سیدھا سا دل تھا پڑ گیا اس کج ادا کے ہاتھ

 سیدھا سا دل تھا پڑ گیا اس کج ادا کے ہاتھ

اور میں غریب رہ گیا بس مل ملا کے ہاتھ

باتیں بنا رہے ہیں وہ ایسی بنا کے ہاتھ

جیسے حلیم گھوٹ رہے ہوں چلا کے ہاتھ

تہذیب کے خلاف جو حرکت تھی اب کہاں

اظہارِ عشق کرتے ہیں اب تو دبا کے ہاتھ

یہ لائل پور کے مچھر جو مل والوں نے پالے ہیں

 لائل پور کے مچھر

یہ لائل پور کے مچھر جو مل والوں نے پالے ہیں

بہادر سورما ساونت تگڑے اور جیالے ہیں

منظم طور سے مہماں پہ شب خوں مارنے والے

یہ وہ ہیں جو نہیں کونین سے بھی ہارنے والے

فلٹ چھڑکے ہوئے کمروں میں بھی تن تن کے آتے ہیں

وہ سب مل کر خوشی میں فتح کے باجے بجاتے تھے

محبت جس کو کہتے ہیں بڑی مشکل سے ہوتی ہے

 فلمی عشق

محبت جس کو کہتے ہیں بڑی مشکل سے ہوتی ہے

فقط اک بار ہوتی ہے خلوص دل سے ہوتی ہے

جہان فلم میں الفت کا ہر نخرا نرالا ہے

یہ ایسی دال ہے جس دال میں کالا ہی کالا ہے

اگر بازار میں لڑکی پھسل جائے محبت ہے

سہارہ پا کے لڑکے کا سنبھل جائے محبت ہے

جھوٹے عاشق جو ہیں وہ آہ و بکا کرتے ہیں

 جھوٹے عاشق جو ہیں، وہ آہ و بکا کرتے ہیں

ہم شبِ ہجر میں اخبار پڑھا کرتے ہیں

یہ ترقی کا زمانہ ہے تِرے عاشق پر

انگلیاں اٹھتی تھیں، اب ہاتھ اٹھا کرتے ہیں

مردِ میداں تو ہیں وہ مرد، جو کرتے ہیں جہاد

ان کو کیا کہیئے، جو بیوی سے لڑا کرتے ہیں

بیٹھے بیٹھے دل میں اک شاعر کے آیا یہ خیال

 مکینک شاعر

بیٹھے بیٹھے دل میں اک شاعر کے آیا یہ خیال

شاعری سے بڑھ کے بھی دنیا کو دکھلائے کمال

روشنی میں شمس کی ڈھونڈا تو سانچہ مل گیا

اتفاقاً اس کو اک موٹر کا ڈھانچہ مل گیا

ٹیوب ٹائر برسٹ اور انجن کی حالت تھی خراب

بجتے تھے مڈگارڈ جیسے بجتے ہیں چنگ و رباب