آج کس مست کی رخصت ہے مے خانے سے​

آج کس مست کی رخصت ہے میخانے سے​

شیشہ مل مل کے بہت روتا ہے پیمانے سے​

کٹ گئی پاؤں کی بیڑی جو پہن لی زنجیر​

ہوشیاری کوئی سیکھے تِرے دیوانے سے​

دیکھ سکتا نہیں دل یار سے پہلو خالی​

ہم کو معلوم ہوا آنکھ کے بھر آنے سے​

نہ چھپا خون کِیا ہے جو ہمارے دل کا​

کھُل گیا اس نِگہِ شوخ کے سمجھانے سے​

حسرتیں دل میں نکلتی ہی چلی آتی ہیں​

بستیاں ہوتی ہیں پیدا مِرے ویرانے سے​

اس کے آنے کی نہ ٹھہرے گی یہ ثابت ہے جلال​ؔ

آپ سے آپ طبیعت کے ٹھہر جانے سے​

جلال لکھنوی