عباس کا وہ غیض وہ تیور جلال کے

 عارفانہ کلام حمد نعت منقبت

عباسؑ کا وہ غیض وہ تیور جلال کے

خود موت رکھ رہی تھی قدم دیکھ بھال کے

اصغرؑ کو مانگا شاہؑ نے کلیجا سنبھال کے

ہاتھوں پہ ماں نے رکھ دیا دل کو نکال کے

پانی کیا طلب تو اجل نے کیا سلام

یوں بھی جواب ملتے ہیں اکثر سوال کے

عباس کا وہ غیظ وہ تیور جلال کے

 عارفانہ کلام حمد نعت منقبت

عباسؑ کا وہ غیظ وہ تیور جلال کے

خود موت رکھ رہی ہے قدم دیکھ بھال کے

اصغرؑ کو مانگا شہؑ نے کلیجہ سنبھال کے

ہاتھوں پہ ماں نے رکھ دیا دِل کو نکال کے

اصغرؑ گئے نہ جُھولے سے بانوؑ کے بَین تھے

سینے سے لے گیا ہے کوئی دل نکال کے

لمبی لمبی پلکوں والے تجھ پر کیسا نام سجے گا

 لمبی لمبی پلکوں والے تجھ پر کیسا نام سجے گا

لمبی لمبی پلکوں والے تجھ پر ایسا نام سجے گا

لمبی پلکوں والے نے اس شہر کا دل اپنایا ہے

ہم بیٹھے یہ سوچ رہے ہیں اس پر کیسا نام سجے گا

دوپہر کی گرمی ہے، اور چھاؤں نیم کی ٹھنڈی ہے

بیٹھ ہی جا اس چھاؤں میں پگلے تجھ پر یہ آرام سجے گا

پھول کی جو کچھ پنکھڑیاں ٹوٹیں

 پھول کی جو کچھ پنکھڑیاں ٹوٹیں

چھن سے کانچ کی چوڑیاں ٹوٹیں

دل کے مرمریں سرد فرش پر

چھن سے سانس کی بیڑیاں ٹوٹیں

پھوٹ گئی پھولوں کی خوشبو

یا کہ یاد کی لڑیاں ٹوٹیں؟

جب چاہا اقرار کیا جب چاہا انکار کیا

 جب چاہا اقرار کیا،۔ جب چاہا انکار کیا

دیکھو ہم نے خود ہی سے کیسا انوکھا پیار کیا

ایسا انوکھا ایسا تیکھا جس کو کوئی سہہ نہ سکے

ہم سمجھے پتی پتی کو ہم نے ہی سرشار کیا

روپ انوکھے میرے ہیں اور روپ یہ تُو نے دیکھے ہیں

میں نے چاہا کر بھی دکھایا یا جنگل کو گلزار کیا

اداسیوں نے مری آتما کو گھیرا ہے

 اداسیوں نے مِری آتما کو گھیرا ہے

رو پہلی چاندنی ہے اور گھپ اندھیرا ہے

کہیں کہیں کوئی تارہ کہیں کہیں جگنو

جو میری رات تھی وہ آپ کا سویرا ہے

قدم قدم پہ بگولوں کو توڑتے جائیں

ادھر سے گزرے گا تو راستہ یہ تیرا ہے

یہ نہ سوچو کل کیا ہو

 یہ نہ سوچو کل کیا ہو

کون کہے اس پل کیا ہو

رؤو مگر نہ رونے دو

ایسی بھی جل تھل کیا ہو

بہتی ندی کو باندھے باندھ

چلو میں ہلچل کیا ہو

اکیلے پن کے اسی بے کنار صحرا میں

اکیلے پن کے اسی بے کنار صحرا میں

الجھی بکھری ہوئی قسمت کی لکیروں میں گھری

سفید کپڑوں سے زخموں کو اپنے ڈھانپے ہوئے 

(کفن کا رنگ نہیں ہے، یہ ہے پناہ کا رنگ)

پھر وہی میں، وہی چوراہا، وہی بے نام سکوت

دھواں، دھواں سی نظر، اور وہی سناٹا 

پھر سے احساس نے پہنا ہے بےحسی کا لباس

اللہ کرے کہ کوئی بھی میری طرح نہ ہو

اللہ کرے کہ کوئی بھی میری طرح نہ ہو

اللہ کرے کہ روح کی کوئی سطح نہ ہو

ٹوٹے ہوئے ہاتھوں سے کوئی بھیک نہ مانگے

جو فرض تھا وہ قرض ہے، پر اس طرح نہ ہو

سوچا تھا خوشبوؤں سے سانسیں بسائیں گے

چیخا لہو کہ دیکھو وہ قوسِ قزح نہ ہو

ہنسی تھمی ہے ان آنکھوں میں یوں نمی کی طرح​

ہنسی تھمی ہے ان آنکھوں میں یوں نمی کی طرح​

چمک اٹھے ہیں اندھیرے بھی روشنی کی طرح​

تمہارا نام ہے، یا آسماں نظروں میں ​

سمٹ آیا میری گم گشتہ زندگی کی طرح ​

کہر ہے دھند دھواں ہے جس کی شکل نہیں ​

کہ دل اک روح سے لپٹا ہے اجنبی کی طرح ​

حیا سے ٹوٹ کے آہ کانپتی برسات آئی

حیا سے ٹوٹ کے آہ کانپتی برسات آئی
آج اقرارِ جرم کر ہی لیں وہ رات آئی
دھنک سے رنگ لیے بجلیوں سی آنکھوں میں
کیسی معصوم امنگوں کی یہ بارات آئی
تمام دوڑے سائے وہیں پہ ٹھہر گئے
جھجک جھجک کے لرزتی جہاں یہ بات آئی

عیادت ہوتی جاتی ہے عبادت ہوتی جاتی ہے

عیادت ہوتی جاتی ہے، عبادت ہوتی جاتی ہے

مِرے مرنے کی دیکھو سب کو عادت ہوتی جاتی ہے

نمی سی آنکھ میں اور ہونٹ بھی بھِیگے ہوئے سے ہیں

یہ بھِیگا پن ہی دیکھو، مسکراہٹ ہوتی جاتی ہے

تیرے قدموں کی آہٹ کو ہے دل ڈھونڈتا ہر دم

ہر اک آواز پر اک تھرتھراہٹ ہوتی جاتی ہے

اداسیوں نے میری آتما کو گھیرا ہے

اداسیوں نے میری آتما کو گھیرا ہے

روپہلی چاندنی ہے اور گھُپ اندھیرا ہے

کہیں کہیں کوئی تارہ، کہیں کہیں جگنو

جو میری رات تھی وہ آپ کا سویرا ہے

قدم قدم پہ بگولوں کو توڑتے جائیں

ادھر سے گزرے گا تو راستہ یہ تیرا ہے

چاند تنہا ہے آسماں تنہا

دونوں چلتے رہے یہاں تنہا

چاند تنہا ہے آسماں تنہا
دل ملا ہے کہاں کہاں تنہا
بجھ گئی آس چھپ گئے تارے
تھرتھراتا رہا دھواں تنہا
زندگی کیا اسی کو کہتے ہیں
جسم تنہا ہے، اور جاں تنہا

یوں تیری رہگزر سے دیوانہ وار گزرے

یوں تیری رہگزر سے دیوانہ وار گزرے
کاندھے پہ اپنے رکھ کے اپنا مزار گزرے
بیٹھے ہیں راستے میں دل کا کھنڈر سجا کر
شاید اسی طرف سے اک دن بہار گزرے
دار و رسن سے دل تک سب راستے ادھورے
جو ایک بار گزرے، وہ بار بار گزرے

پوچھتے ہو تو سنو کیسے بسر ہوتی ہے

پوچھتے ہو تو سنو کیسے بسر ہوتی ہے
رات خیرات کی، صدقے کی سحر ہوتی ہے
سانس بھرنے کو تو جینا نہیں کہتے یا رب

دل ہی دُکھتا ہے نہ اب آستیں تر ہوتی ہے
جیسے جاگی ہوئی آنکھوں میں چبھیں کانچ کے خواب
رات اس طرح دِوانوں کی بسر ہوتی ہے

آبلہ پا کوئی اس دشت میں آیا ہو گا

آبلہ پا کوئی اس دشت میں آیا ہو گا
ورنہ آندھی میں دِیا کس نے جلایا ہو گا
ذرے ذرے پہ جڑے ہونگے کنوارے سجدے
ایک ایک بت کو خدا اس نے بنایا ہو گا
پیاس جلتے ہوئے ہونٹوں کی بجھائی ہو گی
رِستے پانی کو ہتھیلی پہ سجایا ہو گا

ٹکڑے ٹکڑے دن بیتا دھجی دھجی رات ملی

ٹکڑے ٹکڑے دن بیتا، دھجی دھجی رات ملی

جس کا جتنا آنچل تھا۔ اتنی ہی سوغات ملی
رم جھم رم جھم بوندوں میں زہر بھی ہے امرت بھی ہے
آنکھیں ہنس دیں، دل رویا، یہ اچھی برسات ملی
 جب چاہا دل کو سمجھائیں، ہنسنے کی آواز سنی

جیسے کوئی کہتا ہو، لے پھر تجھ کو مات ملی

آغاز تو ہوتا ہے انجام نہیں ہوتا

آغاز تو ہوتا ہے انجام نہیں ہوتا
جب میری کہانی میں وہ نام نہیں ہوتا
جب زلف کی کالک میں گھل جائے کوئی راہی
بدنام سہی لیکن، گمنام نہیں ہوتا
ہنس ہنس کے جواں دل کے ہم کیوں نہ چنیں ٹکڑے
ہر شخص کی قسمت میں انعام نہیں ہوتا