لہو میں ڈوب کے تلوار میرے گھر پہنچی

 لہو میں ڈوب کے تلوار میرے گھر پہنچی

وہ سر بلند ہوں دستار میرے گھر پہنچی

پہاڑ کھودا تو جز پتھروں کے کچھ نہ ملا

مِرے پسینے کی مہکار میرے گھر پہنچی

شجر نے تند ہواؤں سے دوستی کر لی

شکستہ پتوں کی بوچھار میرے گھر پہنچی 

تم اپنے بچوں کو آدمیت کے خوں سے رنگیں نصاب دو گے

تم اپنے بچوں کو آدمیت کے خوں سے رنگیں نصاب دو گے
تو آنے والے عظیم کل کے حضور میں کیا حساب دو گے
کبھی تو اندھی عقیدتوں کے حصار مسمار کر کے دیکھو
بتاؤ، صبحِ وطن کو کب تک گہن زدہ آفتاب دو گے
ہم اپنے کچے مکاں کی تاریکیوں میں دم گھٹ کے مر نہ جائیں
نفس نفس اب وبالِ جاں ہے گھٹن کا کب تک عذاب دو گے

جو لوگ اپنے حق کے طلب گار بن گئے

جو لوگ اپنے حق کے طلبگار بن گئے
اہلِ ستم کی راہ میں دیوار بن گئے
صد شکر اپنے دل کو تِرا غم ہوا نصیب
ہم تجھ سے مل کے صاحبِ کردار بن گئے
جب سیلِ درد دل میں ہوا موجزن تو ہم
اظہارِ درد کے لیے فن کار بن گئے

آندھی چلی تو گرد سے ہر چیز اٹ گئی

آندھی چلی تو گرد سے ہر چیز اَٹ گئی

دیوار سے لگی تِری تصویر پھٹ گئی

لمحوں کی تیز دوڑ میں، میں بھی شریک تھا

میں تھک کے رک گیا تو مِری عمر گھٹ گئی

اس زندگی کی جنگ میں ہر اک محاذ پر

میرے مقابلے میں مِری ذات ڈٹ گئی

موسم گل کے لیے بار گراں چھوڑ گئی

موسمِ گل کے لیے بارِ گراں چھوڑ گئی

زرد پتے جو گلستاں میں خزاں چھوڑ گئی

مجھ کو تنہائی کے احساس سے ڈر لگتا ہے

تُو مجھے عمرِ رواں جانے کہاں چھوڑ گئی

تِرا احسان ہے اے فصلِ بہاراں! مجھ پر

جاتے جاتے مِرے ہونٹوں پہ فغاں چھوڑ گئی

میں کوئی حرف غلط ہوں کہ مٹایا جاؤں

میں کوئی حرفِ غلط ہوں کہ مٹایا جاؤں

جب بھی آؤں تِری محفل سے اٹھایا جاؤں

ایک ٹوٹا ہوا پتہ ہوں،۔ ٹھکانہ معلوم

جانے کب تک میں فضاؤں میں اڑایا جاؤں

میری تخلیق کا مقصود یہی ہے شاید

آسمانوں سے زمینوں پہ گرایا جاؤں

ہر ایک قدم پہ زخم نئے کھائے کس طرح

ہر ایک قدم پہ زخم نئے کھائے کس طرح

رِندوں کی انجمن میں کوئی جائے کس طرح

صحرا کی وسعتوں میں رہا عمر بھر جو گم

صحرا کی وحشتوں سے وہ گھبرائے کس طرح

جس نے بھی تجھ کو چاہا، دیا اس کو تُو نے غم

دنیا ! تِرے فریب کوئی کھائے کس طرح

یہاں وہاں کہیں آسودگی نہیں ملتی

یہاں وہاں کہیں آسودگی نہیں ملتی

کلوں کے شہر میں بھی نوکری نہیں ملتی

جو سوت کاتنے میں رات بھر رہی مصروف

اسی کو سر کے لیے اوڑھنی نہیں ملتی

رہِ حیات میں کیا ہو گیا درختوں کو

شجر شجر کوئی ٹہنی ہری نہیں ملتی

لفظوں میں ڈھال ڈھال کے میں حادثات کو

لفظوں میں ڈھال ڈھال کے میں حادثات کو

ترتیب دے رہا ہوں کتابِ حیات کو

میرا خلوص پاؤں کی زنجیر بن گیا

میرے بدن میں دفن کرو میری ذات کو

ہر آدمی کا نامۂ اعمال ہے سیاہ

کس کے حضور پیش کروں کاغذات کو

خزاں رہی نہ کبھی موسم بہار رہا

خزاں رہی نہ کبھی موسم بہار رہا

چمن تو گردشِ حالات کا شکار رہا

عجیب رنگ ہے اب کے برس بہاروں کا

نہ گل کھلے نہ کوئی نخلِ سایہ دار رہا

عجیب بات ہے ہم نے کسی سے کچھ نہ کہا

ہجومِ غم میں ہمیں دل پہ اختیار رہا

مکینوں کے لیے اک بوجھ لشکر چھوڑ جاتے ہیں

مکینوں کے لیے اک بوجھ لشکر چھوڑ جاتے ہیں

گرا دیتے ہیں دیواریں، تو پتھر چھوڑ جاتے ہیں

یہ کمسن پھول سے چہرے زمیں کی گود میں سو کر

گھروں میں گھومتے سایوں کے پیکر چھوڑ جاتے ہیں

سُبک رفتار لمحے پھر کبھی واپس نہیں آتے

یہ اَن تھک راہرو، انساں کو اکثر چھوڑ جاتے ہیں

جمود ذہن پہ طاری تھا انقلاب نہ تھا

عارفانہ کلام منقبت سلام مرثیہ

جمود ذہن پہ طاری تھا انقلاب نہ تھا

سکونِ قلب کہیں سے بھی دستیاب نہ تھا

حصارِ ظلم کی بنیاد کو اکھاڑ دیا

جہاں میں تجھ سا کوئی بھی تو فتح یاب نہ تھا

کچھ اس لیے بھی تِرے نام کے ہوئے دشمن

تو وہ سوال تھا جس کا کوئی جواب نہ تھا

حق بات عدالت میں روا ہی نہیں ہوتی

حق بات عدالت میں روا ہی نہیں ہوتی
ماں کے لیے بیٹوں کی گواہی نہیں ہوتی
اس شہر کے لوگوں سے اماں مانگ رہا ہوں
جس شہر میں قاتل کو سزا ہی نہیں ہوتی
یہ کہہ کے زمیں زادیاں گھر سے نکل آئیں
اشراف کے سر پر تو رِدا ہی نہیں ہوتی

دو چار سبز برگ جو سارے شجر میں ہیں

دو چار سبز برگ جو سارے شجر میں ہیں
ہو خیر ٹہنیوں کی، ہوا کی نظر میں ہیں
ہر اک قبا سے تمغۂ ہجرت اتار دو
ہم لوگ بھائی بھائی ہیں اور اپنے گھر میں ہیں
تیغِ ستم پہ خون سے تحریر ہو گئیں
وہ جرأتیں نہاں جو بدن کی سِپر میں ہیں

ایک تصویر نظر آتی ہے شہ پاروں میں

ایک تصویر نظر آتی ہے شہ پاروں میں
مشترک سوچ ہے اس عہد کے فن کاروں میں
لوگ جنگل کی ہواؤں سے ہیں اتنے خائف
کوئی روزن ہی نہیں گاؤں کی دیواروں میں
جس کی پیشانی پہ تحریر تھا محنت کا نصاب
سرِفہرست وہی شخص ہے بے کاروں میں

ملبوس جب ہوا نے بدن سے چرا لئے

ملبوس جب ہوا نے بدن سے چرا لیے
دوشیزگانِ صبح نے چہرے چھپا لیے
ہم نے تو اپنے جسم پر زخموں کے آئینے
ہر حادثے کی یاد سمجھ کر سجا لیے
میزانِ عدل تیرا جھکاؤ ہے جس طرف
اِس سمت سے دلوں نے بڑے زخم کھا لیے

مسافروں میں ابھی تلخیاں پرانی ہیں

مسافروں میں ابھی تلخیاں پرانی ہیں
سفر نیا ہے، مگر کشتیاں پرانی ہیں
یہ کہہ کے اس نے شجر کو تنے سے کاٹ دیا
کہ اس درخت میں کچھ ٹہنیاں پرانی ہیں
ہم اس لیے بھی نئے ہمسفر تلاش کریں
ہمارے ہاتھ میں بیساکھیاں پرانی ہیں