اپنی من مانی کرنی ہے سننا وننا کچھ بھی نہیں

 مہمل الفاظ پر مشتمل غزل

اپنی من مانی کرنی ہے، سُننا وُننا کچھ بھی نہیں

باتیں واتیں عشق وِشق کی ہوتا ووتا کچھ بھی نہیں

فلم ولم سے سیکھے سپنے، ماتم واتم رنج و الم

ساری اداکاری ہے پیارے، ہوتا ووتا کچھ بھی نہیں

واویلا کرنے کو لوگو! کوئی بہانہ ہونا تھا

پاس واس ہے اپنے کیا؟ سو کھونا وونا کچھ بھی نہیں

کام دے نہیں سکتیں منبروں سے تقریریں

 کام دے نہیں سکتیں منبروں سے تقریریں

درد اہلِ مشرق کا،۔ مغربی ہیں تدبیریں

بے ثبات بُنیادیں،۔ بے یقین تعمیریں

نقش سارے فریادی، کاغذی ہیں تصویریں

کاش ہم سمجھ سکتے، کام دے نہیں سکتیں

عِلم و فن کی دُنیا میں زنگ خُوردہ شمشِیریں

وہ یہ کہہ رہے ہیں ہم سے نئی محفلیں سجاؤ

 وہ یہ کہہ رہے ہیں ہم سے، نئی محفلیں سجاؤ

انہیں ‌کیا خبر؟ ہیں تازہ مرے درد کے الاؤ

مِرا دل اٹھا سکے گا نہ امید کی کِرن بھی

مِری شامِ غم میں لوگو! نہ چراغ تم جلاؤ

مِرے حال پر رفیقو! نہ دوا کی فکر کیجو

مجھے وحشتِ جنوں ہے، کوئی سنگ آزماؤ

وہ حوروں کی دنیا کی اک شاہزادی وہ پھولوں کی ملکہ

وہ حوروں کی دنیا کی اک شاہزادی، وہ پھولوں کی ملکہ، ستاروں کی رانی

وہ اک حُسنِ سادہ، وہ اک کیفِ رنگیں، وہ جاتا لڑکپن، وہ آتی جوانی

نہ آنکھوں میں‌ کاجل، نہ بالوں میں افشاں، نہ ہونٹوں پہ سرخی، نہ گالوں پہ لالی

ابھی اُس نے سیکھا نہ تھا دل لگانا، ابھی اُس کو آتی نہ تھی دل ستانی

وہ مخمور نظریں ہراساں ہراساں، وہ معصوم چہرہ چراغاں چراغاں

لبوں کا تبسم گُلستاں گُلستاں، وہ رنگین آنچل کہ ہے دھانی دھانی