زمیں پہ کیسا ہے قحط الرّجال اُف اللہ
وفا کا اور جنوں کا زوال اُف اللہ
جو آدمی کا ہے اس وقت حال اُف اللہ
وفا کا اور جنوں کا زوال اُف اللہ
ترقی خوب ہوئی بے مثال اُف اللہ
مگر جو دیکھا ہے گاؤں کا حال اُف اللہ
فریب، دھوکا، دغا بازیاں زمانے کی
ہوس نے خوب بُنا ہے یہ جال اُف اللہ
سیاست اور حکومت ہے ایک مکّاری
وطن پرست سِتم سے نڈھال اُف اللہ
امیرِ شہر نے غارت کیا سکوں ان کا
کہ مُفلسوں کا ہے جِینا محال اُف اللہ
بتاؤ کیسے کہیں ہپی نیو ائیر صاحب
کہ بھُوک اور نیا ایک سال اُف اللہ
کہے جو جھُوٹ اور سچ کو سچ اعزاز
نہیں یہ آج کسی کی مجال اُف اللہ
خالد اعزاز
No comments:
Post a Comment