت پوچھ کیا ہے؟ بلا ہے

بے سکونی کا چہرہ کبھی جاگتی آنکھوں میں دیکھنا

بے سکونی کا چہرہ کبھی ایسے افراد میں دیکھنا 

جن کو چُپ لگ گئی

ہمارے دور کو برباد کر گئے افکار

 ہمارے دور کو برباد کر گئے افکار

یہ کون آئے کہ گھر گھر سے در گئے افکار

تمام لوگ بہت خوش ہیں اپنی مستی میں ہیں

میں کس سے بولوں مِرے لوگ مر گئے افکار

وہ مجھ پہ غور کرے گا تو مجھ سے پوچھے گا

کہ آدھے آدھے ہو، آدھے کدھر گئے افکار

میں باغی ہوں میں باغی ہوں سچ کہتا ہوں

 توشک میں اب نہ رہ ظالم 

میں باغی ہوں میں باغی ہوں، سچ کہتا ہوں 

میں کہتا ہوں

میں باغی ان جاگیروں کا 

ان ملا پنڈت پیروں کا 

جو جھوٹے فتوے دیتے ہیں مل کے ان امیروں سے

کس لیے میرے خیالات پہ دھرنے دینا

 کس لیے میرے خیالات پہ دھرنے دینا

شعر اترتا ہے تو پھر کیوں نہ اترنے دینا

مجھ کو دنیا میں گناہوں کی اجازت دے دے

جو یہاں کر لوں وہ جنت میں نہ کرنے دینا

یہ دلیری بڑے نقصان کیا کرتی ہے

بچے بچپن میں اگر ڈرتے ہوں، ڈرنے دینا

روح سے عشق کیا اور بدن چھوڑ دیا

روح سے عشق کیا، اور بدن چھوڑ دیا

میں نے انسان کا 'آبائی' وطن چھوڑ دیا

وہ مِرے ہاتھ میں تھا، کچھ بھی میں کر سکتا تھا

میری خواہش پہ ہوئی حاوی تھکن، چھوڑ دیا

اس نے یوں چھوڑ دی پائل کہ بہت بھاری ہے

اور پائل نے بھی اس دکھ میں چھنن چھوڑ دیا

سو دعا کرتا تھا مر جائے پریشان نہ ہو

تجربہ تھا، سو دعا کی تا کہ نقصان نہ ہو

عشق مزدور کو مزدوری کے دوران نہ ہو

میں اسے دیکھ نہ پاتا تھا "پریشانی" میں

سو دعا کرتا تھا، مر جائے، پریشان نہ ہو

گاؤں میں دور کی سِسکی بھی سنی جاتی ہے

سب پہنچتے ہیں، بھلے آنے کا اعلان نہ ہو

جو گہرے دوست ہیں میرے مجھے سمجھتے ہیں

کمینہ پن بھی دکھاؤں تو ہنسنے لگتے ہیں

جو گہرے دوست ہیں میرے مجھے سمجھتے ہیں

اسے معاف کِیا کہ وہ اُس کو چاہتا تھا

وگرنہ ہم جو حریفوں کا حال کرتے ہیں

بس ایک بار مجھے ماضی بھول جانے دے

وہ خود پہ آہیں بھریں گے جو کان بھرتے ہیں

جب آنکھیں دکھنے لگیں دیکھ کر دعا کی طرف

جب آنکھیں دُکھنے لگیں دیکھ کر دعا کی طرف

رجوع کرنے لگے لوگ پھر دوا کی طرف

ہمارا کام فقط دیکھنا ہے،۔ دیکھ رہے

خدا ہماری طرف، اور ہم خدا کی طرف

ذرا سے ہوش میں آتے ہی عشق سے بھاگے

کہ ہم نشے میں ہی آئے تھے اِس بلا کی طرف

تم ترانے کہو

تم ترانے کہو

میرے بچوں کے سینوں پہ تڑ تڑ ہوئی، بچے چیرے گئے

اسلحہ دشمنوں نے اٹھایا ہوا ہے

تم ایسا کرو موم بتی اٹھاؤ

کوئی گیت گاتے ہوئے ڈھولکی کی ڈھنگا ڈھنگ پہ چلتے رہو

اور خوشیاں مناؤ کہ یوں کر کے دشمن سے بدلہ لیا جا چکا ہے

اسے ہی ٹھیک سے آیا نہیں بلانا دوست

اسے ہی ٹھیک سے آیا نہیں بلانا دوست

وگرنہ، کون نہیں چاہتا پرانا دوست؟

بس ایک لمحہ اسے میرے ساتھ دیکھا گیا

اور، اس کے بعد مِرا ہو گیا زمانہ دوست

میں عشق یافتہ لڑکا ہوں خوب جانتا ہوں

کسی کا آنا یا جانا، یا آنا جانا دوست

تو میرے ضبط سے ڈر تو نہیں گیا مرے دوست

تُو میرے ضبط سے ڈر تو نہیں گیا مِرے دوست

کہ آج ٹھیک سے لڑ بھی نہیں سکا مرے دوست

تُو آج کون سے دکھ میں ہے، کیا ہوا ہے تجھے؟

میں رو رہا ہوں تُو ہنس بھی نہیں رہا مرے دوست

وہ مجھ سے پوچھ رہا تھا "مری محبت" کا

"سو میں نے بات بدل کر کہا "سنا مرے دوست