اسے محبت تو نہیں کہتے

 میری ایک ہی محبت ہے

جو میرے ساتھ رہتی ہے

جو گُماں میں رہ گئی تھی

اِسے داستاں تو کہتے ہیں

اسے محبت تو نہیں کہتے

میری ایک ہی محبت ہے

جو عُمر بھر کی ساتھی ہے

وہی تو دل کی دھڑکن ہے

جس کے بغیر میں زندہ ہوں

اسے محبت تو نہیں کہتے

میری ایک ہی محبت ہے

جو میری ہمسفر بھی ہے

جس نے میرا ہاتھ تھاما ہے

وہ جس نے ہاتھ چُھڑایا تھا

اسے محبت تو نہیں کہتے

میری ایک ہی محبت ہے

جو مجھ سے پیار کرتی ہے

جو میرے ساتھ چلتی ہے

جو مُڑ کر پھر نہیں آئی

اسے محبت تو نہیں کہتے

میری ایک ہی محبت ہے

جو کانٹوں پر بھی چلتی ہے

جو مُشکلیں بھی سہتی ہے

جس نے سہا نہیں کچھ بھی

اسے محبت تو نہیں کہتے

میری ایک ہی محبت ہے

جو میرے دل میں رہتی ہے

جو مجھے محسوس ہوتی ہے

جو کبھی نظر بھی نہیں آتی

اسے محبت تو نہیں کہتے

میری ایک ہی محبت ہے

میں جس کے بِن ادھُورا ہُوں

جو میرے بِن ادھُوری ہے

جو ادھُورا چھوڑ جائے پھر

اسے محبت تو نہیں کہتے

میاں وقارالاسلام