تھکا ہارا ہوں مدت سے کہیں سستا نہیں پایا

 تھکا ہارا ہوں مدت سے کہیں سستا نہیں پایا

خزانہ وقت کا کھویا ہے ورنہ کیا نہیں پایا

سوائے ذاتِ اقدس کے کوئی پرساں نہیں دیکھا

کچھ ایسے زخم پوشیدہ ہیں جو دکھلا نہیں پایا

یوں اشکوں کو پیے جانا، جیے جانا یونہی تنہا

مِرا وجدان بنتے ہیں جو میں چھلکا نہیں پایا

اجاڑ لفظوں کی بے زبانی سے ڈر گئے ہیں

 اجاڑ لفظوں کی بے زبانی سے ڈر گئے ہیں

جو خود نوشتہ ہے اس کہانی سے ڈر گئے ہیں

ہمیں ہوائے قریبِ صحرا نے یہ خبر دی

کہ تشنہ لب تیرے اب کے پانی سے ڈر گئے ہیں

ہوئے تھے تم غیر، لیکن اب مرحلہ ہے مشکل

تمہاری غیروں کی ترجمانی سے ڈر گئے ہیں

کسی تلاش سے تھک کر ہی سکوں ہوتا ہے

کسی تلاش سے تھک کر ہی سکوں ہوتا ہے

ہمارے ساتھ ہر جنم میں یہ کیوں ہوتا ہے؟

ہم اس کے سر سے ہر اک شعر وارتے جائیں

بِکیں الفاظ تو جذبات کا خوں ہوتا ہے

میرے بارے ہی اگر پوچھنا ہو مجھ سے پوچھ

قصہ خوانوں میں کہاں سوزِ دروں ہوتا ہے

غمگساروں کا کیا بھروسہ

 غمگساروں کا کیا بھروسہ

بے سہاروں کا کیا بھروسہ

چھپ کے بادل کی اوٹ میں رہ لیں

چاند تاروں کا کیا بھروسہ

جن کی قسمت خزاں کا بوجھ بنے

ان بہاروں کا کیا بھروسہ

میرے اعصاب میں اک جو فریاد تھی وہ تری یاد تھی

 میرے اعصاب میں اک جو فریاد تھی، وہ تِری یاد تھی

اور وہم و گماں میں جو آباد تھی، وہ تری یاد تھی

مجھ پہ طاری رہا اس کا احساس بادِ صبا کی طرح

ایسا لگتا ہے جیسے چمن زاد تھی، وہ تری یاد تھی

اب کے یوں بھی ہوا کہ سفر نے مجھے راستہ نہ دیا

فاصلوں سے، حدوں سے جو آزاد تھی، وہ تری یاد تھی

موسم ہجر یا وصال ملا

 موسمِ ہجر یا وصال ملا

جو بھی ہم کو ملا کمال ملا

سانس کا سلسلہ تماشا تھا

خوف کا سلسلہ بحال ملا

اپنے باطن کی خلوتوں میں ہمیں

جلوہ آراء تِرا خیال ملا

وہ لوگ جو کھلی کتاب کی طرح نظر میں ہیں

 وہ لوگ جو کھلی کتاب کی طرح نظر میں ہیں

یہ جانتے نہیں کہ احتیاط سے مفر میں ہیں

قیام کے لیے کوئی مقامِ دلبری نہیں

میں جانتا بھی ہوں کہ سارے مسئلے سفر میں ہیں

تلخیوں کے بعد کیسے کیسے رابطے ہوئے

یہ سوچ کر نبھا گئے کہ عمرِ مختصر میں ہیں

تھکا ہارا ہوں مدت سے کہیں سستا نہیں پایا

 تھکا ہارا ہوں مدت سے کہیں سستا نہیں پایا

خرانہ وقت کا کھویا ہے، ورنہ کیا نہیں پایا

سوائے ذاتِ اقدس کے کوئی پرساں نہیں دیکھا

کچھ ایسے زخم پوشیدہ ہیں جو دِکھلا نہیں پایا

مری بربادئ دل کا تعلق تھا وفاؤں سے

کہ سب کچھ کر دیا لیکن انہیں جتلا نہیں پایا