لوگ ہم سے روز کہتے ہیں یہ عادت چھوڑئیے

 زعفرانی کلام

لوگ ہم سے روز کہتے ہیں یہ عادت چھوڑئیے

یہ تجارت ہے خلافِ آدمیت، چھوڑئیے

اس سے بد تر لت نہیں ہے کوئی یہ لت چھوڑئیے

روز اخباروں میں چھپتا ہے کہ رشوت چھوڑئیے

کس کو سمجھائیں، اسے کھو دیں تو پھر پائیں گے کیا

ہم اگر رشوت نہیں لیں گے تو پھر کھائیں گے کیا

جس وقت اک گروہ شریر و جفا شعار

 عارفانہ کلام حمد نعت منقبت

جس وقت اک گروہِ شریر و جفا شعار

جباّر و قہر بار و ستم گار و ہرزہ کار

خود بین و خود فریب و خود آرا و خود شمار

باطل نواز و خانہ بر انداز و حق شکار

دامانِ صلح و جَیبِ اماں پھاڑنے لگے

ہر بام پر جُنوں کے علَم گاڑنے لگے

اے محمد اے سوار توسن وقت رواں

 عارفانہ کلام حمد نعت منقبت

اے محمدﷺ، اے سوارِ توسنِ وقتِ رواں

اے محمدﷺ، اے طبیبِ فطرت و نباضِ جاں

اے محمدﷺ، اے فقیہِ نفس و نقادِ جہاں

موت کو تُو نے وہ بخشی آب و تابِ جاوداں

زندگانی کے پجاری موت پر مرنے لگے

لوگ پیغامِ اجل کی آرزو کرنے لگے

ہاں اے حسین تشنہ و رنجور السلام

 عارفانہ کلام حمد نعت منقبت سلام

ہاں اے حسینِؑ تشنہ و رنجُور، السّلام

اے مہمانِ عرصۂ بے نُور، السّلام

اے شمعِ حلقۂ شبِ عاشُور، السّلام

اے سینۂ حیات کے ناسُور، السّلام

اے ساحلِ فُرات کے پیاسے تِرے نثار

اے آخری نبیؐ کے نواسے تِرے نثار

اے کہ ترے جلال سے ہل گئی بزم کافری

 عارفانہ کلام حمد نعت منقبت

شمعِ ہدایت​

​

اے کہ تِرے جلال سے ہِل گئی بزمِ کافری​

رعشۂ خوف بن گیا رقصِ بُتانِ آذرِی​

خُشک عرب کی ریگ سے لہر اُٹھی، نیاز کی​

قُلزمِ نازِ حُسن میں، اُف ری تِری شناوری​

اے کہ تِرا غُبارِ راہ، تابشِ رُوئے ماہتاب​

اے کہ تِرا نشان پا، نازِشِ مہرِ خاوری

تو نے حسین دہر کو ششدر بنا دیا

 عارفانہ کلام حمد نعت منقبت سلام

تُو نے حُسینؑ دہر کو ششدر بنا دیا​

طوفاں کو ناؤ، سیل کو لنگر بنا دیا​

ان تلخیوں کو قند بنایا جو زہر تھیں​

پھر مُسکرا کے قندِ مُکرر بنا دیا​

مولا حبیب ابنِ مظاہر کے شیب کو​

تُو نے شبابِ قاسمؑ و اکبرؑ بنا دیا

حسین ابن علی دنیا کو حیراں کر دیا تو نے

 عارفانہ کلام حمد نعت منقبت سلام

حسینؑ ابنِ علیؑ دنیا کو حیراں کر دیا تُوؑ نے​

سرابِ تشنگی کو آبِ حیواں کر دیا تو نے​

نظر ڈالی تو ذروں کو جواہر میں بدل ڈالا​

قدم رکھا تو شعلوں کو گُلستاں کر دیا تو نے​

تِریؑ کشتئ جاں کو غرق کرنے جب بڑھا طوفاں​

تو خود طوفاں کو غرقِ کشتئ جاں کر دیا تو نے

وہ رات جب امام کی گونجی تھی یہ صدا

 عارفانہ کلام حمد نعت منقبت سلام

وہ رات جب امام کی گونجی تھی یہ صدا

اے دوستانِ صادق و یارانِ با صفا

باقی نہیں رہا ہے کوئی اور مرحلہ

اب سامنا ہے موت کا اور صرف موت کا

آنے ہی پر بلائیں ہیں اب تحت و فوق سے

جانا جو چاہتا ہے، چلا جائے شوق سے

جوش ملیح آبادی (شخصی و علمی تعارف و حالات زندگی)

 جوش ملیح آبادی

جوش ملیح آبادی 5 دسمبر 1898 کو متحدہ ہندوستان کے مردم خیز خطے ملیح آباد، لکھنؤ کے محلہ مرزا گنج کے ایک علمی اور متمول آفریدی گھرانے میں پیدا ہوئے۔ آپ کا اصل نام شبیر احمد خاں تھا، جسے بعد میں بدل کر شبیر حسن خاں کر لیا گیا، جوش ملیح آبادی آپ کا قلمی نام ہے۔ جوش صاحب نے تقسیم ہند کے بعد بھارت سے ہجرت کر کے 1958 میں کراچی میں مستقل سکونت اختیار کر لی۔ جوش صاحب آخری عمر میں کراچی سے اسلام آباد منتقل ہو گئے تھے، جہاں غزل، نظم، نعت اور مرثیہ نگاری کے اس شہنشاہ نے 22 فروری 1982 کو اس جہانِ فانی کو الوداع کہا، آپ کو اسلام آباد میں ہی سپردِ خاک کیا گیا۔

اے مسلمانو مبارک ہو نویدِ فتح یاب

 عارفانہ کلام حمد نعت منقبت

اے مسلمانو! مبارک ہو نویدِ فتح یاب

لو وہ نازل ہو رہی ہے چرخ سے اُم الکتاب

وہ اُٹھے تاریکیوں کے بامِ گردُوں سے حجاب

وہ عرب کے مطلعِ روشن سے اُبھرا آفتاب

گُم ضیائے صُبح میں ‌شب کا اندھیرا ہو گیا

وہ کلی چٹکی، کِرن پُھوٹی، سویرا ہو گیا

تو اگر سیر کو نکلے تو اجالا ہو جائے

 تُو اگر سیر کو نکلے تو اُجالا ہو جائے

سُرمئ شال کا ڈالے ہوئے ماتھے پہ سِرا

بال کھولے ہوئے، صندل کا لگائے ٹیکا

یوں جو ہنستی ہوئی تُو صبح کو آ جائے ذرا

باغِ کشمیر کے پھولوں کو اچنبھا ہو جائے

 تُو اگر سیر کو نکلے تو اُجالا ہو جائے

لے کے انگڑائی جو تُو گھاٹ پہ بدلے پہلو

روح شاعر آج پھر ہے وجد میں آئی ہوئی

 جامن والیاں

روحِ شاعر آج پھر ہے وجد میں آئی ہوئی

آم کے باغوں پہ ہے کالی گھٹا چھائی ہوئی

مست بھنورا گونجتا پھرتا ہے کوہ و دشت پر

روح پھرتی ہے کسی وحشی کی گھبرائی ہوئی

خارِ صحرا فیضِ ابر و باد سے نکھرے ہوئے

خاکِ گلشن موجِ ابر و بُو سے اترائی ہوئی

گداز دل سے باطن کا تجلی زار ہو جانا

 گدازِ دل سے باطن کا تجلی زار ہو جانا

محبت اصل میں ہے روح کا بیدار ہو جانا

نویدِ عیش سے اے دل ذرا ہُشیار ہو جانا

کسی تازہ مصیبت کے لیے تیار ہو جانا

وہ ان کے دل میں شوقِ خود نمائی کا خیال آنا

وہ ہر شے کا تبسم کے لیے تیار ہو جانا

مجھ سے ساقی نے کہی رات کو کیا بات اے جوش

مجھ سے ساقی نے کہی رات کو کیا بات اے جوش

یعنی اضداد ہیں پروردۂ یک ذات اے جوش

مست و بے گانہ گزر جا کرۂ خاکی سے

یہ تو ہے رہگزرِ سیلِ خیالات اے جوش

اور تو اور، خود انسان بہا جاتا ہے

کتنا پر ہول ہے طوفانِ روایات اے جوش

گل ہو گیا زمین پہ اوہام کا چراغ

 منقبت بر مولائے کائنات علی کرم اللہ وجہہ

گُل ہو گیا زمین پہ اوہام کا چراغ

تشکیک سے یقین کو حاصل ہوا فراغ

جھوما نسیمِ عقل سے نوعِ بشر کا باغ

اترا دماغ دل میں تو دل بن گیا دماغ

اوجِ خِرد پہ صبح کی سرخی عیاں ہوئی

یہ آئے تو حریمِ نظر میں اذاں ہوئی

آ کہ پھر آج ہم آہنگ ہوئی ہے لب جو

 آ کہ پھر آج ہم آہنگ ہوئی ہے لبِ جُو

نے کی لے، چاند کی تنویر، صبا کی خوشبو

منعقد پھر سے کروں محفلِ جمشید و قباد

دو گھڑی صدر نشینی پہ جو آمادہ ہو تُو

وقتِ کُن جو دلِ یزداں میں ہوا تھا غلطاں

میرے دل میں بھی وہی آ کے جگا دے جادو

وفا کے پیمان سب بھلا کر

 عارفانہ کلام منقبت سلام مرثیہ

خدا کے قاتل 

وفا کے پیمان سب بھلا کر 

جفائیں کرتے وفا کے قاتل 

رسولؐ حق کے جو امتی ہیں 

وہی ہیں آل عبا کے قاتل 

یہ اس کی اپنی ہی مصلحت ہے 

وہ جسم رکھتا نہیں ہے، ورنہ 

کیوں ہند کا زنداں کانپ رہا ہے گونج رہی ہیں تکبیریں

کیوں ہند کا زنداں کانپ رہا ہے، گونج رہی ہیں تکبیریں

اکتائے ہیں شاید کچھ قیدی، اور توڑ رہے ہیں زنجیریں

بھوکوں کی نظر میں بجلی ہے توپوں کے دہانے ٹھنڈے ہیں

تقدیر کے لب کو جنبش ہے،۔ دم توڑ رہی ہیں تدبیریں

آنکھوں میں گدا کی سرخی ہے بے نور ہے چہرہ سلطاں کا

تخریب نے پرچم کھولا ہے، سجدے میں پڑی ہیں تدبیریں

گریہ مسرت

گریۂ مسرت

نازنین و عفیف اک بیوی

یادِ شوہر میں سست بیٹھی تھی

غمزدہ، مضمحل پریشاں حال

شکل غمگین، پُرشکن خط و خال

سوزِ ہجراں کی آنچ سینے میں

پھر وہ برسات کے مہینے میں

یقین ڈوب گیا تو گماں سے کیا ہو گا

یقین ڈوب گیا تو گماں سے کیا ہو گا

زمیں سے جو نہ ہوا، آسماں سے کیا ہو گا

مزا تو جب ہے کہ نظمِ چمن پہ چھا جاؤ

شکایتِ روشِ باغباں سے کیا ہو گا

بہار، خونِ جگر سے اُگے تو بات بنے

نوائے شکوۂ جورِ خزاں سے کیا ہو گا