مِری نگاہ میں جاہل ہیں آپ کیا جانیں
سمجھتے خود کو جو فاضل ہیں آپ کیا جانیں
یہ وار کرتے ہیں لیکن دلوں پہ کرتے ہیں
یہ حُسن والے بھی قاتل ہیں آپ کیا جانیں
کِھلا رہے ہیں جو کھانا یہاں فقیروں کو
وہ لوگ پیار کے قابل ہیں آپ کیا جانیں
جو آپ کہتے ہیں وہ بات ہے غلط ناصح
کہ میرے پاس دلائل ہیں آپ کیا جانیں
جو بولتے تھے تھے کبھی، ان کے لب پہ تالا ہے
کہ ان کے اپنے مسائل ہیں آپ کیا جانیں
عدالتیں ہی انہیں کرتی ہیں بری شبنم
جو لوگ جُرم میں شامل ہیں آپ کیا جانیں
شبنم بھٹکلی
حنیف شاہ
No comments:
Post a Comment