ہوا میں رقصاں ہیں دل کے پرزے، خرد کے طوفاں کا سلسلہ ہے

 ہوا میں رقصاں ہیں دل کے پرزے، خرد کے طوفاں کا سلسلہ ہے

جنوں کی بستی اجڑ چکی ہے، وفا کے شہروں میں زلزلہ ہے

تمام صحرا نواز لوٹے،۔ سبھوں نے کنجِ چمن بسایا

مگر جو صرصر سے تھی شکایت، وہی صبا سے انہیں گلہ ہے

میں جس کو وحشت میں ڈھونڈتا تھا ہر ایک جنگل ہر ایک قریہ

وہ مصلحت کا لبادہ اوڑھے، صفِ عدو کے قریں ملا ہے

اس میکدے میں عشق، وہ تنہا شراب ہے

 اس میکدے میں عشق، وہ تنہا شراب ہے

پینا ہے جس کا زہر،۔ نہ پینا عذاب ہے

سب سے مزے کی نیند، مری شب کی نیند تھی

سب سے حسین خواب، مرے دن کا خواب ہے

پریوں کے روپ رنگ، نہ شہزادیوں سے ڈھنگ

لاکھوں میں پھر بھی ایک وہی انتخاب ہے

وہ جو درد تھا ترے عشق کا وہی حرف حرف سخن میں ہے

 وہ جو درد تھا تِرے عشق کا وہی حرف حرف سخن میں ہے

وہی قطرہ قطرہ لہو بنا،۔ وہی ریزہ ریزہ بدن میں ہے

وہ نسیم جانے کہاں گئی، وہ گلاب جانے کدھر کھلے

کوئی آگ پچھلی بہار کی مِرے قلب میں نہ چمن میں ہے

یہی وقت سیل رواں لیے مِری کشتیوں کو ڈبو گیا

کوئی لہر آب حیات کی ابھی گنگ میں نہ جمن میں ہے

خیر سے دل کو تری یاد سے کچھ کام تو ہے

 خیر سے دل کو تِری یاد سے کچھ کام تو ہے

وصل کی شب نہ سہی ہجر کا ہنگام تو ہے

نُورِ افلاک سے روشن ہو شبِ غم کہ نہ ہو

چاند تاروں سے مِرا نامہ و پیغام تو ہے

کم نہیں اے دلِ بے تاب! متاعِ اُمید

دستِ میخوار میں خالی ہی سہی جام تو ہے

کسی حبیب نے لفظوں کا ہار بھیجا ہے

 کسی حبیب نے لفظوں کا ہار بھیجا ہے

بسا کے عطر میں دل کا غُبار بھیجا ہے

ہوئی جو شام تو اپنا لباس پہنا کر

شفق کو جیسے دمِ انتظار بھیجا ہے

کسی نے ڈوبتی صبحوں تڑپتی شاموں کو

غزل کے جام میں شب کا خُمار بھیجا ہے

وہ بھی کہتا تھا کہ اس غم کا مداوا ہی نہیں

 وہ بھی کہتا تھا کہ اس غم کا مداوا ہی نہیں 

دل جلانے کے علاوہ کوئی چارہ ہی نہیں 

زورِ وحشت بھی اگر کم ہو تو چلنا ہے مدام 

سر چھپانے کے لیے دشت میں سایہ ہی نہیں 

جل کے ہم راکھ ہوئے ہیں کہ بنے ہیں کندن 

جوہری بن کے کسی شخص نے پرکھا ہی نہیں 

جب کبھی میرے قدم سوئے چمن آئے ہیں

 جب کبھی میرے قدم سوئے چمن آئے ہیں

اپنا دُکھ درد لیے سرو و سمن آئے ہیں

پاؤں سے لگ کے کھڑی ہے یہ غریب الوطنی

اس کو سمجھاؤ کہ ہم اپنے وطن آئے ہیں

جھاڑ لو گردِ مسرت کو، بٹھا لو دل میں

بھُولے بھٹکے ہوئے کچھ رنج و محن آئے ہیں

جبر شہی کا صرف بغاوت علاج ہے

 جبرِ شہی کا صرف بغاوت علاج ہے

اپنا ازل سے ایک حسینی مزاج ہے

آگے تو زہرِ عشق میں سب زہر تھے گھُلے

اب شاعری کی جان رگِ احتجاج ہے

عالی نظر کے شعر پہ تیکھے مباحثے

بے نور عالموں کا مرض لا علاج ہے

کچھ اصولوں کا نشہ تھا کچھ مقدس خواب تھے

 کچھ اصولوں کا نشہ تھا کچھ مقدس خواب تھے

ہر زمانے میں شہادت کے یہی اسباب تھے

کوہ سے نیچے اتر کر کنکری چُنتے ہیں اب

عشق میں جو آبجو تھے جنگ میں سیلاب تھے

ساز و ساماں تھے ظفر کے پر وہ شب میں لٹ گئے

خاک و خوں کے درمیاں کچھ خواب کچھ کم خواب تھے