دیے منڈیروں پہ رکھ رہی ہوں زمیں پہ کلیاں بچھا رہی ہوں

 دیے منڈیروں پہ رکھ رہی ہوں زمیں پہ کلیاں بچھا رہی ہوں

کبھی تو آؤ گے لوٹ کر تم، اسی لیے گھر سجا رہی ہوں

کبھی تو اترے گا چاند چھت پر کبھی تو چمکے گی میری قسمت

کبھی تو جاگے گی یاد بن کر تمہارے دل میں میری محبت

اسی لیے تو ہتھیلیوں پر میں آج مہندی لگا رہی ہوں

نہ میری غزلوں میں تتلیوں کے حسین رنگوں کی داستاں ہے

تو کسی راستے کا مسافر رہے تیری ایک ایک ٹھوکر اٹھا لاؤں گی

 تُو کسی راستے کا مسافر رہے تیری ایک ایک ٹھوکر اٹھا لاؤں گی

اپنی بے چین پلکوں سے چن چن کے میں تیرے رستے کے پتھر اٹھا لاؤں گی

میں ورق پیار کا موڑ سکتی نہیں، زندگی! میں تجھے چھوڑ سکتی نہیں

تُو اگر میرے گھر تک نہیں آئے گا میں تیرے پاس ہی گھر اٹھا لاؤں گی

آنسوؤں کا یہ موسم چلا جائے گا، میرے لب پر تبسم بھی آ جائے گا

مجھ کو دل کی زمیں سے تم آواز دو آسماں اپنے سر پہ اٹھا لاؤں گی

میرے مسیحا میں جی اٹھوں گی دعائیں دے دے دوا سے پہلے

 میرے مسیحا میں جی اٹھوں گی دعائیں دے دے دوا سے پہلے

حیات میں نور بن کے آ جا، غموں کی کالی گھٹا سے پہلے

جو چاہتے ہیں مدد سبھی سے، ذلیل ہوتے ہیں وہ جہاں میں

نوازتی ہیں انہیں کو دنیا جو مانگتے ہیں خدا سے پہلے

وطن بچانے کا وقت ہے یہ، مکان بچانے کی فکر چھوڑو

میرے بھی ہاتھوں میں تیغ دے دو میرے بزرگوں حنا سے پہلے

ہمیشہ اک دوسرے کے حق میں دعا کریں گے یہ طے ہوا تھا

 ہمیشہ اک دوسرے کے حق میں، دعا کریں گے، یہ طے ہُوا تھا

ملیں کہ بچھڑیں مگر تم ہی سے وفا کریں گے، یہ طے ہوا تھا

کہِیں رہو تم، کہِیں رہیں ہم، مگر 💕محبت رہے گی قائم

جو یہ خطا ہے، تو عمر بھر یہ خطا کریں گے، یہ طے ہوا تھا

اداسیاں ہر گھڑی ہوں لیکن، حیات کانٹوں بھری ہو لیکن

خطوط پھولوں کی پتیوں پر لکھا کریں گے، یہ طے ہوا تھا

ہماری نیندیں بھی اڑ چکی ہیں صنم بھی کروٹ بدل رہے ہیں

 ہماری نیندیں بھی اڑ چکی ہیں، صنم بھی کروٹ بدل رہے ہیں

اُدھر بھی جاگا ہے پیار دل میں، اِدھر بھی ارماں مچل رہے ہیں

ملا ہے جس دن سے پیار ان کا، ہر ایک شے ہے نثار مجھ پر

گلاب قدموں میں بچھ رہے ہیں، چراغ راہوں میں جل رہے ہیں

تمہاری آنکھوں میں پیار دیکھوں، تم آؤ تو میں بہار دیکھوں

تمہارے ہمراہ گھر سے نکلوں، سنا ہے موسم بدل رہے ہیں

واقعی کیا تمہیں ہم یاد نہیں آتے ہیں

 واقعی کیا تمہیں ہم یاد نہیں آتے ہیں؟

ہم تو آنکھوں کو تمہارے لیے چھلکاتے ہیں

بمبئ چھوڑ کے آباد کراچی کر لی

تم نے کس طرح یہ منظور جدائی کر لی

کیا وہاں دل کو یہاں جیسا سکوں ملتا ہے؟

کیا وہاں جھیل میں رنگین کنول کھلتا ہے؟

خموش لب ہیں جھکی ہیں پلکیں دلوں میں الفت نئی نئی ہے

 خموش لب ہیں جھکی ہیں پلکیں، دلوں میں الفت نئی نئی ہے

ابھی تکلف ہے گفتگو میں، ابھی محبت نئی نئی ہے

ابھی نہ آئے گی نیند تم کو، ابھی نہ ہم کو سکوں ملے گا

ابھی تو دھڑکے گا دل زیادہ، ابھی یہ چاہت نئی نئی ہے

بہار کا آج پہلا دن ہے، چلوچمن میں ٹہل کے آئیں

فضا میں خوشبو نئی نئی ہے، گلوں میں رنگت نئی نئی ہے