ہم اور نگر کے باسی ہیں ہمیں دل کے پاس نہ رکھیں آپ

 ہم اور نگر کے باسی ہیں ہمیں دل کے پاس نہ رکھیں آپ

جو آپ کو ٹوٹ کے چاہا کرے، کوئی ساتھی ایسا دیکھیں آپ

ہم کہاں ہیں چاہت کے لائق، ہمیں پیار کے خط مت لکھا کریں

یادوں کے سلگتے صحرا میں، برباد نہ خود کو کیا کریں

جب وصل کا کچھ امکاں نہیں، پھر ہجر میں یوں نہ جلا کریں

ہم جو کچھ آپ سے کہتے ہیں، اسے ٹھنڈے دل سے سوچیں آپ

ہیں آنکھیں جھیل سی چہرہ کتاب جیسا ہے

 ہیں آنکھیں جھیل سی، چہرہ کتاب جیسا ہے

کہ میرے یار کا ہر نقش خواب جیسا ہے

کسی بھی بات پر اب بھیگتی نہیں آنکھیں

کہ اپنا حال بھی سوکھے چناب جیسا ہے

یہ آرزو ہے کبھی تو اندھیری شب میں ملے

وہ ایک شخص کہ جو ماہتاب جیسا ہے

خواہش ہے کہ اس طور سے جیون کو گزاروں

 خواہش ہے کہ اس طور سے جیون کو گزاروں

ہر عکس تِرے حسن کا آنکھوں میں اتاروں

وہ تشنہ لبی ہے کہ سمجھ کچھ نہیں آتا

دریا کو صدا دوں کہ سمندر کو پکاروں

جیون بھی تو الجھی ہوئی ڈوروں کی طرح ہے

اس سوچ میں گم ہوں کہ اسے کیسے سنواروں

پیار کے دیپ جلانے والے کچھ کچھ پاگل ہوتے ہیں

 پیار کے دیپ جلانے والے کچھ کچھ پاگل ہوتے ہیں

اپنی جان سے جانے والے کچھ کچھ پاگل ہوتے ہیں

ہجر کے گہرے زخم ملے تو مجھ کو یہ احساس ہوا

پاگل کو سمجھانے والے کچھ کچھ پاگل ہوتے ہیں

جان سے پیارے لوگوں سے بھی کچھ کچھ پردہ لازم ہے

ساری بات بتانے والے کچھ کچھ پاگل ہوتے ہیں

ہجر میں خون رلاتے ہو کہاں ہوتے ہو

 ہجر میں خون رلاتے ہو، کہاں ہوتے ہو

لوٹ کر کیوں نہیں آتے ہو، کہاں ہوتے ہو

جب بھی ملتا ہے کوئی شخص بہاروں جیسا

مجھ کو تم کیسے بھلاتے ہو، کہاں ہوتے ہو

مجھ سے بچھڑے ہو تو محبوبِ نظر ہو کس کے

آج کل کس کو مناتے ہو، کہاں ہوتے ہو

ہوا کی جو بھی مرضی ہو

 سنو پتھر نہیں ہونا

ہوا کی جو بھی مرضی ہو

مقدر جو بھی کچھ چاہے

زمیں پر چار سُو

رنج و الم کی بارشیں برسیں

تمہارے لب پہ بکھرے سارے نغمے