ہماری زیست میں کچھ ایسے مہ و شاں گزرے
زمیں پہ جیسے ستاروں کے کارواں گزرے
متاع زیست سمجھ کر اسے سمیٹ لیا
تِرے لیے جو ستم ہائے آسماں گزرے
خود اپنے حال پہ آنکھوں میں آ گئے آنسو
تِرے خیال میں کیا کیا نہیں گُماں گزرے
مِری وفا کا صلہ کیا ملا بتا دینا
تمہاری راہ سے جب کوئی کارواں گزرے
اُداس اُداس یہ آنکھیں اُڑی اُڑی رنگت
بتا رہی ہیں یہ کس حال میں کہاں گزرے
وفا کی راہ میں سب کچھ لٹا دیا جس نے
جہانِ عشق میں وہ لوگ کامراں گزرے
سپردگی کا وہ عالم عنایتوں کی نظر
زمانہ بیت گیا تم سا مہرباں گزرے
وزیر ایسا طریقہ تم اختیار کرو
تمہاری بات کسی کو نہ کچھ گراں گزرے
وزیر حسن
No comments:
Post a Comment