ہادئ کل احمد مختار کی باتیں کریں

عارفانہ کلام نعتیہ کلام

ہادئ کُل، احمدِﷺ مختار کی باتیں کریں

ہم غزل میں بھی شہِ ابراؐر کی باتیں کریں

تذکرہ تفسیرِ قرآں، لا نبی بعدی کا ہو

ذکر حُسنِ خُلق کا، گفتار کی باتیں کریں

جس کے آگے جھک گئی ہر رفعتِ ارض و سماں

اس عظیم المرتبت سردارﷺ کی باتیں کریں

جھلستی دوپہر میں تو نے انسان کو بچایا ہے

عارفانہ کلام نعتیہ کلام

جھلستی دوپہر میں تُو نے انسان کو بچایا ہے​

تو پھر اس میں غلط کیا ہے کہ تُو رحمت کا سایہ ہے​

دلوں کو جوڑ کر تُو نے محبت کی طرح ڈالی​

مٹا کر غیریت کو پیار کا جادو جگایا ہے​

تِرے نقشِ کفِ پا نے سرِ صحرائے بے پایاں​

جو رستہ بھول بیٹھے تھے انہیں رستہ دکھایا ہے

کبھی ساحل تو کبھی سیلِ خطر ٹھہرے گی

 کبھی ساحل تو کبھی سیلِ خطر ٹھہرے گی

بحرِ ہستی میں اگر موجِ سفر ٹھہرے گی

ورطۂ شب سے نکل آئی اگر کشتئ صبح

ساحلِ نور پہ ٹھہرے گی اگر ٹھہرے گی

سینۂ حسن میں پوشیدہ ہے جو آگ ابھی

تیشۂ عشق سے گلرنگ سحر ٹھہرے گی

سخن کا پیرہن پہنا دیا کس نے خموشی کو

 سخن کا پیرہن پہنا دیا کس نے خموشی کو

ترستی ہے زباں گونگے دلوں کی گرمجوشی کو

ہوئے آرائشِ جاں کی بدولت کو بہ کو رسوا

کہ عریانی سمجھتے ہیں ہم اپنی جامہ پوشی کو

جب اپنا دم گھٹا ہر دم فصیلِ شہر کے اندر

نکل آئے ہیں صحراؤں میں ہم خانہ بدوشی کو

خود نمائی عمر بھر کا قہر ہے

 خود نمائی عمر بھر کا قہر ہے

میرے ہونٹوں پر سخن کا زہر ہے

دل دھڑکتا ہے مِرے کانوں کے پاس

اور خوابیدہ یہ سارا شہر ہے

ان کھلی آنکھوں کی پنہائی میں آج

منظرِ عقدہ کشائے دہر ہے

قفس رنگ سے نکلے تو کدھر جائیں گے

 قفسِ رنگ سے نکلے تو کدھر جائیں گے

ہم پریشانِ نظر اور بکھر جائیں گے

شعلۂ وقت سے ہر شمع کو ملتی ہے چمک

محفلِ دل کے مقدر بھی سنور جائیں گے

کہیں ملتا ہی نہیں بحرِ جنوں کا ساحل

صورتِ موجِ بلا خیز گزر جائیں گے

غم کی بے پناہی میں دل نے حوصلہ پایا

 غم کی بے پناہی میں، دل نے حوصلہ پایا

تیرگی کے جنگل میں، چشمۂ ضیا پایا

آفتاب کا پیکر، بن گیا بدن اپنا

روشنی میں سائے کا، سحر ٹوٹتا پایا

کھل گئی جو آنکھ اپنی، وقت کی صدا سن کر

ان گِنت جہانوں کا، در کُھلا ہوا پایا