جو تذکرہ نہ محبت کا چار سُو کرتے
ذرا سی دیر تو ہم سے وہ گفتگو کرتے
کچھ اور ہوتے جو امکاں حیات کے روشن
بڑی خوشی سے تمنائے رنگ و بُو کرتے
صِلہ ملا نہ وفا کا جب آج تک ہم کو
تو اور کیا تِری دنیا میں آرزو کرتے
حلاوتِ غمِ ہستی نشے میں کیا کم تھی
جو میکدے میں طلب ساغر و سبُو کرتے
دلِ خراب سے ہم خود ہی مطمئن کب تھے
کس اعتماد پہ آئینہ رو برو کرتے
غمِ حیات سے فُرصت کلیم اگر ہوتی
تو ہم بھی طُور پہ تکمیلِ آرزو کرتے
کلیم سرونجی
No comments:
Post a Comment