زمین دل پہ محبت کی حمد جاری تھی

 بہت ملال تھا لہجے میں سوگواری تھی

زمینِ دل پہ محبت کی حمد جاری تھی

بدل گیا تھا معانی وہ رنجشوں کے سبھی

بلا کا ضبط تھا اس میں اور اِنکساری تھی

خدائے عالی و برتر سے مانگ رکھی تھی

وہ حاجتیں کہ زمانے سے رازداری تھی

تمام رات پہن کر لباسِ غم میں نے

تمام رات تِرے ہجر میں گُزاری تھی

جدید دور کے اپنے کئی تقاضے ہیں

گئے دِنوں میں تو جذبوں کی پاسداری تھی

مہر حسین نقوی