غبار احساسِ پیش و پس کی اگر یہ باریک تہہ ہٹائیں

 غبارِ احساسِ پیش و پس کی اگر یہ باریک تہہ ہٹائیں

تو ایک پل میں نہ جانے کتنے زمانوں کے عکس تھر تھرائیں

خزاں اگر اپنا خوں نہ بخشے تو فصلِ گل کیسے سرخرو ہو

سکوت اپنا جگر نہ چیرے تو کیسے جھنکار دیں صدائیں 

بکھر چلے ہیں بکھر چکے ہیں گلِ عبارت کے برگ ریزے

کتابِ جاں کی شہادتوں کا ورق ورق لے گئیں ہوائیں

اس جلوہ گاہ میں ہے اسی ایک کا ظہور

 عارفانہ کلام نعتیہ کلام

حدیثِ نور 

اس جلوہ گاہ میں ہے اسی ایک کا ظہور

٭اللہ آسمان کا ہے اور زمیں کا نور٭

اس کی مثال کہ ہے جیسے ایک طاق

روشن ہے اس میں ایک چراغ ابد رواق

خود وہ چراغ جیسے قندیل میں نہاں

قندیل اک ستارہ موتی سا ضوفشاں

ہر شخص اس ہجوم میں تنہا دکھائی دے

 ہر شخص اس ہجوم میں تنہا دکھائی دے 

دنیا بھی اک عجیب تماشا دکھائی دے 

اک عمر قطع وادیٔ شب میں گزر گئی 

اب تو کہیں سحر کا اجالا دکھائی دے 

اے موجۂ سرابِ تمنا!! ستم نہ کر 

صحرا ہی سامنے ہے تو صحرا دکھائی دے 

کبھی ایسا تموج تم نے دیکھا ہے

 کبھی ایسا تموّج تم نے دیکھا ہے

کبھی ایسا تموج تم نے دیکھا ہے

کبھی جذبات کا ایسا تموج تم نے دیکھا ہے

کہ سینے میں بھنور پڑتے ہوں تشنہ آرزوؤں کے

مگر ان کو میان موج رستہ بھی نہ ملتا ہو

کنارے تک رسائی کا اشارہ بھی نہ ملتا ہو

خفا نہ ہو کہ ترا حسن ہی کچھ ایسا تھا

 خفا نہ ہو کہ ترا حسن ہی کچھ ایسا تھا

میں تجھ سے پیار نہ کرتا تو اور کیا کرتا

ٹھہر کے سن تو سہی غم کی ڈوبتی آواز

پلٹ کے دیکھ تو لے، منظرِ شکستِ وفا

تو خواب تھا مجھے نیند سے جگایا کیوں

تو وہم تھا تو مرے ساتھ ساتھ کیوں نہ چلا

کچھ تو غم خانۂ ہستی میں اجالا ہوتا

 کچھ تو غم خانۂ ہستی میں اجالا ہوتا

چاند چمکا ہے تو احساس بھی چمکا ہوتا

آئینہ خانۂ عالم میں کھڑا سوچتا ہوں

میں نہ ہوتا تو یہاں کون سا چہرہ ہوتا

خود بھی گم ہو گئے ہم اپنی صداؤں کی طرح

دشت فرقت میں تجھے یوں نہ پکارا ہوتا

اب اور چلنے کا اس دل میں حوصلہ ہی نہ تھا

 اب اور چلنے کا اس دل میں حوصلہ ہی نہ تھا

کہ شہرِ شب میں اجالے کا شائبہ ہی نہ تھا

میں اس گلی میں گیا لے کے زعمِ رسوائی

مگر مجھے تو وہاں کوئی جانتا ہی نہ تھا

گدازِ جاں سے لیا میں نے پھر غزل کا سراغ

کہ یہ چراغ تو جیسے کبھی بجھا ہی نہ تھا

مجھے تو یہ بھی فریب حواس لگتا ہے

 مجھے تو یہ بھی فریبِ حواس لگتا ہے

وگرنہ کون اندھیروں میں ساتھ چلتا ہے

بکھر چکی جرسِ کاروانِ گل کی صدا

اب اس کے بعد تو واماندگی کا وقفہ ہے

جو سوچیے تو سبھی کارواں میں شامل ہیں 

جو دیکھیے تو سفر میں ہر ایک تنہا ہے

بجھی ہے آتش رنگ بہار آہستہ آہستہ

بجھی ہے آتشِ رنگِ بہار، آہستہ آہستہ

گِرے ہیں شعلۂ گل سے شرار، آہستہ آہستہ

وہ اک قطرہ کہ برگِ دل پہ شبنم سا لرزتا تھا

ہوا ہے بحر ناپیدا کنار، آہستہ آہستہ

کبھی شورِ قیامت گوشِ انساں تک بھی پہنچے گا

کوئی سیارہ بدلے گا مدار، آہستہ آہستہ

ایک سمندر ایک کنارہ ایک ستارہ کافی ہے

ایک سمندر، ایک کنارہ، ایک ستارہ، کافی ہے

اس منظر میں اسکے علاوہ کوئ اکیلا کافی ہے

دینے والا جھولیاں بھر بھر دیتا ہے تو اسکا کرم

لینے والے کب کہتے ہیں، داتا اتنا کافی ہے

ایک غلط انداز نظر سے گلشن گلشن داغ جلیں 

شبنم شبنم رلوانے کو ایک ہی جملہ کافی ہے

اپنی صدا کی گونج ہی تجھ کو ڈرا نہ دے

اپنی صدا کی گونج ہی تجھ کو ڈرا نہ دے

اے دل! طلسمِ گنبدِ شب میں صدا نہ دے

دیوار خستگی ہوں، مجھے ہاتھ مت لگا

میں گر پڑوں گا دیکھ مجھے آسرا نہ دے

ہم سب اسیرِ دشتِ ہویدا ہیں دوستو

ہم میں کوئی کسی کو کسی کا پتا نہ دے

اب کیا کہیں کیا مشغلہ ہم دل زدہ لوگوں کا ہے

اب کیا کہیں کیا مشغلہ ہم دل زدہ لوگوں کا ہے

آوارگی شاموں کی ہے اور جاگنا راتوں کا ہے

دہشت سی کچھ رستوں میں ہے، کچھ شور سا پتوں کا ہے

اک سرسراتا سا وہم ۔۔۔ شام کے لمحوں کا ہے

وعدوں کی رُت رخصت ہوئی، باتوں کو چپ سی لگ گئی

ملنا تو اب خوابوں میں ہے ۔۔۔ رشتہ تو بس یادوں کا ہے

مرے عزیزو تمام دکھ ہے

مِرے عزیزو تمام دکھ ہے
مجھے محبت سے تکنے والو
مجھے عقيدت سے سننے والو
مِرے شکستہ حروف سے اپنے من کی دنيا بسانے والو
مِرے الم آفريں تکلم سے انبساطِ تمام کی لازوال شمعيں جلانے والو
بدن کو تحليل کرنے والی رياضتوں پرعبور پائے ہوئے، سکھوں کو تَجے ہوئے بے مثال لوگو
حيات کی رمزِ آخريں کو سمجھنے والو، عزيز بچو، ميں بجھ رہا ہوں

کچھ تو احوال غم دل بھی سنایا ہوتا

کچھ تو احوالِ غمِ دل بھی سنایا ہوتا

رک گیا تھا تو اسے اور بھی روکا ہوتا

شام اتری ہے سرِ عرصۂ صحرائے خیال

منظرِ دل سے کوئی چاند بھی ابھرا ہوتا

کسی پتے سے ہی ملتا کوئی عنوانِ بہار

پھول کوئی تو سرِ شاخ بھی مہکا ہوتا

شدت تلخیٔ حالات بڑھا دیتی ہے

شدتِ تلخیٔ حالات بڑھا دیتی ہے

آگہی درد کے شعلوں کو ہوا دیتی ہے

کس کی آہٹ پہ فضا کان دھرے بیٹھی ہے

خامشی کس کو سرِ شام صدا دیتی ہے

نکہتِ گیسوئے دلدار کہاں بکھری ہے

پوچھتا ہوں تو ہوا خاک اڑا دیتی ہے

لرز لرز کے دل ناتواں ٹھہر ہی نہ جائے

لرز لرز کے دلِ ناتواں ٹھہر ہی نہ جائے

فراقِ ساز، کہیں روحِ نغمہ مر ہی نہ جائے

اتار لے کسی شیشے میں ساعتِ نغمہ

صدائے قافلۂ گل کہیں بکھر ہی نہ جائے

سنا بھی دے کدی گل کو فسونِ تنہائی

رہِ خیال سے یہ کارواں گزر ہی نہ جائے

درس آداب جنوں یاد دلانے والے

درس آداب جنوں یاد دلانے والے

آ گئے پھر مِری زنجیر ہلانے والے

کس طرح کھوئے گئے عکسِ رواں کی صورت

شہرِ حیراں میں تِرا کھوج لگانے والے

خمِ محراب پہ صدیوں کی سیہ گرد بھی دیکھ

طاقِ ویراں میں لہو اپنا جلانے والے

شکستہ پا ہیں مگر پھر بھی چلتے جاتے ہیں

شکستہ پا ہیں مگر پھر بھی چلتے جاتے ہیں

یہ کون لوگ ہیں، گر کر سنبھلتے جاتے ہیں

عجب نہیں کہ نظامِ جہاں بدل جائے

خیال و حرف کے رشتے بدلتے جاتے ہیں

کوئی بچا نہیں پاتا ہے اپنی ہستی کو

سبھی اسی کی تمنا میں ڈھلتے جاتے ہیں

میں نے روکا بھی نہیں اور وہ ٹھہرا بھی نہیں

میں نے روکا بھی نہیں اور وہ ٹھہرا بھی نہیں
حادثہ کیا تھا جسے دل نے بھلایا بھی نہیں
جانے والوں کو کہاں روک سکا ہے کوئی
تم چلے ہو تو کوئی روکنے والا بھی نہیں
دور و نزدیک سے اٹھتا نہیں شورِ زنجیر
اور صحرا میں کوئی نقشِ کفِ پا بھی نہیں