یروشلم ہے کہ راہ غم ہے

 یروشلم ہے کہ راہِ غم ہے

میرے زخموں نے کیے کتنے فلسطین آباد

یروشلم ہے کہ راہِ غم ہے

مقامِ گِریہ، مقامِ مصلوبیت سے بابِ مغاربہ تک

سبھی کے رُوح و بدن شکستہ

سبھی کی پیشانیاں ہیں زخمی

بجائے مرہم، مگر زمانوں کے تن بدن پر

ستم ستم ہی رہیں گے کرم نہیں ہوں گے

 ستم ستم ہی رہیں گے، کرم نہیں ہوں گے

غزل میں ہم سے قصیدے رقم نہیں ہوں گے 

تھے اپنے ساتھ خرد نام کے بزرگ کوئی

خدا کا شکر کہ اب محترم نہیں ہوں گے 

تمہارے ساتھ گزارے ہوئے دنوں کی قسم

بچھڑ گئے تو کسی کے بھی ہم نہیں ہوں گے

سخن جو اس نے کہے تھے گرہ سے باندھ لیے

 سخن جو اس نے کہے تھے گرہ سے باندھ لیے

خیال اسی کے تھے سو سو طرح سے باندھ لیے

وہ بن سنور کے نکلتی تو چھیڑتی تھی صبا

پھر اس نے بال ہی اپنے صبا سے باندھ لیے

ملے بغیر وہ ہم سے بچھڑ نہ جائے کہیں

یہ وسوسے بھی دلِ مبتلا سے باندھ لیے

داستانوں میں ملے تھے داستاں رہ جائیں گے

 داستانوں میں ملے تھے داستاں رہ جائیں گے

عمر بوڑھی ہو تو ہو ہم نوجواں رہ جائیں گے

شام ہوتے ہی گھروں کو لوٹ جانا ہے ہمیں

ساحلوں پر صرف قدموں کے نشاں رہ جائیں گے

ہم کسی کے دل میں رہنا چاہتے تھے اس طرح

جس طرح اب گفتگو کے درمیاں رہ جائیں گے

تم نے پوچھا ہے تو احوال بتا دیتے ہیں

 تم نے پوچھا ہے تو احوال بتا دیتے ہیں 

ورنہ چہرے بھی مہ و سال بتا دیتے ہیں 

روح کا حال بھی اے کاش بتائے کوئی 

دل کی حالت تو خد و خال بتا دیتے ہیں 

اب مراسم بھی بساطوں پہ سجے مہرے ہیں 

کون سی کس نے چلی چال بتا دیتے ہیں 

میں جس جگہ ہوں وہاں بود و باش کس کی ہے

 میں جس جگہ ہوں وہاں بود و باش کس کی ہے

مِرے بدن کے کفن میں یہ لاش کس کی ہے

تجھے خیال میں لا کر گل و نجوم کے ساتھ

یہ دیکھنا ہے کہ اچھی تراش کس کی ہے

خیال و خواب کی گلیوں میں بھی ہے ویرانی

مِری اداس نظر کو تلاش کس کی ہے

تم نے پوچھا ہے تو احوال بتا دیتے ہیں

 تم نے پوچھا ہے تو احوال بتا دیتے ہیں

ورنہ چہرے بھی مہ و سال بتا دیتے ہیں

روح کا حال بھی اے کاش بتائے کوئی

دل کی حالت تو خد و خال بتا دیتے ہیں

اب مراسم بھی بساطوں پہ سجے مہرے ہیں

کون سی کس نے چلی چال بتا دیتے ہیں

اے درختو تمہیں جب کاٹ دیا جائے گا

 درختوں کے لیے

اے درختو! تمہیں جب کاٹ دیا جائے گا

اور تم سوکھ کے لکڑی میں بدل جاؤ گے

ایسے عالم میں بہت پیشکشیں ہوں گی تمہیں

تم مگر اپنی روایت سے نہ پھِرنا ہرگز

شاہ کی کرسی میں ڈھلنے سے کہیں بہتر ہے

کسی فٹ پاتھ کے ہوٹل کا وہ ٹوٹا ہوا تختہ بننا

سفید پوشیٔ دل کا بھرم بھی رکھنا ہے

 سفید پوشیٔ دل کا بھرم بھی رکھنا ہے

تِری خوشی کے لیے تیرا غم بھی رکھنا ہے 

دل و نظر میں ہزار اختلاف ہوں لیکن 

جو عشق ہے تو پھر ان کو بہم بھی رکھنا ہے

بچھڑنے ملنے کے معنی جدا جدا کیوں ہیں

ہر ایک بار جب آنکھوں کو نم بھی رکھنا ہے

گزرتی ہے جو دل پر وہ کہانی یاد رکھتا ہوں

 گزرتی ہے جو دل پر وہ کہانی یاد رکھتا ہوں

میں ہر گلرنگ چہرے کو زبانی یاد رکھتا ہوں

میں اکثر کھو سا جاتا ہوں گلی کوچوں کے جنگل میں

مگر پھر بھی تِرے گھر کی نشانی یاد رکھتا ہوں

مجھے اچھے برے سے کوئی نسبت ہے تو اتنی ہے

کہ ہر نا مہرباں کی مہربانی یاد رکھتا ہوں

ملنے کا بھی آخر کوئی امکان بناتے

ملنے کا بھی آخر کوئی امکان بناتے

مشکل تھی اگر کوئی تو آسان بناتے

رکھتے کہیں کھڑکی، کہیں گلدان بناتے

دیوار جہاں ہے، وہاں دالان بناتے

تھوڑی ہے بہت ایک مسافت کو یہ دنیا

کچھ اور سفر کا سر و سامان بناتے

مرے وجود کو پرچھائیوں نے توڑ دیا

مِرے وجود کو پرچھائیوں نے توڑ دیا

میں اک حصار تھا، تنہائیوں نے توڑ دیا

بہم جو محفلِ اغیار میں رہے تھے کبھی

یہ سلسلہ بھی شناسائیوں نے توڑ دیا

بس ایک ربط نشانی تھا اپنے پُرکھوں کی

اسے بھی آج مِرے بھائیوں نے توڑ دیا

بے رنگ بہاروں کا سبب فیض سے پوچھو

ناپید ہے کیوں سرخئ لب فیض سے پوچھو

بے رنگ بہاروں کا سبب، فیض سے پوچھو

جس حسن کے مشتاق ہو، وہ حسن سرِ راہ

مل جائے تو اندازِ طلب فیض سے پوچھو

جو دل پہ گزرتی ہے رقم کرنے سے پہلے

اس لعلِ بدخشاں کے غضب فیض سے پوچھو

اپنے ہونے کے جو آثار بنانے ہیں مجھے

اپنے ہونے کے جو آثار بنانے ہیں مجھے

جانے کتنے 'در' و 'دیوار' بنانے ہیں مجھے؟

خود کو رکھنا بھی نہیں جنس گراں کی صورت

بکنے والوں کے بھی معیار بنانے ہیں مجھے

تیرے قدموں میں بچھانے ہیں زمینی رستے

اور، اپنے لیے کہسار بنانے ہیں مجھے

اب تو اشکوں کی روانی میں نہ رکھی جائے

اب تو اشکوں کی روانی میں نہ رکھی جائے 

اس کی تصویر ہے پانی میں نہ رکھی جائے 

ایک ہی دل میں ٹھہر جائیں ہمیشہ کے لیے 

زندگی" نقل "مکانی" میں نہ رکھی جائے" 

زندہ رکھنا ہو محبت میں جو "کردار" مِرا 

ساعتِ وصل کہانی میں نہ رکھی جائے 

شوقین مزاجوں کے رنگین طبیعت کے

شوقین مزاجوں کے رنگین طبیعت کے

وہ" لوگ بلا لاؤ "نمکین طبیعت" کے"

دکھ درد کے پیڑوں پر اب کے جو بہار آئی

پھل پھول بھی آئے ہیں غمگین طبیعت کے

خیرات "محبت" کی پھر بھی نہ ملی ہم کو

ہم لاکھ نظر آئے "مسکین" طبیعت کے

سخن جو اس نے کہے تھے گرہ سے باندھ لیے

سخن جو اس نے کہے تھے گرہ سے باندھ لیے

خیال اسی کے تھے سو سو طرح سے باندھ لیے

وہ بن سنور کے نکلتی تو چھیڑتی تھی صبا

پھر اس نے بال ہی اپنے صبا سے باندھ لیے

ملے" بغیر وہ ہم سے بچھڑ نہ جائے کہیں"

یہ وسوسے بھی دلِ مبتلا سے باندھ لیے

یہ محبت کہیں الفاظ کی ورزش تو نہیں

میرے ہونٹوں پہ تیرے نام کی لرزش تو نہیں 

یہ جو آنکھوں میں چمک ہے کوئی خواہش تو نہیں 

رنگ ملبوس ہوئے، لمس ہوئی ہے خوشبو 

آج پھر شہر میں پھولوں کی نمائش تو نہیں 

ایک ہی سانس میں دہرائے چلے جاتے ہیں 

یہ محبت کہیں الفاظ کی ورزش تو نہیں 

گڑیا سی لگ رہی تھی وہ نیلے فراک میں

گڑیا سی لگ رہی تھی وہ نیلے فراک میں

دیکھا تھا اس کو میں نے کسی کیٹ واک میں

لگتا نہیں ہے اپنے محلے میں دل کہیں

رہنے لگے ہیں جب سے وہ اگلے بلاک میں

بیٹھا ہوا ہوں اب بھی سمندر پہ اس جگہ

روحیں جب اپنی ایک تھیں ہونٹوں کے لاک میں

کبھی نہ رونے کی خود کو تلقین کر رہا ہوں

کبھی نہ رونے کی خود کو تلقین کر رہا ہوں

میں اپنے اشکوں کی آج تدفین کر رہا ہوں

کبھی محبت کی بھیک لگتی ہے نیک نامی

کبھی یہ لگتا ہے اپنی توہین کر رہا ہوں

مجھے بھی ساقی اب احتیاجِ سبُو نہیں ہے

لہو سے اپنے ہی شام رنگین کر رہا ہوں