اداسیوں نے میری آتما کو گھیرا ہے
روپہلی چاندنی ہے اور گھُپ اندھیرا ہے
کہیں کہیں کوئی تارہ، کہیں کہیں جگنو
جو میری رات تھی وہ آپ کا سویرا ہے
قدم قدم پہ بگولوں کو توڑتے جائیں
افق کے پار جو دیکھی ہے روشنی تم نے
وہ روشنی ہے خدا جانے، یا اندھیرا ہے
سحر سے شام ہوئی شام کو یہ رات ملی
ہر ایک رنگ سمے کا بہت گھنیرا ہے
خدا کے واسطے غم کو بھی تم نہ بہلاؤ
اسے تو رہنے دو میرا، یہی تو میرا ہے
ماہ جبین ناز
مینا کماری ناز
No comments:
Post a Comment