آگ گھی سے بُجھانا مُناسب نہیں
دل جلوں کو جلانا مناسب نہیں
مجھ پہ سارا زمانہ ہنسے تو ہنسے
پر تیرا مُسکرانا مناسب نہیں
جاں لُٹانا مناسب ہے پر عشق میں
آبرُو کو گنوانا مناسب نہیں
آخری وقت ہے تیرے بیمار کا
تیرا اب بھی نہ آنا مناسب نہیں
شوق سے دیکھیے ہر حسِیں پھُول کو
ہاتھ لیکن لگانا مناسب نہیں
مُجھ کو دل سے پُکارا ہے اس نے مہک
اب کوئی بھی بہانا مناسب نہیں
مہک کیرانوی
No comments:
Post a Comment