وقت کی قید نہیں زُلف کے سُلجھانے میں
رنگ بھرتی ہے چلی جاتی ہوں افسانے میں
میں وہ مے کش ہوں سرشام ہی میخانے میں
غموں کو گھول کے پی جاتی ہوں پیمانے میں
آزمانا ہے تو پھر شمع کو جلا کے دیکھو
موت کا خوف نہیں ہوتا ہے پروانے میں
میں چلی سوئے حرم جان کا نذرانہ لیے
جس کو مرنا ہے وہ مر جائے صنم خانے میں
اس کے انداز تکلم کو برا کیوں مانیں
عقل ہوتی ہی کہاں ہے کسی دیوانے میں
تُو نے مٹی کا کھلونہ تو دیا ہے لیکن
وقت تو لگتا ہے بچے کے بہل جانے میں
آؤ جی بھر کے اسے آنکھوں میں بسا لیں ناچیز
دیر لگتی ہی نہیں خوابوں کے ٹُوٹ جانے میں
حرا حمید
No comments:
Post a Comment