واجب الاحترام ہوتے ہیں
چند ایسے بھی نام ہوتے ہیں
دوستوں کی زبان چلتی ہے
دشمنوں سے کلام ہوتے ہیں
اک ریاست کا نام لو جس میں
چور، عالی مقام ہوتے ہیں
ظالموں کے حصول اور حاصل
در حقیقت حرام ہوتے ہیں
غافلوں سے بھری ریاست میں
غاصبوں کی نظام ہوتے ہیں
نیند کس کے حساب تولیں گے
خواب کتنے گرام ہوتے ہیں
شاعری میں لطیف جذبوں کے
ناز، نخرے، خرام ہوتے ہیں
چور، ڈاکو خواص میں شامل
عام سارے، عوام ہوتے ہیں
ہر کہانی، فریب تھا احمد
سب تماشے تمام ہوتے ہیں
احمد ریاض
No comments:
Post a Comment